ກອງປະຊຸມປະທານ ຮອງປະທານຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ (ຄຊກມດ) ໄດ້ຈັດຂຶ້ນໃນວັນທີ 20 ມິຖຸນາ 2022 ທີ່ຫ້ອງວ່າການສຳນັກງານນາຍົກລັດຖະມົນຕີ ໂດຍການເປັນປະທານຂອງ ທ່ານ ສຈ ປອ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານ ຄຊກມດ; ເຂົ້າຮ່ວມມີ ທ່ານ ນາງ ອິນລາວັນ ແກ້ວບຸນພັນ ກໍາມະການສູນກາງພັກ, ປະທານຄະນະບໍລິຫານງານສູນກາງສະຫະພັນແມ່ຍິງລາວ, ຮອງປະທານຜູ້ປະຈຳການ ຄຊກມດ ພ້ອມດ້ວຍຮອງປະທານ ຄຊກມດ ເຂົ້າຮ່ວມ. ການຈັດກອງປະຊຸມຄັ້ງນີ້ ເພື່ອ ປຶກສາຫາລືກ່ຽວກັບການແບ່ງຄວາມຮັບຜີິດຊອບພາຍໃນ ປະທານ ແລະ ຮອງປະທານ ໂດຍອີງໃສ່ 03 ແຜນດຳເນີນງານແຫ່ງ ຂອງ ຄຊກມດ ເປັນບ່ອນອີງຕົ້ນຕໍໃນການເຄື່ອນໄຫວ ແລະ ຈັດຕັ້ງປະຕິບັດວຽກງານ ຄຊກມດ, ສະເໜີແຜນວຽກຈຸດສຸມ ສຳລັບການຈັດຕັ້ງປະຕິບັດວຽກງານຂອງຄະນະ ຄຊກມດ ແຕ່ ປີ 2022-2025 ແລະ ການກະກຽມໃຫ້ແກ່ກອງປະຊຸມຄົບຄະນະ ຄຊກມດ ປະຈຳປີ 2022 ທີ່ຈະຈັດຂຶ້ນມໍ່ໆນີ້.
