104

ສຍ ຮາກຖານທະນາຄານສົ່ງ ເສີມກະສິກຳ ໄດ້ເປີດກອງປະຊຸມໃຫຍ່ ຄັ້ງທີ VI ຂອງຕົນ ກາງເດືອນ ພະຈິກ, ໂດຍການເຂົ້າຮ່ວມ ຂອງທ່ານນາງ ສາຍ ສະໝອນ ຈັນທະຈັກ ປະທານ ສຍ ທະ ນາຄານແຫ່ງ ສປປລາວ, ທ່ານ ຖາວອນ ເຂັມຄຳ ຄະນະພັກຜູ້ຊີ້ນຳວຽກງານອົງ ການຈັດຕັ້ງມະຫາຊົນ, ມີຜູ້ແທນສົມ ບູນເຂົ້າ ຮ່ວມ 167 ຄົນ.

          ທ່ານນາງ ວິໄລເພັດ ຫຼວງອາໄພ ປະທານ ສຍ ຮາກຖານທະນາຄານສົ່ງ ເສີມກະສິກຳ ໄດ້ຕີລາຄາຄືນການຈັດຕັ້ງປະຕິບັດວຽກ ງານໄລຍະຜ່ານມາ ທີ່ມີຜົນສຳເລັດຫຼາຍດ້ານ ໂດຍສະເພາະວຽກງານສຶກສາອົບຮົມການເມືອງ-ແນວຄິດໃຫ້ສະມາຊິກ ສຍ ເຮັດໃຫ້ເຂົາ ເຈົ້າມີ ຄຸນທາດການເມືອງໜັກແໜ້ນ, ເອົາໃຈໃສ່ຊຸກຍູ້ສົ່ງເສີມແມ່ຍິງໃຫ້ໄດ້ຍົກລະດັບຄວາມຮູ້ຄວາມສາມາດໂດຍສະເພາະທິດສະດີ-ການເມືອງ ຕິດພັນກັບວຽກງານວິຊາສະເພາະ ເຮັດໃຫ້ແມ່ຍິງຈຳນວນຫຼາຍຖືກສັບຊ້ອນເຂົ້າໃນຕຳແໜ່ງງານທີ່ສຳຄັນຕ່າງໆ, ໄດ້ຖືສຳ ຄັນການປະຕິບັດຂໍ້ ແຂ່ງຂັນ 3 ດີ ຢ່າງ ເປັນຂະບວນຟົດຟື້ນ ແລະ ມີຜົນສຳ ເລັດຕະຫຼອດມາ.

          ກອງປະຊຸມໄດ້ປ່ອນບັດຄັດ ເລືອກເອົາຄະນະບໍລິຫານງານ ສຍ ຊຸດ ໃໝ່ ເລືອກໄດ້ທ່ານນາງ ວິໄລເພັດ ຫຼວງອາໄພ ເປັນປະທານ, ທ່ານນາງ ທຸດາ ເທບສີເມືອງ ເປັນຮອງປະທານ ແລະ ທ່ານນາງ ລັດດາວັນ ສຸກສະດາ ເປັນຮອງປະທານ ທັງເປັນປະທານ ກວດກາ.

ກອງປະຊຸມໄດ້ຮັບຟັງການໂອ້ລົມຈາກທ່ານນາງ ສາຍສະໝອນ ຈັນທະຈັກ ທີ່ເນັ້ນໃຫ້ຄະນະ ສຍ ຊຸດໃໝ່ ເອົາໃຈໃສ່ຊີ້ນຳ ນຳພາດ້ານ ການເມືອງແນວຄິດ, ປັບປຸງແບບແຜນວິທີເຮັດວຽກ, ແບ່ງງານ ແບ່ງຄວາມຮັບຜິດຊອບກັນຢ່າງລະອຽດ ແລະ ເອົາໃຈໃສ່ຮ່ວມ ຊີວິດເປັນ ປະຈຳ, ສ້າງພະນັກງານສືບທອດປ່ຽນແທນໃຫ້ມີຄຸນນະພາບ, ຊ່ວຍ ເຫຼືອຊຶ່ງກັນ ແລະ ກັນ ແລະ ຖືສຳຄັນການປະຕິບັດຂໍ້ແຂ່ງຂັນ 3 ດີ ຕິດພັນກັບວິຊາສະເພາະໃຫ້ເປັນຂະບວນຕໍ່ເນື່ອງ ແລະ ມີຜົນສຳເລັດ.

                                                                                                                                                                                                                                                                                ໂດຍ:ວຽງພອນ