ກອງປະຊຸມສາມັນຄົບຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ (ສຊປລ) ຄັ້ງທີ 04 ສະໄໝທີ VIII ຊຶ່ງໄຂຂຶ້ນ ວັນທີ 23 ມີນາ 2023 ທີ່ ແຂວງ ອຸດົມໄຊ. ພາຍໃຕ້ການເປັນປະທານ ຂອງ ສະຫາຍ ມອນໄຊ ລາວມົວຊົ່ງ ກຳມະການສຳຮອງສູນກາງພັກ, ເລຂາຄະນະບໍລິຫານງານ ສຊປລ, ເຂົ້າຮ່ວມມີ ທ່ານສະຫາຍ ບຸນຄົງ ຫຼ້າຈຽມພອນ ກໍາມະການສໍາຮອງສູນກາງພັກ, ເລຂາພັກແຂວງ, ເຈົ້າແຂວງແຂວງອຸດົມໄຊ, ມີຄະນະບໍລິຫານງານ ສຊປລ, ຮອງເລຂາຄະນະບໍລິຫານງານ ສຊປລ, ເລຂາທິການ ສຊປລ, ຫົວໜ້າກົມ, ຮອງຫົວໜ້າກົມອ້ອມຂ້າງ ສຊປລ, ເລຂາ, ຮອງເລຂາ ຄຊປປລ ບັນດາແຂວງ, ນະຄອນຫຼວງວຽງຈັນ, ກະຊວງ – ອົງການ ແລະ ແຂກຖືກເຊີນ ຈາກສູນກາງ ແລະ ແຂວງ ອຸດົມໄຊ ເຂົ້າຮ່ວມທັງໝົດ 108 ສະຫາຍ, ຍິງ 21 ສະຫາຍ. ຕາງໜ້າຈາກສູນກາງສະຫະພັນແມ່ຍິງລາວເຂົ້າຮ່ວມໂດຍທ່ານນາງ ອິນລາວັນ ແກ້ວບຸນພັນ ກໍາມະການສູນກາງພັກ, ປະທານຄະນະບໍລິຫານງານສູນກາງສະຫະພັນແມ່ຍິງລາວ.
ກອງປະຊຸມໄດ້ຮັບຟັງບົດສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານ ສຊປລ ຄັ້ງທີ 3 ສະໄໝທີ VIII ແລະ ທິດທາງແຜນການໃນປີຕໍ່ໜ້າ. ບົດສະຫຼຸບຕີລາຄາການຈັດຕັ້ງປະຕິບັດ 2 ວາລະແຫ່ງຊາດ ໃນຂົງເຂດ ຄຊປປລ, ບົດສຳຫຼວດການນຳພາລວມຂອງຄະນະບໍລິຫານງານ ສຊປລ ສະໄໝທີ VIII ໃນໄລຍະຜ່ານມາ, ໄດ້ມີປະຊາມະຕິຮັບຮອງເອົາ ກຳມະການຄະນະບໍລິຫານງານ ສຊປລ ສະໄໝທີ VIII ຈຳນວນ 5 ສະຫາຍ ຄື: 1. ສະຫາຍນາງ ມຸກດາວັນ ສີສຸລິດ ເລຂາຄະນະບໍລິຫານງານ ຊປປລ ກະຊວງການຕ່າງປະເທດ, 1. ສະຫາຍ ດຣ ນາງ ແສງຈັນ ຈັນທະສຸກ ເລຂາຄະນະບໍລິຫານງານ ຊປປລ ກະຊວງສາທາລະນະສຸກ, 3. ສະຫາຍ ພຸດທະລາ ແກ້ວວິຈິດ ເລຂາຄະນະບໍລິຫານງານ ຊປປລ ຫ້ອງວ່າການສູນກາງພັກ, 4. ສະຫາຍນາງ ປານີ ຈິດດາລາ ເລຂາຄະນະບໍລິຫານງານ ຊປປລ ແຂວງຫຼວງນໍ້າທາ ແລະ 5. ສະຫາຍ ຄໍາຈັນ ວ່າບົວແສງ ເລຂາຄະນະບໍລິຫານງານ ຊປປລ ແຂວງອຸດົມໄຊ.
ໂອກາດນີ້, ທ່ານປະທານ ສສຍລ ກໍໄດ້ຂຶ້ນປະກອບຄໍາເຫັນພາຍໃຕ້ຫົວຂໍ້ “ປຸກລະດົມຂະບວນກໍານປະຕິບັດ ຂໍ້ແຂ່ງຂັນ 4 ບຸກ ຕິດພັນກັບການປະຕິບັດຂໍ້ແຂ່ງຂັນ 03 ດີ ຂອງສະຫະພັນແມ່ຍິງລາວ” ຊຶ່ງບາງຕອນທ່ານກ່າວວ່າ: ອົງການຊາວໜຸ່ມປະຊາຊົນປະຕິວັດລາວ ແມ່ນພາກສ່ວນໜຶ່ງໃນລະບົບການເມືອງແຫ່ງສາທາລະນະລັດປະຊາ ທິປະໄຕປະຊາຊົນລາວ ໂດຍແມ່ນພັກປະຊາຊົນປະຕິວັດລາວເປັນແກນນາ, ທັງເປັນພື້ນຖານການເມືອງຂອງລະບອບປະຊາທິປະໄຕປະຊາຊົນ ທີີ່ສືບທອດ ແລະ ເສີມຂະຫຍາຍມູນເຊື້ອມາຈາກ ແນວລາວອິດສະຫຼະ ແລະ ແນວລາວຮັກຊາດ ໃນເມືີ່ອກ່ອນ; ເປັນກອງຕະລຸມບອນນໍາໜ້າ ໃນການເຂົ້່າຮ່ວມປະຕິບັດພາລະກິດປົດປ່ອຍປະເທດຊາດ, ປົກປັກຮັກສາ ແລະ ສ້າງສາພັດທະນາ ກໍຄືປະຕິບັດແນວທາງນະໂຍບາຍຂອງພັກ, ລັດຖະທໍາມະນູນ, ກົດໝາຍ ແລະ ແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລຍະຢ່າງເປັນຂະບວນຟົດຟື້ນ ຕິດພັນກັບຂະບວນແຂ່ງຂັນຮັກຊາດ ແລະ ພັດທະນາ, ທີີ່ຕິດພັນກັບຂະບວນການປະຕິບັດຂໍ້ແຂ່ງຂັນຂອງແຕ່ລະອົງການຈັດຕັ້ງໃນທົົ່ວສັງຄົມ.ໃນໄລຍະຜ່ານມາສູນກາງສະຫະພັນແມ່ຍິງລາວ ກໍໄດ້ປະສານສົມທົບກັບອົງການຊາວໜຸ່ມແຕ່ລະຂັ້ນໃນການເຂົ້າຮ່ວມເປັນຄະນະເພືີ່ອຊຸກຍູ້ ແລະ ຕິດຕາມການປະຕິບັດຂະບວນການດັ່ງກ່າວ,ໄດ້ລົງພົບປະໂອ້ລົມ, ໂຄສະນາ, ສືກສາອົບຮົມ, ປຸກລະດົມຂົນຂວາຍ ແລະ ຈັດຕັ້ງເຊືີ່ອມຊຶມບັນດາເອກະສານກ່ຽວກັບການສ້າງຄອບຄົວ ແລະ ບ້ານ 3 ດີ ຕິດພັນກັບເອກະສານກ່ຽວຂ້ອງອືີ່ນໆ ໃຫ້ປະຊາຊົນລາວບັນດາເຜົົ່າ ມີຄວາມຮັບຮູ້
ເຂົ້າໃຈ ແລະ ກໍາແໜ້ນຈຸດປະສົງ ແລະ ຄາດໝາຍຂອງທິດທາງແຜນການ, ມາດຕະຖານ ແລະ ວິທີການຈັດຕັ້ງປະຕິບັດ. ແນໃສ່ເຮັດໃຫ້ສະມາຊິກໃນຄອບຄົວ ມີຄວາມຕືີ່ນຕົວທາງດ້ານການເມືອງ, ມີສະຕິຕໍ່ການຈັດຕັ້ງ, ເປັນເຈົ້າການປະຕິບັດລະບຽບກົດໝາຍ, ຮັກສາ ແລະ ອະນຸລັກມູນເຊື້ອປະຫວັດສາດ, ວັດທະນະທໍາຮີດຄອງປະເພນີ ອັນດີງາມຂອງຊາດ, ຂອງພັກ ແລະ ຂອງແມ່ຍິງບັນດໍາເຜົົ່າ, ເຂົ້າຮ່ວມຂະບວນການຕ່າງໆຂອງຄະນະພັກ ແລະ ອົງການປົກຄອງທ້ອງຖິີ່ນ, ໄດ້ຊຸກຍູ້, ນໍາພາຄອບຄົວ ແລະ ບ້ານໃນການປົກປັກຮັກສາ, ສ້າງສາພັດທະນາ ທາງດ້ານເສດຖະກິດຍົກລະດັບຊີວິດການເປັນຢູ່, ເເກ້ໄຂຄວາມທຸກຍາກຂອງຄອບຄົວ, ການສ້າງກຸ່ມທ້ອນເງິນຂອງແມ່ຍິງຂັ້ນບ້ານ, ສ້າງຄັງສະສົມຊ່ວຍເຫຼືືອເຊິີ່ງກັນແລະກັນ ຂອງບ້ານ ແລະ ພື້ນຖໍານເສດຖະກິດຂອງບ້ານຂະຫຍາຍຕົວ; ນໍາໃຊ້ ແລະ ປົກປັກຮັກສາສິີ່ງແວດລ້ອມຕາມທິດມີຄຸນນະພາບ, ສີຂຽວ ແລະ ຍືນຍົງ; ໄດ້ດໍາເນີນການຕິດຕາມກວດກາ, ປະເມີນຜົນ ແລະ ຊຸກຍູ້ໃຫ້ທຸກຄອບຄົວປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທໍາ ແລະ ຮີດຄອງປະເພນີອັນດີງາມຂອງຊາດ, ຂອງເຜົ່າ, ລູກຫຼານເດັກນ້ອຍໃນເກນອາຍຸໄດ້ເຂົ້າໂຮງຮຽນ ແລະ ປະຊາຊົນໄດ້ຮັບການບໍລິການດ້ານສາທາລະນະສຸກ ຢ່າງກວ້າງຂວາງ ແລະ ທົົ່ວເຖິງ; ໄດ້ເຂົ້າຮ່ວມການປັບປຸງລະບົບການເມືອງ-ການປົກຄອງຂັ້ນທ້ອງຖິີ່ນ ໂດຍສະເພາະ ແມ່ນຂັ້ນບ້ານມີຄວາມໜັກແໜ້ນເຂັ້ມແຂງ, ໃນນີ້ອົງການສະຫະພັນແມ່ຍິງບ້ານມີຄວາມເຂັ້ມແຂງ ສາມາດປະຕິບັດພາລະບົດບາດ-ໜ້າທີີ່ຂອງຕົນຕາມທີີ່ກໍານົດໄວ້ໃນກົດລະບຽບກົດໝາຍ.
