ຕອນເຊົ້າວັນທີ 01 ມິຖຸນາ 2022 ທ່ານນາງ ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ແລະ ທ່ານ ເລັດ ໄຊຍະພອນ ເລຂາຄະນະບໍລິຫານງານພັກແຂວງ ເຈົ້າແຂວງ ແຂວງອັດຕະປື ພ້ອມດ້ວຍຄະນະນໍາຂອງແຂວງ ໄດ້ໄປວາງພວງມາລາ ແລະ ກະຕ່າດອກໄມ້ທີ່ອານຸສາວະລີນັກຮົບ ແລະ ຮູບປັ້ນ ທ່ານ ປະທານໄກສອນ ພົມວິຫານ. ຫຼັງຈາກນັ້ນ, ທ່ານປະທານ ສສຍລ, ການນຳຂອງແຂວງ, ຜູ້ຕາງໜ້າຈາກອົງການ ຢູນິເຊບ ແລະ ອົງການກອນກາ ກໍໄດ້ຮ່ວມກັນປູກຕົ້ນໄມ້ ຈຳນວນ 11 ຕົ້ນ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນອີກດ້ວຍ.
