108109

ສູນກາງສະຫະພັນແມ່ຍິງລາວ (ສສຍລ) ເຊື່ອມຊຶມມະຕິກອງປະຊຸມຄົບຄະນະບໍລິຫານງານພັກ ຄັ້ງທີ 5 ສະໄໝ ທີ X ໃຫ້ພະນັກງານທົ່ວສໍານັກ ສສຍລ ໃນທ້າຍເດືອນ ທັນວາ ໂດຍການເຂົ້າຮ່ວມ ແລະ ເຜີຍແຜ່ຂອງ ທ່ານ ດຣ ນາງ ອິນລາວັນ ແກ້ວບຸນພັນ ກໍາມະການສູນກາງພັກ ປະທານຄະນະບໍລິຫານງານ ສສຍລ.

          ໃນພິທີ ຜູ້ເຂົ້າຮ່ວມໄດ້ເຊື່ອມຊຶມກ່ຽວກັບມະຕິທີ່ໄດ້ຮັບຮອງໃນກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ5 ສະໄໝທີ X ໂດຍໄດ້ເປັນເອກະພາບ ກັນໃນການກໍານົດເອົາທິດທາງລວມ ແລະໜ້າທີ່ຈຸດສຸມທີ່ທຸກພາກສ່ວນຈະໄດ້ພ້ອມກັນຈັດຕັ້ງປະຕິບັດໃນຕໍ່ໜ້າໃຫ້ມີຜົນສໍາເລັດ ເປັນຕົ້ນແມ່ນ: ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານພົວພັນຕ່າງປະເທດ, ວຽກງານເສດຖະກິດ, ວຽກງານສັງຄົມ, ວຽກງານລັດ, ວຽກງານແນວໂຮມ ແລະ ອົງການຈັດຕັ້ງມະຫາຊົນຂອງ

ພັກ ແລະ ວຽກງານພັກ-ພະນັກງານ.

          ເວົ້າສະເພາະ ວຽກງານແນວໂຮມ ແລະ ອົງການຈັດຕັ້ງມະຫາຊົນຂອງພັກ ແມ່ນ: ຈະສຸມໃສ່ສຶກສາອົບຮົມປະຊາຊົນຊັ້ນຄົນຕ່າງໆເສີມຂະຫຍາຍມູນເຊື້ອສາ ມັກຄີປອງດອງ, ຈິດໃຈຮັກຊາດ, ເຕົ້າໂຮມປຸກລະດົມມະຫາຊົນເຂົ້າຮ່ວມໃນການປົກປັກຮັກສາ ແລະ ສ້າງສາພັດທະນາ ປະເທດຊາດ, ປະຕິບັດລະບຽບກົດໝາຍ, ປະຕິບັດພັນທະຂອງພົນລະເມືອງ, ເຂົ້າຮ່ວມຕ້ານ, ແກ້ໄຂປະກົດການຫຍໍ້ທໍ້, ຕີຖອຍທຸກກົນອຸບາຍຍຸແຍ່, ແບ່ງແຍກຂອງພວກຄົນບໍ່ດີ; ເອົາໃຈໃສ່ປັບປຸງການເຄື່ອນ ໄຫວ ໃຫ້ຕິດພັນກັບການນໍາພາຂະບວນການຕົວຈິງຂອງມະຫາຊົນ, ຈັດຕັ້ງກິດຈະກໍາທາງການເມືອງ ເພື່ອຍາດແຍ່ງຄວາມຄິດເຫັນຂອງບັນດາຊັ້ນຄົນໃນການຈັດຕັ້ງປະຕິ ບັດແນວທາງຂອງພັກ, ທັງເປັນການຍົກລະດັບຄວາມຮູ້ຕໍ່ແນວທາງ, ແຜນນະໂຍບາຍ, ການສ້າງກິດຈະກໍາທີ່ຕິດພັນກັບການສ້າງຕົວແບບພົ້ນທຸກ, ການສ້າງອາຊີບ ແລະ ການພັດທະນາເຕັກນິກສີມືດ້ານຕ່າງໆ, ມີກິດຈະກໍາຕົວຈິງ ຕິດພັນກັບການພັດທະນາທີ່ນໍາຜົນປະໂຫຍດຕົວຈິງໃຫ້ສັງຄົມ; ເສີມຂະຫຍາຍບົດບາດຂອງແນວລາວ ສ້າງຊາດ ແລະ ອົງການຈັດຕັ້ງມະຫາຊົນ ໃນການສ້າງເງື່ອນໄຂ ແລະຊຸກຍູ້ຊ່ວຍເຫຼືອພະນັກງານ-ລັດຖະກອນ ກໍຄືການຈັດຕັ້ງພັກ-ລັດແຕ່ລະຂັ້ນ, ເຄື່ອນໄຫວປະຕິບັດ ໜ້າທີ່ຂອງຕົນພ້ອມທັງເຮັດໜ້າທີ່ຕິດຕາມກວດກາ, ເກັບກໍາຄໍາຄິດຄໍາເຫັນຂອງປະຊາຊົນຕໍ່ການເຄື່ອນໄຫວທີ່ບໍ່ຖືກຕ້ອງ, ລະເມີດສິດເຈົ້າຂອງປະຊາຊົນ ແລະ ບັນຫາຫຍໍ້ ທໍ້ອື່ນໆຂອງສະມາຊິກພັກ ແລະ ພະນັກງານ-ລັດຖະກອນ. ການ ເຜີຍແຜ່ມະຕິ 5 ສະໄໝ X ຄັ້ງນີ້ເປັນຊຸດ ທີ 2, ຊຸດທີ 1 ແມ່ນເຜີຍແຜ່ໃຫ້ພະນັກ ງານຄຸ້ມຄອງ-ນຳພາຂັ້ນກົມ ແລະ ຊຸດທີ 2 ແມ່ນເຜີຍແຜ່ໃຫ້ສະມາຊິກພັກ ແລະ ພະນັກງານທີ່ຂຶ້ນກັບ ສສຍລ ແລະ ໃນ ໂອກາດດຽວກັນນີ້ ທ່ານປະທານຄະນະ ບໍລິຫານງານ ສສຍລ ຍັງໄດ້ເຜີຍແຜ່ປະ ຫວັດ ແລະ ມູນເຊື້ອວັນຊາດ ສປປ ລາວ ຄົບຮອບ 42 ປີ (ວັນທີ 02 ທັນວາ 1975 - 02 ທັນວາ 2017) ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 97 ປີ (ວັນທີ 13 ທັນວາ 1920-13 ທັນວາ 2017).

                                                                                                                                                                                                                                                        ໂດຍ: ອິນດາວອນ