Gallerys

ໃນໂອກາດມາເຄື່ອນໄຫວວຽກງານຢູ່ແຂວງອຸດົມໄຊ ໃນລະຫວ່າງວັນທີ 27-28 ສິງຫາ 2018 ທ່ານນາງ ທຸມມາລີ ວົງພະຈັນ ຮອງເລຂາຄະນະພັກ ຮອງປະທານ ຄະນະບໍລິຫານງານ ສສຍລ ປະທານກວດກາ ສສຍລ ໄດ້ເຂົ້າພົບຄະນະນໍາແຂວງອຸດົມໄຊ. ໃນຕອນເຊົ້າ ວັນທີ 27 ສິງຫາ ໂດຍມີທ່ານນາງ ມະນີຈັນ ວິໄລຈິດ ກຳມະການພັກແຂວງ ຄະນະບໍລິຫານງານ ສສຍລ ປະທານ ສຍ ແຂວງອຸດົມໄຊ ພ້ອມດ້ວຍຄະນະ ແລະ ຕາງໜ້າຈາກຫ້ອງວ່າການແຂວງເຂົ້າຮ່ວມ. ໃຫ້ກຽດຕ້ອນຮັບໂດຍ ທ່ານ ໂອວາດ ຈັນທະວົງ ຄະນະປະຈໍາພັກແຂວງ ປະທານແນວລາວສ້າງຊາດ ຜູ້ຊີ້ນໍາອົງການຈັດຕັ້ງມະຫາຊົນ ເພື່ອລາຍງານ ກ່ຽວກັບການມາເຄື່ອນໄຫວວຽກງານຢູ່ພາຍໃນແຂວງ ໂດຍສະເພາະການຕິດຕາມຊີ້ນໍາການຈັດຝຶກອົບຮົມວຽກງານຂ່າວສານ ແລະ ປັບປຸງຕາໜ່າງ ຂ່າວສານພາຍໃຕ້ໂຄງການ " ໂຄສະນາຜົນກະທົບດ້ານສິ່ງແວດລ້ອມຈາກການນໍາໃຊ້ສານເຄມີໃນການຜະລິດກະສິກຳຜ່ານສື່ແມ່ຍິງລາວ ໃຫ້ ສຍ ແຂວງ ບັນດາເມືອງ ແລະ ພະແນກການອ້ອມຂ້າງແຂວງອຸດົມໄຊ" ພ້ອມທັງປຶກສາຫາລືກ່ຽວກັບການກະກຽມບຸກຄະລະກອນໃຫ້ແກ່ກອງປະຊຸມ 3 ຂັ້ນ.

70137014701570167017701870197020

ໃນວັນທີ 27-28 ສິງຫາ 2018 ສູນອົບຮົມແມ່ຍິງລາວ ສູນກາງສະຫະພັນແມ່ຍິງລາວ ຮ່ວມກັບກະຊວງສະເໝີພາບຍິງ-ຊາຍ ແລະ ຄອບຄົວ ສ.ເກົາຫຼີ ຈັດສຳມະນາການສົ່ງເສີມຄວາມສະເໝີພາບຍິງ-ຊາຍ ທີ່ ລີສອດນາປ່າກວາງ ແຂວງວຽງຈັນ ໃຫ້ກຽດເຂົ້າຮ່ວມ ແລະ ເປີດພິທີດັ່ງກ່າວໂດຍທ່ານນາງ ສິລິກິດ ບຸບຜາ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ, ທ່ານນາງ ລາວັນ ສຸດທິສານ ຫົວໜ້າສູນອົບຮົມ ແລະ ທ່ານ yuna jeon ຜູ້ຈັດການທົ່ວໄປອົງການ DORUN DORUN ຈາກ ສ. ເກົາຫຼີ, ຜູ້ຕາງໜ້າຈາກສູນຝຶກອົບຮົມວິຊາຊີບ ແຂວງຫຼວງພະບາງ ແລະ ແຂວງເຊກອງ ພ້ອມດ້ວຍຄູຝຶກ ແລະ ນັກຮຽນວິຊາຊີບຂອງສູນອົບຮົມແມ່ຍິງລາວເຂົ້າຮ່ວມ.

70087009701070117012