ກອງປະຊຸມຊຸກຍູ້,​ ຕິດຕາມວຽກງານການສ້າງພະນັກງານນໍາພາ-ຄຸ້ມຄອງເພດຍິງ,​ ວາລະແຫ່ງຊາດ ແລະ ປະເມີນກົດໝາຍໃນຄວາມຮັບຜິດຊອບຂອງສະຫະພັນແມ່ຍິງລາວ ຈັດ​ຂ​ຶ້ນ​ທີ່ຫ້ອງວ່າການແຂວງຜົ້ງສາລີ.

ກອງປະຊຸມຊຸກຍູ້,​ ຕິດຕາມວຽກງານການສ້າງພະນັກງານນໍາພາ-ຄຸ້ມຄອງເພດຍິງ,​ ວາລະແຫ່ງຊາດ ແລະ ປະເມີນກົດໝາຍໃນຄວາມຮັບຜິດຊອບຂອງສະຫະພັນແມ່ຍິງລາວ ຈັດຂຶ້ນໃນວັນທີ 21 ເມສາ 2023, ທີ່ຫ້ອງປະຊຸມຫ້ອງວ່າການແຂວງຜົ້ງສາລີ,​ ໂດຍການເປັນປະທານຂອງທ່ານ ນາງ ລາວັນ ສຸດທິສານ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ, ມີຄະນະບໍລິຫານງານສະຫະພັນແມ່ຍິງແຂວງຜົ້ງສາລີ, ຕາງໜ້າຫ້ອງການ, ກົມ ຂອງ ສສຍລ, ສະຫະພັນແມ່ຍິງຮາກຖານພະແນກອ້ອມຂ້າງແຂວງເຂົ້າຮ່ວມ ທັງໝົດ 98 ທ່ານ, ຊາຍ 7 ທ່ານ.​ ກອງປະຊຸມໄດ້ຮັບຟັງລາຍງານຄວາມເປັນມາ ແລະ ສະພາບການຈັດຕັ້ງປະຕິບັດກົດໝາຍວ່າດ້ວຍ ສະຫະພັນແມ່ຍິງລາວ ແລະ ກົດໝາຍ ວ່າດ້ວຍ ການພັດທະນາ ແລະ ປົກປ້ອງແມ່ຍິງ ເຊິ່ງຜູ້ເຂົ້າຮ່ວມໄດ້ພ້ອມກັນປະກອບຄໍາຄິດ ຄໍາເຫັນໃສ່ກົດໝາຍທັງສອງສະບັບ ເພື່ອເຮັດໃຫ້ກົດໝາຍດັ່ງກ່າວມີເນື້ອໃນຄົບຖ້ວນ, ສົມບູນ ແລະ ສອດຄ່ອງກັບສະພາບໃນແຕ່ລະໄລຍະ.