106

ສູນກາງສະຫະພັນແມ່ຍິງລາວ (ສສຍລ) ເຄື່ອນໄຫວວຽກງານຢ່າງຕັ້ງໜ້າໃນການປະກອບສ່ວນຈັດຕັ້ງຜັນຂະຫຍາຍແຜນພັດທະນາເສດຖະກິດ-ສັງຄົມ ແຫ່ງຊາດ ແລະ ແຜນຍຸດທະສາດລຶບລ້າງ ຄວາມທຸກຍາກ ເພື່ອເຮັດໃຫ້ປະຊາຊົນ ກໍຄືແມ່ຍິງລາວບັນດາເຜົ່າໃຫ້ຫຼຸດພົ້ນອອກຈາກຄວາມທຸກຍາກ ໃນປີ 2020 ເວົ້າ ສະເພາະແຜນພັດທະນາ 5 ປີ ຂອງແມ່ຍິງລາວ (XIX ແຜນງານ 159 ໂຄງການ) ໄດ້ ກໍານົດແຜນງານ ທີ III ສົ່ງເສີມການປະກອບອາຊີບ ແລະ ການດໍາເນີນ ທຸລະກິດຂອງແມ່ຍິງ; ໂຄງການທີ 16 ສົ່ງເສີມການ ຝຶກອົບຮົມວິຊາຊີບ, ພັດທະນາສີມືແຮງງານໃຫ້ແມ່ຍິງ.

          ດັ່ງນັ້ນ ໃນເດືອນ ທັນວາ 2017 ທ່ານນາງ ສິລິກິດ ບຸບຜາ ຮອງປະທານ ຄະນະບໍລິຫານງານ ສສຍລ ພ້ອມດ້ວຍຕາງໜ້າຈາກສູນອົບຮົມແມ່ຍິງລາວ ໄດ້ລົງເຄື່ອນໄຫວຊຸກຍູ້ວຽກງານສະຫະພັນແມ່ຍິງ ແລະ ເຂົ້າຮ່ວມເປີດຊຸດຝຶກອົບຮົມວິຊາຊີບໄລຍະສັ້ນກ່ຽວກັບການປຸງແຕ່ງອາຫານ, ການແປຮູບອາຫານ ໃຫ້ແກ່ເອື້້ອຍນ້ອງແມ່ຍິງພາຍໃນເມືອງໜອງບົກ ແຂວງ ຄຳມ່ວນ ເພື່ອສົ່ງເສີມວິຊາຊີບໃຫ້ແກ່ເອື້ອຍ ນ້ອງແມ່ຍິງມີຄວາມຮູ້ ຄວາມສາມາດໃນ ການປຸງແຕ່ງອາຫານ ແລະ ແປຮູບອາ ຫານໃນຂັ້ັ້ນພື້ນຖານ ເພື່ອໄປນຳໃຊ້ເຂົ້າ ໃນຊີວິດປະຈຳວັນ ກໍຄືການປະກອບອາຊີບສ້າງລາຍໄດ້ໃຫ້ແກ່ຕົນເອງກໍຄືຄອບ ຄົວໃຫ້ຫຼາຍຂຶ້ນ ແລະ ສາມາດນຳໄປສອນໃຫ້ລູກຫຼານ, ສະມາຊິກໃນຄອບຄົວຂອງຕົນ ໃຫ້ມີອາຊີບມີວຽກເຮັດງານທຳທີ່ໝັ້ນຄົງ, ສິ່ງສຳຄັນກໍເພື່ອເຮັດໃຫ້ແມ່ຍິງສາມາດນຳເອົາຜົນຜະລິດ ທີ່ ມີຢູ່ໃນຄອບຄົວຂອງຕົນເອງນຳໄປແປຮູບອາຫານໃຫ້ກາຍເປັນສິນຄ້າ ແລະ ສາມາດວາງຂາຍໃນຕະຫຼາດໄດ້.

          ໂອກາດນີ້ ທ່ານນາງ ສິລິກິດ ບຸບຜາ ໄດ້ເນັ້ນໃຫ້ສະມາຊິກກໍຄືເອື້ອຍນ້ອງແມ່ຍິງທີ່ເຂົ້າຮ່ວມທັງໝົດ ໃຫ້ເອົາໃຈໃສ່ຍາດແຍ່ງເອົາບົດຮຽນຈາກຄູຝຶກ ພ້ອມ ທັງຕັ້ງໃຈ ແລະ ເອົາໃຈໃສ່ໃນການປະຕິບັດ ຕົວຈິງໃຫ້ຫຼາຍ ເພື່ອໃຫ້ມີຄວາມຮູ້ ຄວາມສາມາດໃນການປຸງແຕ່ງອາຫານທີ່ຫຼາກຫຼາຍ, ແຊບ, ສະອາດ ສາມາດນຳໄປປະ ກອບເປັນອາຊີບທີ່ໝັ້ນຄົງ ມີລາຍຮັບເຂົ້າ ສູ່ຄອບຄົວເຮັດໃຫ້ຄອບຄົວຫຼຸດພົ້ນຈາກ ຄວາມທຸກຍາກເທື່ອລະກ້າວ.

          ຊຸດຝຶກອົບຮົມຄັ້ງນີ້ ດຳເນີນເປັນ ເວລາ 3 ວັນ ຜູ້ເຂົ້າຮ່ວມໄດ້ຮຽນຮູ້ກ່ຽວກັບ ການປຸງແຕ່ງ ແລະ ແປຮູບອາຫານຫຼາຍ ຊະນິດ ເປັນຕົ້ນແມ່ນ ວິທີການເຮັດເສັ້ນ ເຂົ້າປຽກ, ນຳ້ເຂົ້າປຽກ, ເຂົ້າໜົມປາຕິໂຊ, ເຂົ້າໜົມໝາກກ້ວຍ, ເຂົ້າໜົມໂອໂລ, ກ້ວຍ ອົບເນີຍ, ຊາລາເປົາ, ນຳ້ໝາກອຶ, ນຳ້ສາ ລີ ແລະ ອື່ນໆ.

          ນອກຈາກນີ້ ໃນລະຫວ່າງວັນທີ 3-5 ມັງກອນ ກໍໄດ້ຈັດຊຸດຝຶກອົບຮົມວິຊາຊີບໄລຍະສັ້ນການປຸງແຕ່ງອາຫານ, ການແປຮູບອາຫານໃຫ້ແມ່ຍິງເມືອງ ແລະ ແຂວງ ໄຊຍະບູລີ ໂດຍການເຂົ້າຮ່ວມຂອງທ່ານນາງ ສິລິກິດ ບຸບຜາ ຮອງປະທານຄະນະບໍລິຫານງານ ສສຍລ, ທ່ານ ນາງ ເທວີ ພັນລັກ ປະທານ ສຍ ແຂວງ ໄຊຍະ ບູລີ ພ້ອມດ້ວຍສະມາຊິກ ສຍ ແຂວງ, ເມືອງ ແລະ ບັນດາບ້ານ ເຂົ້າຮ່ວມ 35 ຄົນ. ໃນໂອກາດທີ່ລົງເຄື່ອນໄຫວວຽກງານໃນຄັ້ງນີ້ ທ່ານນາງ ສິລິກິດ ບຸບຜາ ຍັງໄດ້ ລົງພົບປະແລະ ໂອ້ລົມເອື້ອຍນ້ອງແມ່ຍິງບັນດາພະແນກການ, ເມືອງ ແລະ ບ້ານ ອ້ອມຂ້າງແຂວງ, ມີຜູ້ເຂົ້າຮ່ວມທັງໝົດ 300 ກວ່າຄົນ. ຊຶ່ງທ່ານໄດ້ເຜີຍຜົນສໍາເລັດ ກອງ ປະຊຸມປຶກສາຫາລືກ່ຽວກັບການສ້າງພະນັກງານນໍາພາ-ຄຸ້ມຄອງເພດຍິງ ຄັ້ງທີ II, ມະຕິກອງປະຊຸມຄົບຄະນະບໍລິຫານງານ ສສຍລ ຄັ້ງທີ 3 ສະໄໝທີ VII ແລະ ບົດບາດຂອງແມ່ຍິງໃນການ ອານຸລັກຮັກສາວັດທະນະທໍາອັນດີງາມຂອງຊາດ ແລະ ຂອງແມ່ຍິງລາວ.107