ສສຍລ ໄດ້ຈັດກອງປະຊຸມຂຶ້ນແຜນກໍານົດພະນັກງານນໍາພາ-ຄຸ້ມຄອງ ຂອງສູນກາງສະຫະພັນແມ່ຍິງລາວ ຂັ້ນສູນກາງຄຸ້ມຄອງ ເປັນປະທານໂດຍ ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ. ໃນກອງປະຊຸມໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານຂຶ້ນແຜນກຳນົດພະນັກງານນໍາພາ-ຄຸ້ມຄອງໃນໄລຍະຜ່ານມາ ແລະ ເຊື່ອມຊືມມະຕິ ສະບັບເລກທີ 031 ວ່າດ້ວຍວຽກງານຄຸ້ມຄອງພະນັກງານ. ຫຼັງຈາກນັ້ນ, ກໍ່ໄດ້ມີການແນະນໍາວິທີການທາບທາມ ເພື່ອສ້າງຄວາມເຂົ້າໃຈເປັນເອກະພາບ ແລະ ດຳເນີນການທາບທາມແຜນກຳນົດພະນັກງານນໍາພາ-ຄຸ້ມຄອງຂັ້ນສູນກາງຄຸ້ມຄອງ ຂອງສູນກາງສະຫະພັນແມ່ຍິງລາວ. ເຂົ້າຮ່ວມມີທ່ານ ປ້າ ເຂັມເພັດ ພົນເສນາ ອະດີດຮອງປະທານຄະນະບໍລິຫານງານ ສສຍລ, ບັນດາທ່ານຄະນະປະທານ ສສຍລ, ຄະນະກົມ, ສູນ, ຫ້ອງການ, ຫ້ອງການກອງເລຂາຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ, ບໍລິສັດລັດວິສາຫະກິດຝ້າຍລາວ, ຕາງໜ້າຈາກຄະນະຈັດຕັ້ງສູນກາງພັກ ແລະ ຄະນະພະແນກ ສສຍລ ເຂົ້າຮ່ວມທັງໝົດ 69 ຄົນ ຊຶ່ງຈະດຳເນີນໃນລະຫວ່າງວັນທີ 25-26 ກັນຍານີ້.

10287102881028910290102911029210293102941029510296