ໂອກາດທີ່ລົງເຄື່ອນໄຫວວຽກງານຢູ່ແຂວງຫຼວງພະບາງໃນວັນທີ 22 ມີນາ 2023, ທ່ານນາງ ສິລິກິດ ບຸບຜາ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມຄະນະ ໄດ້ເຂົ້າຮ່ວມເຮັດວຽກນຳທ່ານນາງ ວຽນວິໄລ ດີລະພັນ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີຄະນະບໍລິຫານງານສະຫະພັນແມ່ຍິງແຂວງ, ຄະນະຈັດຕັ້ງແຂວງເຂົ້າຮ່ວມ. ການເຂົ້າພົບໃນຄັ້ງນີ້ເພື່ອລາຍງານການຜັນຂະຫຍາຍມະຕິກອງປະຊຸມປຶກສາຫາລືວຽກງານສ້າງພະນັກງານນຳພາ-ຄຸ້ມຄອງເພດຍິງຄັ້ງທີ III ທັງເປັນການກະກຽມບຸກຄະລາກອນເພດຍິງໃຫ້ແກ່ກອງປະຊຸມໃຫຍ່ 3 ຂັ້ນ ຂອງພັກ ແລະ ຂອງສະຫະພັນແມ່ຍິງໃນຕໍ່ໜ້າໃຫ້ບັນລຸເປົ້າໝາຍທີ່ວາງໄວ້, ປະເມີນການຈັດຕັ້ງປະຕິບັດວາລະແຫ່ງຊາດ ແລະ ການສ້າງຫັນປ່ຽນຢ່າງແຮງແຮງທຸກຂອດວຽກງານພະນັກງານ.
