ໂທລະສັບ 021 316253

ກອງປະຊຸມ ຄະນະຮັບຜິດຊອບຊີ້ນໍາໂຄງການ P-EVAW ປະຈໍາປີ 2023

Nov 28, 2023 | ຂ່າວສານ ແລະ ກິດຈະກຳ

ໃນຕອນເຊົ້າວັນທີ 27 ພະຈິກ 2023, ຄະນະຮັບຜິດຊອບໂຄງການ ການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ເພື່ອເຊື່ອມສານຄວາມສະເໝີພາບຍິງ-ຊາຍ ເຂົ້າໃນແຜນພັດທະນາຂອງ ສປປ ລາວ (P-EVAW) ໄດ້ຈັດກອງປະຊຸມ ຄະນະຮັບຜິດຊອບຊີ້ນໍາໂຄງການ P-EVAW ປະຈໍາປີ 2023 ທີ່ຫ້ອງການ ອົງການສະຫະປະຊາຊາດ ປະຈໍາ ສປປ ລາວ, ເຂົ້າຮ່ວມ ແລະ ເປັນປະທານກອງປະຊຸມໂດຍ ທ່ານ ນາງ ທໍາມາ ເພັດວິໄຊ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ, ຜູ້ຊີ້ນໍາໂຄງການຄັນຮົ່ມ ແລະ ກ່າວມີຄໍາເຫັນຂອງ ທ່ານ ດຣ ບາກທິຢໍ ກາດິເຣິບ, ຜູ້ຕາງໜ້າອົງການສະຫະປະຊາຊາດ ກອງທຶນສຳລັບປະຊາກອນ (UNFPA), ທ່ານ ຢາຄັອບ ຊເມລ, ຮັກສາການຮອງຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ (UNDP) ແລະ ທ່ານ ນ. ເຮລິນ ພາກ, ຮອງຫົວໜ້າໜ້າອົງການຮ່ວມມືສາກົນ ສ. ເກົາຫຼີ (KOICA) ປະຈໍາ ສປປ ລາວ, ຊຶ່ງມີຜູ້ຕາງໜ້າຈາກຫ້ອງການ, ກົມ, ສູນ, ຫ້ອງການ ຄຊກມດ ທີ່ຈັດຕັ້ງປະຕິບັດໂຄງການ P-EVAW ຂອງ ສສຍລ,ທີມງານຊ່ຽວຊານໂຄງການຄັນຮົ່ມ ຈາກອົງການ UNDP, UNFPA ແລະ ສູນເພື່ອສົ່ງເສີມຄວາມສະເໝີພາບຍິງ-ຊາຍ ແລະ ຕ້ານການໃຊ້ຄວາມຮຸນແຮງຕໍ່ແມ່ຍິງ (GEVAW) ລວມທັງໝົດ 21 ທ່ານ (ຍິງ 18 ທ່ານ ແລະ ຊາຍ 03 ທ່ານ). ຈຸດປະສົງຂອງກອງປະຊຸມໃນຄັ້ງນີ້ແມ່ນ ເພື່ອລາຍງານຜົນຂອງການຈັດຕັ້ງປະຕິບັດກິດຈະກໍາຂອງໂຄງການ P-EVAW ໃນປີ 2023; ພ້ອມທັງແລກປ່ຽນ, ປຶກສາຫາລື ແລະ ຮັບຮອງເອົາແຜນວຽກ ກໍຄື ງົບປະມານຂອງໂຄງການ ປະຈໍາປີ 2024 ແລະ ອື່ນໆທີ່ກ່ຽວຂ້ອງ.