ທ່ານປະທານຄະນະບໍລິຫານງານ ສສຍລ ພ້ອມຄະນະ ຕ້ອນຮັບການເຂົ້າອວຍພອນຂອງສະມາຄົມນັກທຸລະກິດຍິງ

ວັນທີ 30 ມິຖຸນາ 2023 ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ, ປະທານຄະນະບໍລິຫານງານ ສສຍລ ພ້ອມຄະນະ ໄດ້ຕ້ອນຮັບການເຂົ້າອວຍພອນຂອງສະມາຄົມນັກທຸລະກິດຍິງ ນຳໂດຍ ທ່ານ ນາງ​ ຈັນທະຈອນ​ ວົງໄຊ​ ປະທານສະມາຄົມນັກທຸລະກິດຍິງ ພ້ອມຄະນະ ເນື່ອງໃນໂອກາດວັນສ້າງຕັ້ງສະຫະພັນແມ່ຍິງລາວ ຄົບຮອບ 68 ປີ (20 ກໍລະກົດ 1955 ຫາ 20 ກໍລະກົດ 2023) ທີ່ໃກ້ຈະມາເຖິງນີ້ໃນ, ໂອກາດນີ້ສະມາຄົມນັກທຸລະກິດຍິງໄດ້ມອບເງິນ​ ຈຳນວນ​ 20.000.000 ກີບ​ ເພື່ອປະກອບສ່ວນຊຸກຍູ້ກິດຈະກຳເນື່ອງໃນໂອກາດສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ​ຕື່ມອີກ.