ວັນທີ 23 -24 ມິຖຸນາ 2022, ກົມພັດທະນາແມ່ຍິງລາວສສຍລ ຮ່ວມກັບ ສຍ ແຂວງໄຊສົມບູນ ຈັດຝຶກອົບຮົມການແປຮູບອາຫານ(ຜົນຜະລິດທາງດ້ານກະສິກຳ)ໃຫ້ສະຫະພັນແມ່ຍິງແຂວງ ແລະ ເມືອງ ທີ່ເມືອງອານຸວົງ ແຂວງໄຊສົມບູນ ໂດຍການເປັນປະທານຂອງ ທ່ານ ນາງ ທຳມາ ເພັດວິໄຊ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ, ມີ ທ່ານ ປອ ນາງ ນິນປະເສີດ ໄຊຍະພອນສີ ຫົວໜ້າກົມພັດທະນາແມ່ຍິງລາວ, ທ່ານນາງ ຄຳສີ ສິທິວໍລະດາ ປະທານສະຫະພັນແມ່ຍິງແຂວງ, ສຍ ເມືອງອານຸວົງ, ເມືອງລ້ອງຊານ, ເມືອງຮົ່ມ ແລະ ຄູຝຶກຈາກ ສສຍລ ເຂົ້າຮ່ວມ. ການຝຶກອົບຮົມໃນຄັ້ງນີ້ ເພື່ອສົ່ງເສີມໃຫ້ໜ່ວຍສະຫະພັນແມ່ຍິງອ້ອມຂ້າງແຂວງ ແລະ ເມືອງ ໄດ້ຮັບການພັດທະນາສີມືແຮງງານ ແລະ ວິຊາຊີບ ໃຫ້ມີອາຊີບທີ່ໝັ້ນຄົງ ສ້າງລາຍຮັບໃຫ້ແກ່ຕົນເອງ ແລະ ຄອບຄົວ, ທັງເປັນການສ້າງອາຊີບເສີມໃຫ້ເອື້ອຍນ້ອງແມ່ຍິງ ນຳເອົາຜົນຜະລິດທາງດ້ານກະສິກຳທີ່ມີໃນທ້ອງຖິ່ນຂອງຕົນ ນຳມາແປຮູບ ເພື່ອເພີ່ມມູນຄ່າໃຫ້ຜົນຜະລິດ ເຮັດໃຫ້ຜົນຜະລິດໃນທ້ອງຖິ່ນກາຍເປັນສິນຄ້າ ແລະ ຈຳໜ່າຍ ເປັນການສ້າງລາຍຮັບໃຫ້ແກ່ຕົນເອງ ແລະ ຄອບຄົວ ເຮັດໃຫ້ຊີວິດການເປັນຢູ່ໄດ້ຮັບການປັບປຸງດີຂຶ້ນເທື່ອລະກ້າວ.
