12

ອົງຄະນະພັກ ສູນກາງສະຫະພັນແມ່ຍິງລາວ (ສສຍລ) ໄດ້ດຳເນີນຊີວິດການເມືອງປັບປຸງປົວແປງທົ່ວພັກໃນລະຫວ່າງວັນທີ 20-28 ມິຖຸນາ ພາຍໃຕ້ການເປັນປະທານຂອງ ສະຫາຍ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ ເລຂາຄະນະພັກ ປະທານ ຄະນະບໍລິຫານງານ ສສຍລ. ໃຫ້ກຽດເຂົ້າຮ່ວມໃນພິທີເປີດໂດຍ ສະຫາຍ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະ  ທານສູນກາງແນວລາວສ້າງຊາດ ແລະ ເຂົ້າຮ່ວມພິທີປິດໂດຍ ສະຫາຍ ຈັນສີ ໂພສີຄຳ ກຳມະການກົມການເມືອງ ສູນກາງພັກ ເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ. ມີຄະນະພັກ, ຄະນະນຳ, ພະນັກງານອາວຸໂສບຳນານ, ຄະນະໜ່ວຍພັກ ພ້ອມດ້ວຍສະມາຊິກ ພັກທົ່ວອົງຄະນະ ພັກ ສສຍລ ເຂົ້າຮ່ວມ  101 ສະຫາຍ.

                                               

            ການດຳເນີນຊີວິດການເມືອງປັບປຸງປົວແປງທົ່ວພັກໃນຄັ້ງນີ້ເປັນການກວດກາຄືນຄວາມຮັບຜິດຊອບ, ຄຸນທາດການເມືອງ, ຄຸນສົມບັດສິນ ທຳປະຕິວັດ, ແບບແຜນນຳພາ ແລະ ວິທີເຮັດວຽກ, ແບບແຜນການດຳລົງຊີວິດ, ລັກສະນະນຳໜ້າ ຄວາມເປັນແບບຢ່າງ ແລະ ນຳ້ໃຈເສຍ ສະຫຼະ ເພື່ອວຽກງານລວມຂອງຄະນະ ພັກ, ພະນັກງານນຳພາ-ຄຸ້ມຄອງແຕ່ລະ ຂັ້ນ, ສະມາຊິກພັກ, ບົນພື້ນຖານເສີມຂະ ຫຍາຍປະຊາທິປະໄຕ, ຕຳນິຕິຊົມເຊິ່ງ ກັນ ແລະ ກັນດ້ວຍຄວາມຈິງໃຈ, ຮັບປະກັນ 3 ລັກສະນະ ເພື່ອແກ້ໄຂບັນຫາຫຍໍ້ທໍ້ພາຍໃນການຈັດຕັ້ງພັກ, ຄະນະພັກ ແລະ  ສະມາຊິກພັກ ເພື່ອຮັບປະກັນຄວາມປອດໃສເຂັ້ມແຂງ ແລະ ໜັກແໜ້ນ ສາມາດເປັນຄັນທຸງໃນການເຕົ້າໂຮມຄວາມສາມັກຄີ, ເຕົ້າໂຮມກຳລັງ ແຮງສັງລວມ ເຂົ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະ ຊຸມໃຫຍ່ຄັ້ງທີ  III ຂອງ ອົງຄະນະພັັກ ສສຍລ ໃຫ້ບັນລຸຕາມລະດັບຄາດໝາຍທີ່ວາງໄວ້.

            ໃນບັ້ນດຳເນີນຊີວິດການເມືອງຄັ້ງນີ້ຜູ້ເຂົ້າຮ່ວມໄດ້ຮັບຟັງ ແລະ ປະກອບຄຳເຫັນຕໍ່ການນຳພາລວມ ແລະ ບຸກຄົນ ໃນຄະນະບໍລິຫານ ງານພັກ ສສຍລ, ເຊື່ອມຊຶມເອກະສານເດັດດ່ຽວປັບປຸງປົວແປງ ທົ່ວພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ບົດສະຫຼຸບຕີລາຄາການນຳພາ ຂອງຄະນະບໍລິຫານງານພັກ ສສຍລ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ມະຕິກອງປະຊຸມ ໃຫຍ່ຄັ້ງທີ III ຂອງອົງຄະນະພັກ ສສຍລ, ແນະນຳເນື້ອໃນເຈາະຈີ້ມການສຳຫຼວດບຸກຄົນໃນຄະນະພັກ, ຄະນະນຳ ສສຍລ, ແນະນຳກ່ຽວກັບການທາບ ທາມລົງຄະແນນສຽງຄວາມເຊື່ອໝັ້ນໄວ້ວາງໃຈຕໍ່ຄະນະພັກ, ຄະນະນຳ ສສຍລ 10 ສະຫາຍ, ພ້ອມທັງໄດ້ຮັບຟັງຄຳເຫັນຊີ້ນຳຂອງສະຫາຍ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ກ່ຽວກັບຄວາມໝາຍຄວາມສຳຄັນ ແລະ ຈຸດ ປະສົງຄາດໝາຍຂອງການດຳເນີນຊີວິດການເມືອງປັບປຸງປົວແປງທົ່ວພັກ. ພ້ອມດຽວກັນນັ້ນ ກໍໄດ້ສືບຕໍ່ດຳເນີນຊີວິດການເມືອງພາຍໃນ ແລະ ຈັດ ປະເພດບຸກຄົນໃນຄະນະ ພັກ-ຄະນະນຳ ສສຍລ, ຄະນະໜ່ວຍພັກ ແລະ ສະມາຊິກພັກ ໂດຍຕີລາຄາຈຸດດີ, ຈຸດອ່ອນ ແລະ ຈັດປະເພດຕາມ 5 ເນື້ອໃນ ຄື: ດ້ານຄຸນທາດການເມືອງ, ຄຸນສົມ ບັດສິນທຳປະຕິວັດ, ຄວາມຮັບຜິດຊອບ ຕໍ່ໜ້າທີ່ການເມືອງທີ່ໄດ້ຮັບມອບໝາຍ, ແບບແຜນນຳ ພາ, ວິທີເຮັດວຽກ ແລະ ແບບແຜນການດຳລົງຊີວິດ. ຜ່ານການ ດຳເນີນຊີວິດການເມືອງປັບປຸງປົວແປງ ທົ່ວພັກຂອງອົງຄະນະພັກ ສສຍລ ໃນຄັ້ງນີ້ ເຫັນວ່າສະມາຊິກພັກແຕ່ລະສະຫາຍຍັງໃຫ້ການສະໜັບສະໜູນ ແລະ ມີຄວາມເຊື່ອໝັ້ນໄວ້ວາງໃຈຕໍ່ການຊີ້ນຳ ນຳພາຂອງຄະນະພັກ, ຄະນະນຳ ສສຍລ ໃນລະດັບດີ. ໃນໂອກາດທີ່ມີຄວາມໝາຍສຳຄັນນີ້ ສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ ເລຂາທິການ ສູນກາງພັກ ຫົວໜ້າຄະນະຈັດຕັ້ງສູນກາງພັກ ໄດ້ມີຄຳເຫັນໂອ້ລົມຕໍ່ກອງປະຊຸມ  ຊຶ່ງບາງຕອນໄດ້ເນັ້ນໃຫ້ຄະນະພັກ, ຄະນະ ນຳພ້ອມດ້ວຍສະມາ ຊິກພັກທົ່ວອົງຄະນະພັກ ສສຍລ ຈົ່ງສືບຕໍ່ຍົກສູງຄວາມສາມັກຄີພາຍໃນໃຫ້ແໜ້ນແຟ້ນກວ່າເກົ່າ, ເອົາໃຈໃສ່ສະຫຼຸບຕີລາຄາຜົນໄດ້ຮັບແຕ່ລະ ດ້ານ ເພື່ອວາງແຜນແກ້ໄຂສິ່ງຄົງຄ້າງ ແລະ ຫັນປ່ຽນໃຫ້ດີຂຶ້ນ, ສືບຕໍ່ຝຶກຝົນຫຼໍ່ ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ ໃຫ້ເລິກເຊິ່ງເຖິງຖອງ, ຖືສຳຄັນ ແລະ ຍົກສູງຄວາມຮັບຜິດຊອບການເມືອງ ເພື່ອຜົນປະໂຫຍດລວມຂອງຊາດຂອງປະຊາຊົນ, ເພີ່ມທະວີແບບ ແຜນວິທີນຳພາ-ວິທີເຮັດວຽກ ແລະ  ແບບ ແຜນດຳລົງຊີວິດໃຫ້ປອດໃສຂາວສະອາດ.