ໄດ້ຈັດພິທີປາຖະກະຖາເລົ່າຄືນປະຫວັດມູນເຊື້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ ( 20 ກໍລະກົດ 1955–20 ກໍລະກົດ 2022 ) ໂດຍຕິດພັນກັບພິທີມອບໃບຍ້ອງຍໍ, ໃບຊົມເຊີຍ ໃຫ້ສະມາຊິກຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ໄລຍະປີ (2021) ໃຫ້ກຽດປາຖະກະຖາໂດຍທ່ານນາງ ວຽງສະໝອນ ພະທິທັກ ຮອງປະທານສະຫະພັນແມ່ຍິງແຂວງ, ເຂົ້າຮ່ວມຮັບຟັງມີທ່ານ ດາວເຮືອງ ໂພທິລາດ ຮອງເລຂາພັກຮາກຖານ ຮອງຫົວໜ້າພະແນກເຕັກໂນໂລຊີ ແລະການສື່ສານແຂວງ, ທ່ານນາງ ອ່ອນຕາ ບຸດຕະໂຄດ ຄະນະບໍລິຫານງານສະ ຫະພັນແມ່ຍິງແຂວງ ປະທານສະຫະພັນແມ່ຍິງຮາກຖານ, ບັນດາທ່ານຄະນະພັກ, ຫົວໜ້າບໍລິສັດ, ຄະນະສະຫະພັນແມ່ຍິງຮາກຖານ-ໜ່ວຍສະຫະພັນແມ່ຍິງອ້ອມຂ້າງ ຕະ ຫຼອດຮອດສະມາຊິກສະຫະພັນແມ່ຍິງພາຍ ໃນຮາກຖານເຂົ້າຮ່ວມທັງໝົດ 37 ທ່ານ, ຍິງ 30 ທ່ານ, ຊາຍ 7 ທ່ານ.
ໃນພິທີເຜີຍແຜ່ຄັ້ງນີ້ ທ່ານນາງ ວຽງສະໝອນ ພະທິທັກ ຮອງປະທານສະຫະພັນແມ່ຍິງແຂວງ ໄດ້ຍົກໃຫ້ເຫັນຜົນງານການກຳເນີດ ແລະ ເຕີບໃຫຍ່ຂະຫຍາຍຕົວຂອງອົງ ການຈັດຕັ້ງສະຫະພັນແມ່ຍິງລາວ ຕະຫຼອດໄລຍະ 67 ປີ ໃນການຕໍ່ສູ້ປົດປ່ອຍຊາດ ຄຽງບ່າຄຽງໄຫຼ່ກັບເພດຊາຍ ແລະ ການປະກອບສ່ວນສ້າງສາພັດທະນາປະເທດຂອງອ້າຍນ້ອງແມ່ຍິງ ແລະ ປະຫວັດການເຄື່ອນໄຫວຂອງອົງ ການຈັດຕັ້ງສະຫະພັນແມ່ຍິງແຂວງແຕ່ລະສະໄໝ, ກອງປະຊຸມໃຫຍ່ ຄັ້ງທີ I-X ແລະ ຜົນງານທີພົ້ນເດັ່ນ 1 ປີ ຂອງສະຫະພັນແມ່ຍິງແຂວງ, ພ້ອມນັ້ນກໍ່ໄດ້ມອບໃບຍ້ອງຍໍ ຈຳ ນວນ 62 ໃບ, ໃບຊົມເຊີຍ ຈຳນວນ 3 ໃບ ໃຫ້ສະມາຊິກຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ນຂັນ 3 ດີ.
