ໃນວັນທີ 28 ກັນຍາ 2018, ທ່ານ ນາງ ທຸມມາລີ ວົງພະຈັນ ຮອງປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເຄື່ອນໄຫວຕິດຕາມ ຊຸກຍູ້ວຽກງານການສ້າງພະນັກງານນໍາພາ-ຄຸ້ມຄອງເພດຍິງ ຢູ່ທີ່ສູນກາງແນວລາວສ້າງຊາດ. ທ່ານຮອງປະທານຄະນະບໍລິຫານງານ ສສຍລ ໄດ້ເຮັດວຽກຮ່ວມກັບ ທ່ານ ຄຳຫຼ້າ ລິ້ງນະສອນ ຮອງປະທານສູນກາງແນວລາວສ້າງຊາດ ພ້ອມດ້ວຍຄະນະສະຫະພັນແມ່ຍິງສູນກາງແນວລາວສ້າງຊາດ ເຊິ່ງໄດ້ປຶກສາຫາລືຕໍ່ການລົງຊຸກຍູ້ເອື້ອຍນ້ອງແມ່ຍິງເຂົ້າໃນການປະຕິບັດໜ້າທີ່ວຽກງານ, ເອົາໃຈໃສ່ຊຸກຍູ້ສົ່ງເສີມ, ສ້າງໂອກາດໃຫ້ແມ່ຍິງ ໄດ້ຍົກລະດັບຄວາມຮູ້ທາງດ້ານທິດສະດີການເມືອງ, ວິຊາສະເພາະ ໃຫ້ສົມຄູ່ກັບວຽກງານທີ່ພັກລັດມອບໝາຍໃຫ້, ເອົາໃຈໃສ່ພັດທະນາຕົນເອງຢ່າງຮອບດ້ານ ເພື່ອກະກຽມໃຫ້ແກ່ກອງປະຊຸມໃຫຍ່ 3 ຂັ້ນຂອງພັກ ແລະ ຂອງສະຫະພັນແມ່ຍິງລາວ.

1030110303103041030510306