ຄະນະຜູ້ແທນຂັ້ນສູງຈາກ ສະຫະພັນແມ່ຍິງ ກູບາ ເດີນທາງມາເຄື່ອນໄຫວ ແລະ ຢ້ຽມຢາມຢ່າງເປັນທາງການ ຢູ່ ສປປ ລາວ

ວັນທີ 17 ພຶດສະພາ 2023, ຄະນະຜູ້ແທນຂັ້ນສູງຈາກ ສະຫະພັນແມ່ຍິງ ກູບາ ນໍາໂດຍທ່ານ ນາງ ເຕເຣສາ ມາເຣຍ ອາເມເຣເຢ ບຸຍ ກຳມະການກົມການເມືອງສູນກາງພັກ, ສະມາຊິກສະພາແຫ່ງລັດ, ເລຂາທິການໃຫຍ່ຂອງສະຫະພັນແມ່ຍິງແຫ່ງຊາດ ກູບາ ພ້ອມຄະນະ ເດີນທາງມາເຄື່ອນໄຫວ ແລະ ຢ້ຽມຢາມຢ່າງເປັນທາງການ ຢູ່ ສປປ ລາວ. ອອກຕ້ອນຮັບຄະນະໂດຍ ທ່ານ ນາງ ລາວັນ ສຸດທິສານ ຮອງປະທານຄະນະບໍລິຫານງານ ສສຍລ, ທ່ານເອກອັກຄະລັດຖະທູດ ກູບາ ປະຈໍາ ສປປ ລາວ ພ້ອມຄະນະຮັບຜິດຊອບ.