ໂຄງການດັ່ງກ່າວເປັນກິດຈະກຳໜຶ່ງຂອງ ສຍ ດາໜັງ ໃນການເຄື່ອນວຽກງານການຕ່າງປະເທດ ໂດຍຮ່ວມກັບກົງສູນໃຫຍ່ ແຫ່ງ ສປປລາວ ທີ່ນະຄອນດາໜັງ ຈັດຂຶ້ນ ເປັນຕົ້ນ ການພົບປະສັງສັນ ແລະ ແລກປ່ຽນດ້ານວັດທະນະທຳອັນດີງາມຂອງສອງຊາດລາວ-ຫວຽດນາມ. ພິເສດ ແມ່ນເພີ່ມທະວີສາຍພົວພັນກັບນັກສຶກສາລາວທີ່ພວມສຶກສາຮ່ຳຮຽນຢູ່ດາໜັງ ຜ່ານຮູບແບບແມ່ທີສອງ ເພື່ອຊ່ວຍເຫຼືອດ້ານທັກສະ, ວັດທະນະທຳ ແລະ ສ້າງສາຍສຳພັນອັນສະໜິດແໜ້ນລະຫວ່າງແມ່ຍິງສອງຊາດລາວ-ຫວຽດນາມ ໂດຍສະເພາະໃນໄລຍະທີ່ມີການປິດເມືອງ ເນື່ອງຈາກການລະບາດຂອງພະຍາດໂຄວິດ-19 ທີ່ຜ່ານມາ. ໂອກາດນີ້ ຄະນະພັກ ຄະນະນຳຂອງເມືອງລຽນຈ໋ຽວ ກໍໄດ້ຈັດພາເຂົ້າຕ້ອນຮັບຄະນະຜູ້ແທນລາວ ທີ່ມາເຄື່ອນໄຫວເຮັດວຽກ , ຢ້ຽມຢາມກິດຈະກຳ ແລະ ໂຄງການຕົວແບບຂອງເມືອງລຽນຈ໋ຽວ ໃນເທື່ອນີ້.
