ພ້ອມນີ້, ໃນຕອນບ່າຍວັນດຽວກັນ ທ່ານ ນາງ ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ພ້ອມຄະນະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ພິນິດ ຈັນທະລັງສີ ທີ່ປຶກສາລະດັບພາກພື້ນຈາກຫ້ອງການອຸຍແນສໂກພາກພື້ນ ປະຈໍາບາງກອກ ປະເທດໄທ ເພື່ອນໍາສະເໜີວຽກງານ ແລະ ນະໂຍບາຍຂອງອົງການອຸຍແນສໂກ ກ່ຽວກັບສິດທິຂອງແມ່ຍິງ ແລະ ບົດບາດຍິງ-ຊາຍ. ໂອກາດນີ້ ທ່ານ ປະທານຄະນະບໍລິຫານງານ ສສຍລ ໄດ້ສະແດງຄວາມຍິນດີຕ້ອນຮັບ ພ້ອມທັງໄດ້ນໍາສະເໜີທີ່ຕັ້ງ, ສິດ-ໜ້າທີ່, ພາລະບົດບາດຂອງສູນກາງສະຫະພັນແມ່ຍິງລາວ ລວມທັງບັນດາແຜນງານໂຄງການຕ່າງໆ ເພື່ອເປັນຂໍ້ມູນພື້ນຖານໃນການປຶກສາຫາລືສ້າງແຜນຮ່ວມມືກັນໃນຕໍ່ໜ້າ ໂດຍສະເພາະວຽກງານກ່ຽວກັບການປົກປ້ອງສິດ-ຜົນປະໂຫຍດຂອງແມ່ຍິງ, ຄວາມສະເໝີພາບລະຫວ່າງຍິງ-ຊາຍ ລວມທັງການປົກປັກຮັກສາວັດທະນະທໍາໃນຫຼາຍຂະແໜງການ.
