ການພົວພັນຮ່ວມມືລະຫວ່າງພັກປະຊາຊົນປະຕິວັດລາວ ແລະ ພັກກອມມູນິດກູບາຕິດພັນກັບສອງລັດ ແລະ ປະຊາຊົນສອງຊາດ ຊຶ່ງເປັນສາຍພົວພັນທີ່ເປັນມູນເຊື້ອມາແຕ່ດົນນານແມ່ນສາຍພົວພັນ ເພື່ອນມິດສະຫາຍອ້າຍນ້ອງ ຮ່ວມອຸດົມການ ເພື່ອ ກ້າວສູ່ຈຸດໝາຍສັງຄົມນິຍົມ.

p1.2

      ໃນໂອກາດທີ່ທ່ານ ໂຮເຊ ຣາ ໂມງ ບາລາເກ ກາເບຼຣາ ເລຂາທິການ ສູນກາງພັກ ຫົວໜ້າຄະນະພົວພັນຕ່າງ ປະເທດພັກກອມມູນິດກູບາ ພ້ອມຄະ ນະເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນທ້າຍເດືອນ ພຶດ ສະພາ. ທ່ານໄດ້ເຂົ້າຢ້ຽມຢາມສູນກາງສະຫະພັນແມ່ຍິງລາວ ເປັນກຽດຕ້ອນຮັບໂດຍ ທ່ານນາງ ທຸມມາລີ ວົງພະຈັນ ຮອງປະທານ ຄະນະບໍລິຫານງານ ສສຍລ ພ້ອມຄະນະ, ຊຶ່ງທ່ານຮອງປະທານຄະນະບໍລິຫານງານ ສສຍລ ໄດ້ ຍົກໃຫ້ເຫັນທີ່ຕັ້ງ, ພາລະບົດບາດຂອງ ສຍລ ໃນການປົກປ້ອງສິດຜົນປະໂຫຍດ ອັນຊອບທໍາຂອງແມ່ຍິງ ແລະ ເດັກນ້ອຍ,  ສຶກສາອົບຮົມ, ເຕົ້າໂຮມຄວາມສາມັກຄີ, ເສີມຂະຫຍາຍສິດສະເໝີພາບລະຫວ່າງຍິງ-ຊາຍ, ຮັກສາ ແລະ ສົ່ງເສີມຄຸນລັກສະນະທີ່ເປັນ ມູນເຊື້ອຂອງແມ່ຍິງລາວບັນດາເຜົ່າ, ປຸກລະດົມແມ່ຍິງໃນການປົກປັກຮັກສາ ແລະ ສ້າງສາພັດທະນາປະເທດຊາດ. ນອກນີ້ຍັງເນັ້ນໜັກເຖິງການພົວພັນຮ່ວມມືລະຫວ່າງສອງພັກ-ສອງລັດ,ການ ຮ່ວມມືຂອງສະຫະພັນແມ່ຍິງ (ສຍ) ລາວ ແລະ ສຍ ກູບາ ໃນໄລຍະຜ່ານມາທີ່ໄດ້ມີການແລກປ່ຽນບົດຮຽນ, ຊ່ວຍເຫຼືອເຊິ່ງກັນ ແລະ ກັນ ໂດຍສະເພາະ ການຍົກລະ ດັບຄວາມຮູ້ຄວາມສາມາດໃຫ້ແມ່ຍິງສອງຊາດ.

      ຈາກນັ້ນ, ທັງສອງຝ່າຍໄດ້ປຶກສາຫາລືກ່ຽວກັບການປະຕິບັດວຽກງານຮ່ວມກັນໃນຕໍ່ໜ້າ ໃນການພັດທະນາແມ່ຍິງ ແລະ ຍົກສູງພາລະບົດບາດ ໃນການປະຕິບັດວຽກງານຂອງແມ່ຍິງ, ສ້າງໂອກາດໃຫ້ ສຍ ລາວ ແລະ ສຍ ກູບາໄດ້ຍົກ ລະດັບຄວາມຮູ້ຄວາມສາມາດ, ແລກປ່ຽນບົດຮຽນຮ່ວມກັນຫຼາຍຂຶ້ນ.

ພູມໃຈທີ່ໄດ້ເປັນສ່ວນໜຶ່ງ ໃນການສ້າງລາຍຮັບໃຫ້ແກ່ແມ່ຍິງໄດ້ຖືໂອກາດນີ້ ເດີນທາງຢ້ຽມ ຢາມ ແລະ ເຮັດວຽກ ທີ່ນະຄອນຫຼວງປາ ຣີ, ປະເທດຝຣັ່ງ, ຊຶ່ງຄະນະນຳ ສສຍລ ໄດ້ຮ່ວມກັບສະຖານທູດລາວ ປະຈຳປະເທດຝຣັ່ງ ຈັດສຳມະນາ ເຜີຍແຜ່ວຽກ ງານ ສຍ ໃນ ວັນທີ 28 ພຶດສະພາ.

      ໃນພິທີ ທ່ານ ດຣ ນາງ ອິນລາ ວັນ ແກ້ວບຸນພັນ ໄດ້ຍົກໃຫ້ເຫັນແນວທາງນະໂຍບາຍຂອງພັກ-ລັດທີ່ຍາມ ໃດກໍຖືສຳ ຄັນຕໍ່ການສົ່ງເສີມຄວາມກ້າວໜ້າຂອງແມ່ຍິງ, ຍົກສູງບົດບາດນຳພາຂອງແມ່ຍິງທີ່ຢູ່ໃນຂັ້ນນຳພາ-ຕັດສິນບັນຫາ, ແມ່ຍິງລາວ ໄດ້ຮັບໂອກາດພັດທະນາຄວາມຮູ້ ຄວາມສາມາດຂອງ ຕົນ ຊຶ່ງໄດ້ກາຍເປັນກຳລັງແຮງສຳຄັນປະກອບສ່ວນເຮັດໃຫ້ເສດ ຖະກິດແຫ່ງຊາດມີການຂະຫຍາຍຕົວ, ເຫັນໄດ້ຈາກການເຂົ້າຮ່ວມກອງປະຊຸມອາເຊັມທີ່ເວົ້າເຖິງການສ້າງຄວາມເຂັ້ມແຂງ ທາງດ້ານເສດຖະກິດຂອງແມ່ຍິງເປັນບາດກ້າວໜຶ່ງທີ່ຈະເປັນກຳລັງແຮງຍູ້ໜູນ ໃຫ້ແມ່ຍິງລາວໄດ້ປະຕິບັດໜ້າທີ່ຄຽງບ່າຄຽງ ໄຫຼ່ກັບເພດຊາຍໃຫ້ມີຜົນສຳ “ເລັດໃນແຕ່ລະດ້ານເຮັດໃຫ້ຜູ້ເຂົ້າ ຮ່ວມໄດ້ຮັບຮູ້ ແລະ ເຂົ້າໃຈກ່ຽວກັບ ທີ່ຕັ້ງ, ພາລະບົດບາດ, ສິດໜ້າທີ່ຂອງ ສຍລ ໃນຂະບວນການສ້າງສາພັດທະ ນາປະເທດຊາດຫຼາຍຂຶ້ນ.

      ເຂົ້າຮ່ວມຮັບຟັງການສຳມະນາຄັ້ງນີ້ມີ ທ່ານ ຢົງ ຈັນທະລັງສີ ເອກ ອັກ ຄະລັດຖະທູດວິສາມັນຜູ້ມີອຳນາດ ເຕັມແຫ່ງ ສປປ ລາວ ປະຈຳປະເທດຝຣັ່ງ ພ້ອມພັນລະຍາ, ທ່ານ ສຸວັນລັງ ເພັດຈັນ ເພັງ ຄະນະກຳມະການແນວລາວສ້າງ ຊາດ ປະຈຳປະເທດຝຣັ່ງ, ທ່ານ ຈູມຄຳ ຫຼວງວັນ ປະທານສຳພັນຄົນລາວທີ່ປະເທດຝຣັ່ງ, ມີຄະນະໜ່ວຍ ສຍ ສຳພັນຄົນລາວ ແລະ ແມ່ຍິງລາວທີ່ດຳລົງຊີວິດ ຢູ່ປະເທດຝຣັ່ງ ຈຳນວນ 70 ກວ່າຄົນ.