ໃນວັນທີ 27 ເມສາ 2023, ກອງປະຊຸມສະຫຼຸບບົດຮຽນການຈັດຕັ້ງປະຕິບັດກິດຈະກຳທົດລອງພາຍໃຕ້ແຜນງານ “ຮັກລູກໃຫ້ໃສ່ໃຈ” ໄດ້ຈັດຂຶ້ນທີ່ເມືອງເຊໂປນ ແຂວງສະຫວັນນະເຂດ, ໂດຍການເຂົ້າຮ່ວມກ່າວເປີດ ຂອງ ທ່ານ ຄຳຟອງ ໄຊທິບຸດ ຮອງເຈົ້າເມືອງເມືອງເຊໂປນ, ມີ ທ່ານ ນ. ວັນມະນີ ດິດຕະພົງ ຮອງຫົວໜ້າກົມພັດທະນາແມ່ຍິງລາວ ສສຍລ, ທ່ານ ນ. ສົມຫວັງ ລຳພູວົງ ຮອງປະທານ ສຍ ແຂວງສະຫວັນນະເຂດ, ທ່ານ ຄາວີ ຫອມສົມບັດ ຊ່ຽວຊານດ້ານການປ່ຽນແປງພຶດຕິກຳ ຂອງອົງການອຸຍນິເຊັບ (UNICEF), ພ້ອມດ້ວຍຄະນະຄູຝຶກຂອງແຜນງານ ຂັ້ນສູນກາງ, ແຂວງ ແລະ ເມືອງເຂົ້າຮ່ວມປະຊຸມ ເພື່ອຮ່ວມກັນຖອດຖອນບົດຮຽນ, ປືກສາຫາລື ແລະ ຍົກໃຫ້ເຫັນດ້ານດີ-ດ້ານຄົງຄ້າງຂອງການປະຕິ ບັດກິດຈະກຳຕົວຈິງໃນໄລຍະຂອງໂຄງການ.
