165

ວັນທີ 8 ມີນາ ແມ່ນເຫດການ-ການເມືອງທີ່ສໍາຄັນ, ເປັນຂີດໝາຍແຫ່ງໄຊຊະນະຂອງຂະບວນການແມ່ຍິງສາກົນໃນການຕໍ່ສູ້ທວງເອົາສິດ, ຜົນປະໂຫຍດ ອັນເປັນທໍາໃຫ້ແກ່ແມ່ຍິງຊາວຜູ້ອອກແຮງງານ ໃນທົ່ວໂລກ, ເປັນວັນລະນຶກເຖິງຄຸນງາມຄວາມດີຂອງແມ່ຍິງທີ່ໄດ້ຕໍ່ສູ້ເພື່ອປົດປ່ອຍຕົນ ເອງ ແລະ ທວງເອົາສິດສະເໝີພາບປະຊາທິປະໄຕ ຄືກັບຜູ້ຊາຍຊຶ່ງໄດ້ທວງໃຫ້ພວກນາຍທຶນແກ້ໄຂຊີວິດການເປັນ ຢູ່ຂອງແມ່ຍິງ ພາຍໃຕ້ຄໍາຂວັນຜູ້ ໜຶ່ງເຮັດ ວຽກມື້ລະ 8 ຊົ່ວໂມງ, ແມ່ຍິງ ແລະ ຜູ້ຊາຍເຮັດວຽກຄືກັນ ຕ້ອງໄດ້ຮັບເງິນເດືອນ ເທົ່າກັນ, ຕ້ອງມີລະບອບປ້ອງກັນສຸຂະ ພາບຂອງແມ່ຍິງ ແລະ ເດັກນ້ອຍ, ຕ້ານສົງຄາມຮຸກຮານ, ປົກປັກຮັກສາສັນຕິພາບຂອງໂລກŽ ນັບແຕ່ນັ້ນມາ ວັນທີ 8 ມີນາ ຈຶ່ງເປັນ ວັນແມ່ຍິງສາກົນŽ, ຊຶ່ງທຸກໆປີແມ່ ຍິງໃນທົ່ວໂລກກໍໄດ້ພ້ອມກັນສະເຫຼີມສະຫຼອງຢ່າງເປັນຂະບວນຟົດຟື້ນ ກວ້າງຂວາງ ແລະ ປີນີ້ກໍຄົບຮອບ 108 ປີ (08/03/1910-08/03/2018) ສູນກາງ ສະຫະພັນ ແມ່ຍິງລາວ (ສສຍລ) ຮ່ວມກັບກະຊວງສາທາລະນະສຸກ ໄດ້ຈັດພິທີໂຮມ ຊຸມນຸມພາຍໃຕ້ຄໍາຂວັນທີ່ວ່າ: ເຖິງເວລາແລ້ວ ທີ່ທຸກຄົນຕ້ອງຮ່ວມມືກັນປັບ ປຸງຊີວິດການເປັນຢູ່ຂອງແມ່ຍິງໃນຕົວເມືອງ ແລະ ຊົນນະບົດໃຫ້ໄດ້ຮັບການປ່ຽນແປງເພື່ອຄຸນນະພາບທີ່ດີຂຶ້ນŽ ໃນວັນທີ 7 ມີນາ 2018 ທີ່ສູນອົບຮົມ ແມ່ຍິງລາວ. ໃຫ້ກຽດເຂົ້າຮ່ວມພິທີມີ ທ່ານ ດຣ ນາງ ອິນລາວັນ ແກ້ວບຸນພັນ ກໍາມະການສູນກາງພັກ ປະທານຄະນະບໍລິຫານງານ ສສຍລ, ທ່ານ ຄໍາໃບ ດໍາລັດ ກໍາມະການສູນກາງພັກຮອງປະທານ ສູນກາງແນວລາວສ້າງຊາດ, ທ່ານປ້າ ນາລີ ສີສຸລິດ ພັນລະຍາທ່ານນາ ຍົກລັດຖະມົນຕີແຫ່ງ ສປປ ລາວ, ທ່ານ ຄໍາພອນ ພຸດທະວົງ ຮອງລັດຖະມົນຕີກະ ຊວງສາທາລະນະສຸກ, ມີບັນດາທ່ານຮອງ ປະທານ, ຄະນະບໍລິຫານງານ ສສຍລ, ກະຊວງ-ອົງການ ພ້ອມດ້ວຍແຂກຖືກເຊີນ ເຂົ້າຮ່ວມຢ່າງພ້ອມພຽງ.

      ທ່ານນາງ ບັນດິດ ປະທຸມວັນ ຮອງປະທານຄະນະບໍລິຫານງານ ສສຍລ ໄດ້ກ່າວປາໄສຕໍ່ພິທີ ເຊິ່ງບາງຕອນທ່ານໄດ້ຍົກໃຫ້ເຫັນປະຫວັດ ຄວາມເປັນມາ, ແນວທາງນະໂຍບາຍຂອງພັກ-ລັດ ຕໍ່ການພັດທະນາ, ການປົກປ້ອງສິດຜົນປະໂຫຍດຂອງແມ່ຍິງ ແລະ ການສົ່ງເສີມຄວາມສະເໝີພາບ ລະຫວ່າງຍິງ-ຊາຍ ໃນ ສປປ ລາວ ຊຶ່ງໄດ້ກໍານົດແຈ້ງໃນລັດຖະທໍາມະນູນ ແລະ ກົດໝາຍຕ່າງໆ. ຈາກນັ້ນ, ຜູ້ເຂົ້າຮ່ວມ ຍັງໄດ້ຮັບຟັງການສໍາມະນາ ໃນຫົວຂໍ້: ການປັບປຸງຊີວິດການເປັນຢູ່ຂອງແມ່ຍິງທີ່ດ້ອຍໂອກາດໃນຕົວເມືອງ ແລະ ຊົນນະບົດ ຈາກຜູ້ຕາງໜ້າອົງການແຄນາໆຊາດ, ບົດ ບາດຂອງແມ່ ຍິງໃນການພັດທະນາຈາກ ຜູ້ຕາງໜ້າອົງການອັອກຟາມ (OXFAM), ການຮັກສາສຸຂະພາບຕາ ຈາກຜູ້ຕາງໜ້າ ກະຊວງສາທາລະນະສຸກ ແລະ ບັນຫາ ການແຕ່ງດອງກ່ອນໄວອັນຄວນ ຈາກຜູ້ ຕາງໜ້າອົງການຊ່ວຍເຫຼືອເດັກສາກົນ.

      ບັນດາຫົວຂໍ້ທີ່ນໍາມາສະເໜີຄັ້ງ ນີ້ ລ້ວນແຕ່ເປັນປະໂຫຍດ ແລະ ບົດຮຽນ ອັນດີໃຫ້ແກ່ເອື້ອຍນ້ອງແມ່ຍິງເພື່ອນໍາ ໄປໝູນໃຊ້ໃນໜ້າທີ່ວຽກງານ ແລະ ການ ດໍາລົງຊີວິດໃນສັງຄົມ ລວມເຖິງການພັດທະນາຊີວິດການເປັນຢູ່ຂອງຕົນເອງ ກໍ ຄືຄອບຄົວໃຫ້ນັບມື້ນັບດີຂຶ້ນ.

      ຄຽງຄູ່ກັນນີ້ ຍັງໄດ້ຈັດກິດຈະກໍາ ກວດສຸຂະພາບຕາ, ກວດມວນສານກະດູກ, ກວດໂພຊະນາການສໍາລັບແມ່ຍິງ ເພື່ອສ້າງເງື່ອນໄຂໃຫ້ເຂົາເຈົ້າ ໄດ້ມີໂອກາດ ເອົາໃຈໃສ່ ແລະ ໃຫ້ຄວາມສໍາຄັນຕໍ່ການ ຮັກສາສຸຂະພາບຂອງຕົນເອງ ແລະ ຄອບ ຄົວ. ນອກນີ້, ຍັງມີກິດຈະກໍາວາງສະແດງ ສິນຄ້າ ກໍຄືຜະລິດຕະພັນທີ່ມາຈາກສີໄມ້ລາຍມື ແລະ ຫົວຄິດປະດິດສ້າງຂອງແມ່ຍິງລາວບັນດາເຜົ່າ, ກິດຈະກໍາຖາມ-ຕອບ ຄວາມຮູ້ຮອບຕົວກ່ຽວກັບວັນ ແມ່ຍິງສາກົນ ແລະ ສະຫະພັນແມ່ຍິງລາວ, ມີການຫຼິ້ນກີລາ, ສະແດງສິລະປະວັນນະຄະດີ ແບບມວນຊົນ, ບໍລິຈາກເລືອດ, ເຕັ້ນລີລາ ລີລາດ ແລະ ການສາຍຟີ້ມວິດີໂອປະມວນຮູບພາບທີ່ຍົກໃຫ້ເຫັນການເຄື່ອນໄຫວພົ້ນເດັ່ນຂອງສະຫະພັນແມ່ຍິງລາວ ໃນເວທີສາກົນ ກໍຄືວຽກງານພົວພັນຮ່ວມມືກັບຕ່າງ ປະເທດ ເພື່ອຊຸກຍູ້ສົ່ງເສີມພັນທະໜ້າທີ່ໃນການປະຕິບັດສົນທິສັນຍາ, ຖະແຫຼງ ການ ແລະ ເປົ້າໝາຍການພັດທະນາແບບ ຍືນຍົງ ຫຼື SDGS ຊຶ່ງລາວ ເຮົາ ເປັນພາຄີ ແນໃສ່ເຊີດຊູບົດບາດຂອງແມ່ຍິງໃນການ ເຊື່ອມໂຍງເຂົ້າກັບອາຊຽນ, ພາກພື້ນ ແລະ ສາກົນ.

      ໂອກາດດຽວກັນນີ້ ສຍ ບັນດາ ແຂວງ, ກະຊວງ-ອົງການ ກໍໄດ້ຈັດພິທີປາຖະປະຖາຫວນຄືນມູນເຊື້ອວັນສຳຄັນດັ່ງກ່າວນີ້ຂຶ້ນ ພ້ອມທັງສະຫຼຸບ ການຈັດຕັ້ງປະຕິບັດຂໍ້ແຂ່ງຂັນ 3 ດີ, ຜົນສໍາເລັດການ ຈັດຕັ້ງປະຕິບັດວຽກງານແມ່ຍິງໄລຍະ 1 ປີ ຜ່ານມາ ແລະ ຂະບວນການແຂ່ງຂັນ ກິລາ, ສິລະປະຢ່າງເປັນຂະບວນຟົດຟື້ນເປັນຕົ້ນແມ່ນ: ສຍ ທະນາຄານແຫ່ງ ສປປ ລາວ, ສຍ ກະຊວງກະສິກໍາ ແລະ ປ່າໄມ້, ສຍ ກະຊວງພາຍໃນ, ສຍ ກະຊວງ ການເງິນ, ສຍ ກະຊວງແຜນການ ແລະ ການລົງທຶນ, ສຍ ຄະນະພົວພັນຕ່າງປະ ເທດສູນກາງພັກ, ສຍ ນະຄອນຫຼວງວຽງ ຈັນ, ສຍ ກະຊວງສາທາລະນະສຸກ, ສຍ ກະຊວງປ້ອງກັນປະເທດ, ສຍ ວິທະຍາ ໄລຄູດົງຄໍາຊ້າງ, ສຍ ເມືອງສີໂຄດຕະບອງ, ສຍ ເມືອງຈັນ ທະບູລີ ແລະ ພາກສ່ວນ ອື່ນໆ ລວມເຖິງສຍ ບັນດາແຂວງ.

                                                                                                                                                                                                                                                                           ໂດຍ: ອິນດາວອນ