ວັນທີ 28 ມິຖຸນາ 2023 ກົມພັດທະນາແມ່ຍິງລາວ ສູນກາງສະຫະພັນແມ່ຍິງລາວ ໄດ້ຈັດກອງປະຊຸມປຶກສາຫາລືຜ່ານຮ່າງສື່ໂຄສະນາຕ້ານການໃຊ້ຄວາມຮຸນແຮງ ຂຶ້ນທີ່ຫ້ອງປະຊຸມສະຫະພັນແມ່ຍິງແຂວງຈໍາປາສັກ ໂດຍການເປັນປະທານຮ່ວມຂອງທ່ານ ປອ ນາງ ນິນປະເສີດ ໄຊຍະພອນສີ ຫົວໜ້າກົມພັດທະນາແມ່ຍິງລາວ ແລະ ທ່ານ ນາງ ເຕດາວັນ ແກ້ວພິລາວັນ ປະທານສະຫະພັນແມ່ຍິງແຂວງຈໍາປາສັກ, ມີຕາງໜ້າຈາກກົມໂຄສະນາ ແລະ ວັດທະນາທໍາ ສສຍລ, ຄະນະບໍລິຫານງານ ສຍ ແຂວງ, ຄະນະ ສຍ ຈາກເມືອງມຸນລະປະໂມກ ແລະ ເມືອງ ບາຈຽງ, ຫົວໜ້າຂະແໜງ, ຮອງຂະແໜງ, ຄະນະໜ່ວຍ ສຍ ອ້ອມຂ້າງແຂວງ ພ້ອມດ້ວຍສະມາຊິກແມ່ຍິງແຂວງ ເຂົ້າຮ່ວມ ທັງໝົດ 32 ທ່ານ.
ຈຸດປະສົງເພື່ອປຶກສາຫາລືຜ່ານສາລະຄະດີກ່ຽວກັບການຕ້ານ ແລະ ລຶບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ, ຮັບທັງການລາຍງານການຈັດຕັ່ງປະຕິບັດກິດຈະກໍາໂຄງການຮ່ວມມືກັບໂກໂບກັນ, ຄວາມສໍາຄັນຂອງທຸລະກິດຂະໜາດນ້ອຍ ແລະ ກາງຕໍ່ແມ່ຍິງ, ຜົນກະທົບທາງດ້ານສຸຂະພາບ, ເສດຖະກິດ ແລະ ສັງຄົມຂອງແຂວງ, ການຈັດຕັ້ງປະຕິບັດວຽກງານວາລະແຫ່ງຊາດ ທີ່ສະຫະພັນແມ່ຍິງແຂງຮັບຜິດຊອບ, ການແກ້ໄຂຂໍ້ຫຍຸ້ງຍາກທາງດາ້ນການເງິນ ແລະ ແຜນການຄວາມຕ້ອງການຮ່ວມມືໃນກິດຈະກິດຂອງໂຄງການ ແລະ ບັນຫາອື່ນໆຕື່ມອີກ. ກອງປະຊຸມຄັ້ງນີ້ ໄດ້ຮັບການສະໜັບສະໜູນຈາກໂຄງການຕອບໂຕ້ການລະບາດຂອງພະຍາດໂຄວິດ 19 ( C19 RM)
