ວັນທີ 23 ມິຖຸນາ 2022, ກົມພັດທະນາແມ່ຍິງລາວ ສູນກາງສະຫະພັນແມ່ຍິງລາວ ຮ່ວມກັບ ສຍ ແຂວງໄຊສົມບູນ ຈັດຝຶກອົບຮົມການສ້າງຄວາມເຂັ້ມແຂງດ້ານສຸຂະພາບ ເພື່ອຫຼຸດຜ່ອນການໃຊ້ຄວາມຮຸນແຮງຕໍ່ແມ່ຍິງ ທີ່ແຂວງໄຊສົມບູນ ໂດຍການເປັນປະທານຂອງ ທ່ານ ນາງ ທຳມາ ເພັດວິໄຊ ຮອງປະທານຄະນະບໍລິຫານງານ ສສຍລ, ເຂົ້າຮ່ວມມີ ທ່ານ ປອ ນາງ ນິນປະເສີດ ໄຊຍະພອນສີ ຫົວໜ້າກົມພັດທະນາແມ່ຍິງລາວ ສສຍລ, ທ່ານນາງ ຄໍາສີ ສິດທິວໍລະດາ ປະທານສະຫະພັນແມ່ຍິງແຂວງໄຊສົມບູນ, ສຍ ເມືອງອານຸວົງ, ເມືອງ ລ້ອງແຈ້ງ ແລະ ເມືອງຮົ່ມ ພ້ອມດ້ວຍຄະນະຮັບຜິດຊອບ.
ການຈັດຝຶກອົບຮົມຄັ້ງນີ້ ເພື່ອສ້າງຄວາມເຂັ້ມແຂງໃຫ້ສະຫະພັນແມ່ຍິງແຂວງ ແລະ ເມືອງສາມາດນຳເອົາຂໍ້ມູນດ້ານສຸຂະພາບ ເພື່ອຫຼຸດຜ່ອນການໃຊ້ຄວາມຮຸນແຮງຕໍ່ແມ່ຍິງ ໄປເຜີຍແຜ່ໃຫ້ແກ່ປະຊາຊົນຢູ່ໃນຊຸມຊົນເປົ້າໝາຍ ໄດ້ມີຄວາມເຂົ້າໃຈ ແລະ ຮູ້ຈັກວິທີຮັກສາສຸຂະພາບຕົນ ແລະ ຄອບຄົວ. ນອກຈາກນີ້ ຜູ້ເຂົ້າຮ່ວມຍັງໄດ້ຮັບຟັງການບັນຍາຍຫົວຂໍ້ການລ້ຽງລູກດ້ວຍນົມແມ່ໃນໄລຍະການລະບາດພະຍາດໂຄວິດ-19 ແລະ ຄວາມສຳຄັນຂອງການຕັ້ງກຸ່ມທ້ອນເງິນເພື່ອການປ່ຽນແປງ, ສ້າງຄວາມເຂົ້າໃຈກ່ຽວກັບຄູ່ມືໃນການສ້າງກຸ່ມທ້ອນເງິນເພື່ອການປ່ຽນແປງຕື່ມອີກ.
