ກຸ່ມບໍລິສັດຫົງຄຳພາກໃຕ້, ບໍລິສັດລືໃຊກໍ່ສ້າງນະຄອນຫລວງວຽງຈັນ, ພັນລະຍາການນຳ, ສະມາຄົມນັກທຸລະກິດຍິງແຂວງ, ຄະນະ ອພສ ແຂວງ ແລະ ສະຫະພັນແມ່ຍິງແຂວງ ໄດ້ມອບເຄື່ອງຊ່ວຍເຫລືອຜູ້ປະສົບໄພທີ່ເມືອງສະໜາມໄຊ ແຂວງອັດຕະປື ຈາກເຂື່ອນເກັບນ້ຳເຊປຽນ-ເຊນ້ຳນ້ອຍແຕກ ລວມມູນຄ່າທັງຫມົດ 270 ລ້ານກີບ. ໃນນັ້ນມອບໃຫ້ທີ່ໄດ້ມອບໃຫ້ມາອາໄສຢູ່ສູນຊ່ວຍເຫລືອ ໂຮງຮຽນ ມສ ບ້ານປາກບ້ອງ ເມືອງປາກຊ່ອງແຂວງຈຳປາສັກ ລວມມູນຄ່າ 45 ລ້ານກີບ. ອີກ 225 ລ້ານກີບແມ່ນໄດ້ນຳໄປມອບທີ່ສຳນັກງານຫ້ອງວ່າການປົກຄອງແຂວງອັດຕະປື. ໂດຍການກ່າວຮັບຂອງ ທ່ານ ພົວທອງຈັນ ຈັນທະພົງ ຄະນະປະຈຳພັກແຂວງ ຫົວໜ້າກອງບັນຊາການ ປກສ ແຂວງອັດຣະປື, ທ່ານ ນາງ ບັນທະໄລ ແກ້ວມະນີວົງ ກຳມະການພັກແຂວງ ປະທານສະຫະພັນແມ່ຍິງແຂວງ ພ້ອມດ້ວຍພັນລະຍາການນຳຂັ້ນແຂວງ ສຳລັບເຄື່ອງຊ່ວຍເຫລືອທີ່ນຳໄປມອບມີ ນ້ຳດື່ມ, ຫມີ່, ປາກະປ໋ອງ, ເຄື່ອງນຸ່ງຫົ່ມ ແລະ ອື່ນໆ. ທັງນີ້ກໍ່ເພື່ອເປັນການສ້າງຂວັນກຳລັງໃຈໃຫ້ແກ່ພໍ່ແມ່ປະຊາຊົນຜູ້ທີຖືກຜົນກະທົບໄດ້ມີແຮງໃຈຕໍ່ສູ້ກັບເຫດການດັ່ງກ່າວທີ່ເກີດຂຶ້ນ.

 

20692070207320742075207720782079