ຮາກຖານກຳມະບານສຳນັກສູນກາງສະຫະພັນແມ່ຍິງລາວ (ສສຍລ) ໄດ້ຈັດກອງປະຊຸມສະຫຼຸບການຈັດຕັ້ງ ປະຕິບັດຂໍ້ແຂ່ງຂັນ 2 ດີ 5 ເປັນເຈົ້າ ແລະ ເປີດບັ້ນແຂ່ງຂັນ 5 ເປັນເຈົ້າ ຂອງສະຫະພັນກຳມະບານລາວ ໃນ ກາງເດືອນ ພຶດສະພາ  ໂດຍການເປັນ ປະທານຂອງທ່ານ ດຣ ນາງ ອິນລາວັນ ແກ້ວບຸນພັນ ກໍາມະການສູນກາງພັກ ປະທານຄະນະບໍລິຫານງານ ສສຍລ.

p7.jpg

      ໃນກອງປະຊຸມ ຜູ້ເຂົ້າຮ່ວມໄດ້ຮັບຟັງບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 2 ດີ 5 ເປັນເຈົ້າ ຂອງ ຮາກຖານກຳມະບານສຳນັກ ສສຍລ  ຊຶ່ງຕະຫຼອດໄລຍະຜ່ານມາສະມາຊິກກຳມະບານ ໄດ້ມີສະຕິເປັນເຈົ້າຕົນເອງ, ເປັນເຈົ້າປະເທດຊາດ, ມີຄຸນສົມບັດ ສິນທຳປະຕິວັດ, ມີນຳ້ໃຈຮັກຊາດ, ຮັກບ້ານເກີດເມືອງນອນ, ເຄົາລົບນັບຖື ລະບຽບກົດໝາຍ, ຮັກສາໄດ້ຄຸນລັກສະນະທີ່ເປັນມູນເຊື້ອອັນດີງາມຂອງ ແມ່ຍິງລາວບັນດາເຜົ່າ, ມູນເຊື້ອປະຕິວັດ ທາດແທ້ຂອງຊົນຊັ້ນກຳມະກອນລາວ ແລະ ຕັ້ງໜ້າປະກອບສ່ວນເຂົ້າໃນການປະຕິບັດແນວທາງນະໂຍບາຍ, ມະຕິ ຄຳສັ່ງຂອງພັກ, ກົດໝາຍຂອງລັດ, ມີສະຕິຕໍ່ການຈັດຕັ້ງ, ມີຄວາມສາມັກຄີຊ່ວຍເຫຼືອເຊິ່ງ ກັນ ແລະ ກັນ ພ້ອມກັນ ເຄື່ອນໄຫວວຽກງານກຳມະບານ ແລະ ຂະບວນການອື່ນໆຢ່າງເປັນຂະບວນຟົດຟື້ນ. ຜ່ານການຈັດ ຕັ້ງປະຕິບັດຂໍ້ ແຂ່ງຂັນ 2 ດີ 5 ເປັນ ເຈົ້າ ປະຈຳປີ 2016 ສາມາດຄັດ ເລືອກ  ໄດ້ ສະມາຊິກ 2 ດີ 5 ເປັນເຈົ້າ ປະເພດ I: 109 ຄົນ, ຍິງ 99 ຄົນ, ປະເພດ II: 38 ຄົນ, ຍິງ 30 ຄົນ, ປະເພດ III: 2 ຄົນ ແລະ ໜ່ວຍກຳ ມະບານ 2 ດີ 5 ເປັນເຈົ້າ ມີ 10 ໜ່ວຍ.  ພ້ອມດຽວກັນນີ້ ກອງປະຊຸມ ໄດ້ຜ່ານແຜນການຈັດຕັ້ງປະຕິບັດປະຕິບັດຂໍ້ແຂ່ງຂັນ 5 ເປັນເຈົ້າຂອງສະ ຫະພັນກຳມະບານລາວພ້ອມທັງສືບຕໍ່ຈັບມືແຂ່ງຂັນໃນປີຕໍ່ໄປຕື່ມອີກ.

      ໂອກາດນີ້ຜູ້ເຂົ້າຮ່ວມຍັງໄດ້ຮັບຟັງການປາຖະກະຖາເລົ່າຄືນມູນເຊື້ອວັນສຳຄັນຂອງພັກຂອງຊາດ ເປັນຕົ້ນ: ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນລາວ (5 ເມ ສາ 1961), ວັນຄ້າຍວັນເກີດຂອງທ່ານ ວ.ອ ເລນິນ (22 ເມສາ 1870), ວັນສ້າງ ຕັ້ງສາຍພົວພັນການທູດລະຫວ່າງ ສປປ ລາວ ແລະ ສປ ຈີນ (25 ເມສາ 1961), ວັນປົດ ປ່ອຍພາກໃຕ້ຫວຽດ ນາມ (30 ເມສາ 1975), ວັນຜ່າວົງປິດ ລ້ອມຂອງກອງພັນທີ 2 ວິລະຊົນທີ່ທົ່ງ ໄຫຫີນຊຽງຂວາງ (18 ພຶດສະພາ 1959), ວິລະກໍາແຫກຄຸກໂພນເຄັງຄັ້ງມະຫັດສະຈັນຂອງບັນດາຜູ້ນຳພັກ ແລະ ແນວລາວຮັກຊາດ  (24 ພຶດສະ ພາ 1960), ວັນກໍາມະກອນສາກົນ (1 ພຶດສະພາ 1886), ວັນຄ້າຍວັນເກີດ ຂອງ ທ່ານກາກມາກ (5 ພຶດສະພາ 1818), ວັນໄຊຊະນະດຽນບຽນຟູ (7 ພຶດສະພາ 1954), ວັນໄຊຊະນະຂອງ ໂຊວຽດເໜືອຟາດຊິດເຢຍ ລະມັນ ໃນ ສົງຄາມໂລກຄັ້ງທີ II (9 ພຶດສະພາ 1945) ແລະ ວັນຄ້າຍວັນເກີດປະທານ ໂຮ່ຈິມິນ (19 ພຶດສະພາ 1890) ເພື່ອ ໃຫ້ພະນັກງານ-ລັດຖະກອນກໍຄືສະມາຊິກກຳມະບານທົ່ວສຳນັກ ສສຍລ ເຫັນໄດ້ມູນເຊື້ອຄວາມໝາຍ ຄວາມສຳຄັນຂອງວັນດັ່ງກ່າວ.ໃຫ້ກຽດປາຖະກະຖາຄັ້ງນີ້ ໂດຍທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນ ກາງພັກ ປະທານຄະນະບໍລິຫານງານ ສສຍລ.

ໂດຍ: ບົວສອນ