105

ສູນກາງສະຫະພັນແມ່ຍິງລາວ (ສສຍລ) ໄດ້ຈັດພິທີ ສະຫຼຸບຜົນງານການຈັດຕັ້ງປະຕິບັດວຽກງານປະຈໍາປີ 2017 ແລະ ວາງທິດທາງແຜນການ ປີ 2018 ໂດຍການເຂົ້າ ຮ່ວມຂອງທ່ານ ດຣ ນາງ ອິນລາວັນ ແກ້ວບຸນພັນ ກໍາມະການສູນກາງພັກ ປະທານຄະ ນະບໍລິຫານງານ ສສຍລ.

          ໃນພິທີ ຜູ້ເຂົ້າຮ່ວມໄດ້ຮັບຟັງການສະຫຼຸບຜົນສໍາເລັດການຈັດຕັ້ງປະຕິບັດ ວຽກງານໃນ 1 ປີ ຜ່ານມາ ຈາກທ່ານນາງ ສຸດາລາ ຈັນທະວີທອງ ຫົວໜ້າຫ້ອງການ ສສຍລ ຊຶ່ງມີຜົນສໍາເລັດໃນຫຼາຍດ້ານເປັນ ຕົ້ນ: ວຽກງານສຶກສາອົບຮົມການເມືອງ- ແນວຄິດໄດ້ເຊື່ອມຊຶມແນວທາງນະໂຍ ບາຍ, ມະຕິ, ຄໍາສັ່ງ ຂອງພັກ, ກົດໝາຍ ຂອງລັດ, ສົນທິສັນຍາສາກົນຕ່າງໆທີ່ພົວພັນເຖິງການປົກປ້ອງສິດຜົນປະໂຫຍດ ຂອງແມ່ຍິງ ແລະ ເດັກນ້ອຍ, ປະຖະກະ ຖາວັນສໍາຄັນຂອງຊາດ ຂອງພັກ, ຂອງອົງ ການຈັດຕັ້ງມະຫາຊົນ, ມູນເຊື້ອວັດທະນະ ທຳອັນດີງາມຂອງແມ່ຍິງລາວບັນດາເຜົ່າໃຫ້ພະນັກງານ-ລັດຖະກອນ ແລະ ເຜີຍ ແຜ່ໃຫ້ບັນດາສະຖາບັນການສຶກສາ, ອົງ ການຂັ້ນສູນກາງ ແລະ ທ້ອງຖິ່ນ ໄດ້ 15 ຄັ້ງ, ມີຜູ້ເຂົ້າຮ່ວມ 15.751 ເທື່ອຄົນ, ຍິງ 886 ເທື່ອຄົນ, ຊາຍ 865 ເທື່ອຄົນ, ຈັດກອງ ປະຊຸມສໍາມະນາໃນຫົວຂໍ້ທີ່ຕິດ ກັບການສ້າງຄວາມເຂັ້ມແຂງໃຫ້ແມ່ຍິງດ້ານຕ່າງໆ, ຈັດ ຂະບວນການຍ່າງເພື່ອສຸຂະພາບຂອງ ຄອບຄົວ ຄັ້ງທີ II, ຈັດພິທີສະເຫຼີມສະຫຼອງ ວັນສ້າງຕັ້ງ ສຍ ລາວ ຄົບຮອບ 62 ປີ; ຜະລິດສື່ສະຫະພັນແມ່ຍິງລາວ ແລະ ລົງປັບປຸງຕາໜ່າງຂ່າວໃນບາງແຂວງ. ແຕ່ງຕັ້ງບົ່ງຕົວຄະນະບໍລິຫານງານ ສຍ ກະຊວງປ້ອງກັນຄວາມສະຫົງບ, ຮອງປະ ທານ ສຍ 7 ແຂວງ ແລະ 1 ອົງການ, ຂໍອະນຸມັດແຕ່ງຕັ້ງພະນັກງານເປັນຫົວໜ້າກົມ, ຮອງຫົວ ໜ້າກົມ; ຫົວໜ້າພະແນກ, ຮອງຫົວໜ້າ ພະແນກ ພ້ອມທັງສັບ ຊ້ອນໜ້າທີ່ຄືນໃໝ່ຈໍານວນໜຶ່ງ, ຈັດກອງປະຊຸມປຶກສາຫາລື ກ່ຽວກັບການສ້າງພະນັກງານນຳພາ-ຄຸ້ມ ຄອງເພດຍິງທົ່ວປະເທດຄັ້ງ ທີ II; ກອງ ປະຊຸມຄົບຄະນະ ບໍລິຫານງານ ສສຍລ ຄັ້ງທີ 3 ສະໄໝທີ VII ຂະຫຍາຍການຈັດຕັ້ງ ສຍ ໄປສູ່ຂົງເຂດທຸລະກິດໄດ້ 1 ຮາກ ຖານ; ສ້າງໂອກາດໃຫ້ພະນັກງານ-ລັດຖະ ກອນໄດ້ຮັບການ ຍົກລະດັບດ້ານທິດສະດີ ແລະ ວິຊາສະເພາະຢູ່ພາຍໃນ ແລະ ຕ່າງປະເທດ, ປະດັບຫຼຽນໄຊອິດສະຫຼະຊັ້ນ II, III ແລະ ຫຼຽນໄຊແຮງງານ ຊັ້ນ III ໃຫ້ການ ນໍາຂັ້ນສູງ ສຍ ສສ ຫວຽດນາມ ແລະ ສຍ 9 ແຂວງ ຂອງ ສສ ຫວຽດນາມ, ປະດັບ ຫຼຽນໄຊພັດທະນາຊັ້ນ III ໃຫ້ບໍລິສັດລືໄຊ ກໍ່ສ້າງ ໃນໂອກາດມອບ-ຮັບສູນອົບຮົມແມ່ ຍິງລາວ; ບໍລິການໃຫ້ຄໍາປຶກສາແບບເຊິ່ງໜ້າ ແລະ ທາງໂທລະສັບໂດຍບໍ່ເສຍຄ່າແກ່ແມ່ຍິງ ແລະ ເດັກນ້ອຍທີ່ມີບັນຫາ, ຈັດພິທີລະນຶກວັນສາກົນຢຸດຕິຄວາມຮຸນແຮງ ຕໍ່ແມ່ຍິງ 25 ພະຈິກ 2017, ລົງເຜີຍແຜ່ ຂໍ້ມູນເບື້ອງຕົ້ນກ່ຽວກັບການບໍລິການຂອງສະຖາບັນການເງິນຈຸລະພາກທີ່ຮັບເງິນ ຝາກເພື່ອພັດທະນາແມ່ຍິງ ແລະ ຄອບຄົວ ຢູ່ແຂວງເປົ້າໝາຍ, ຝຶກອົບຮົມວິຊາຊີບ 3 ຂະແໜງການ ຄື: ການຕັດຫຍິບ, ເສີມສວຍ, ປຸງແຕ່ງອາຫານ-ແປຮູບອາຫານໃຫ້ແມ່ຍິງຜູ້ດ້ອຍໂອກາດ 2 ຊຸດ, ຝຶກອົບ ຮົມຄອມພິວເຕີ (IT), ວຽກງານການຕະຫຼາດໃຫ້ຜູ້ປະກອບການ, ຜູ້ຜະລິດເຄື່ອງຫັດຖະກໍາ ເພື່ອປະກອບເປັນອາຊີບທໍາມາຫາກິນ ແລະ ການເຊື່ອມທັດສະນະ ບົດບາດຍິງ-ຊາຍ ໃນວຽກງານວິຊາຊີບ ໄດ້ 4 ຊຸດ; ຈັດກອງປະຊຸມເຜີຍແຜ່ຄູ່ມືແນະນຳເບື້ອງຕົ້ນກ່ຽວກັບການສ້າງຄອບຄົວ ແລະ ບ້ານແມ່ຍິງ 3 ດີ ຕິດພັນກັບການ ສ້າງບ້ານພັດທະນາ ຕາມທິດ 3 ສ້າງໃຫ້ ສຍ ທົ່ວປະເທດ ໂດຍ ແບ່ງເປັນ 3 ຈຸດ ຄຶື: ຢູ່ພາກເໜືອ ຈັດຢູ່ ແຂວງໄຊຍະບູລີ, ພາກກາງຢູ່ແຂວງວຽງ ຈັນ ແລະພາກໃຕ້ ຢູ່ແຂວງສາລະວັນ; ຕ້ອນຮັບການມາຢ້ຽມຢາມຂອງທ່ານປະທານ ສຍ ທົ່ວປະເທດ ຈີນ; ຄະນະຜູ້ແທນ ສຍ ຫວຽດນາມ ໃນ ໂອກາດສະເຫຼີມສະຫຼອງສອງວັນປະ ຫວັດສາດລາວ-ຫວຽດນາມ ປີ 2017, ຕ້ອນຮັບ ຄະນະຜູ້ແທນພັກກອມ ມູນິດກູບາ, ຕ້ອນຮັບພະລາຊິນີແຫ່ງປະເທດ ແບນຊິກ; ເຈົ້າຍິງແຫ່ງຊາອຸດິ ອາຣາບີ; ຕ້ອນຮັບ ແລະ ເຮັດວຽກຮ່ວມກັບບັນດາ ສະຖານທູດ ແລະ ອົງການຈັດຕັ້ງສາກົນຈໍາ ນວນໜຶ່ງ; ໄດ້ເຊັນຂໍ້ຕົກລົງການຮ່ວມມືສອງ ຝ່າຍລະຫວ່າງ ສສ.ລາວ ແລະ ສຍ ສສ ຫວຽດນາມ ເພື່ອພັດທະນາແມ່ຍິງໄລຍະ 2017-2022, ເຊັນບົດບັນທຶກການຮ່ວມ ມືວຽກງານປົກປ້ອງເດັກ 2017-2018 ຮ່ວມ ກັບອົງການຢູນີເຊັບປະຈໍາ ສປປ ລາວ.

          ໂອກາດນີ້ ຍັງໄດ້ມອບໃບຍ້ອງຍໍ ໃຫ້ສະມາຊິກ ສຍ ທີ່ເຂົ້າຮ່ວມກ້ອນສວນສະໜາມແມ່ຍິງລາວບັນດາເຜົ່າ ໃນໂອ ກາດສະເຫຼີມສະຫຼອງວັນຊາດ 2 ທັນວາ ຄົບຮອບ 40 ປີ ຈຳນວນ 36 ພາກສ່ວນ 433 ຄົນ.

                                                                                                                                                                                                                                                                                   ໂດຍ: ອິນດາວອນ