ສອງຊາດລາວ-ຫວຽດນາມ ມີມູນເຊື້ອຮັກແພງສາມັກຄີໄປມາຫາສູ່ ຊ່ວຍເຫຼືອ ກັນມາແຕ່ບູຮານນະການ, ໂດຍສະເພາະ ຄວາມສາມັກຄີຊ່ວຍເຫຼືອຊຶ່ງກັນ ແລະ ກັນ ຄືອ້າຍນ້ອງຮ່ວມອຸທອນດຽວກັນ, ໃນຍາມທຸກກໍຮ່ວມທຸກ ແລະ ຍາມສຸກກໍຮ່ວມສຸກ ນໍາກັນຕະຫລອດມາ, ໄດ້ຮ່ວມກັນຕໍ່ສູ້ຕ້ານພວກຈັກກະພັດລ່າເມືອງຂຶ້ນຕ່າງດ້າວທັງແບບເກົ່າ ແລະ ແບບໃໝ່ ອັນຍືດເຍື້ອ ຍາວນານ, ມີຄວາມຮັກແພງ, ຈິງໃຈ, ເຊື່ອໝັ້ນ ຊຶ່ງກັນ ແລະ ກັນ ຢ່າງເລິກເຊິ່ງເປັນສາຍພົວພັນທີ່ຍິ່ງໃຫຍ່, ດູດດື່ມ ໂດຍສະ ເພາະແມ່ຍິງ ຫົວພັນ-ແທັງຮວ່າ-ເຊີນລາ ແມ່ນມີການຮ່ວມມືຊຸກຍູ້ສົ່ງເສີມກັນໃນຫຼາຍດ້ານ ເປັນ ຕົ້ນແມ່ນດ້ານວັດທະນະ ທຳ-ສັງຄົມ ແລະ ການພັດທະນາແມ່ຍິງ ທີ່ສົມຄູ່ກັບວຽກງານ ໃນໄລຍະໃໝ່.

77

ທ່ານນາງ ໝັ້ນ ເພັງຄັດຕິຍະ ປະ ທານ ສຍ ແຂວງຫົວພັນ ໄດ້ໃຫ້ສຳພາດວ່າ: ເພື່ອສືບຕໍ່ເສີມຂະຫຍາຍສາຍພົວພັນ ຮ່ວມມືມິດຕະພາບແບບພິເສດ ແລະ ຍາວ ນານ ໃຫ້ຍືນຍົງ ພ້ອມທັງເປັນການປະຕິ ບັດຕາມແນວທາງການພົວພັນຮ່ວມມືກັບ ຕ່າງປະເທດຂອງ ສປປ ລາວ. ເວົ້າສະເພາະ ສຍ ແຂວງຫົວພັນ ພວກເຮົາກໍ່ໄດ້ເອົາໃຈໃສ່ໃນການພົວພັນແລກປ່ຽນບົດຮຽນອັນ ເປັນມູນເຊື້ອກັບແຂວງ ແທັງຮວ່າ ແລະ ແຂວງ ເຊີນລາ ຊຶ່ງໄລຍະຜ່ານມາໄດ້ອໍານວຍຄວາມສະດວກຊ່ວຍເຫຼືອຊຶ່ງກັນ ແລະ ກັນ ໃນວຽກງານພັດທະນາເສດຖະ ກິດ-ສັງຄົມ ເພື່ອໃຫ້ປະຊາຊົນ ເວົ້າລວມ ເວົ້າສະເພາະເອື້ອຍນ້ອງແມ່ຍິງຫຼຸດພົ້ນ ອອກຈາກຄວາມທຸກຍາກເທື່ອລະກ້າວ, ເອົາໃຈໃສ່ປົກປັກຮັກສາຄວາມສະຫງົບ ຕາມຊາຍແດນລະຫວ່າງ 2 ປະເທດ. ໃນ ນີ້ ສຍ ແຂວງແທັງຮວ່າໄດ້ໃຫ້ການຊ່ວຍ ເຫຼືອໃນການກວດກາເບິ່ງແຍງສຸຂະພາບ, ການດໍາລົງຊີວິດໃຫ້ແກ່ເອື້ອຍນ້ອງແມ່ຍິງ ແລະ ເດັກນ້ອຍ ໃນແຂວງ ຫົວພັນໃຫ້ມີ ສຸຂະພາບທີ່ແຂງແຮງ ພ້ອມນີ້ຍັງໄດ້ຕົກ ລົງເປັນເອກະພາບ ແລະ ເຊັນສັນຍາຮ່ວມ ມື ໃນ 1 ປີ ໃຫ້ຮັບເອົາເດັກນ້ອຍພິການ ຈໍານວນ 5 ຄົນໄປປິ່ນປົວຢູ່ ສສ ຫວຽດນາມ, ນອກຈາກນີ້ ຍັງໄດ້ໃຫ້ທຶນຊ່ວຍເຫຼືອຕັ້ງ ເຮືອນໃຫ້ຜູ້ທຸກຍາກຕື່ມອີກ ລວມຈໍານວນ ເງິນ 50 ລ້ານດົງ ຊຶ່ງສາມາດປຸກເຮືອນໄດ້ 2 ຫຼັງ. ໄດ້ມີການປະສານສົມທົບກັນ ໃນການໂຄສະນາສຶກສາອົບຮົມເອື້ອຍນ້ອງແມ່ຍິງທີ່ຢູ່ລຽບຕາມຊາຍແດນລະຫວ່າງ ລາວ-ຫວຽດນາມ, ຫົວພັນ-ແທັງຮ່ວາ-ເຊີນລາ, ໃນການສະກັດກັ້ນການຕັ້ງພູມລໍາເນົາ, ເອົາຜົວເມຍແບບຜິດກົດໝາຍ ແລະ ການຕ້ານການຄ້າມະນຸດ, ພ້ອມທັງສະ ກັດກັ້ນ ການຄ້າຂາຍຢາເສບຕິດ.

      ເພື່ອເປັນການຜູກແໜ້ນຄວາມສາມັກຄີແບບພິເສດ ລະຫວ່າງແຂວງແຮກ ສ່ຽວ ເວົ້າສະເພາະ ສຍ ແຂວງຫົວພັນ ກັບ ແຂວງ ແທັງຮວ່າ ແລະ ເຊີນລາ ສສ ຫວຽດ ນາມ ຈະສືບຕໍ່ປະຕິບັດຕາມບົດບັນທຶກຮ່ວມ ມື ໂດຍຜັດປ່ຽນກັນຖອດຖອນບົດຮຽນ 2 ປີຕໍ່ 1 ຄັ້ງ ພ້ອມທັງຮ່ວມແຮງຮ່ວມໃຈກັນ ເພີ່ມພູນຄູນສ້າງສາຍພົວພັນແບບພິເສດລະຫວ່າງ ລາວ-ຫວຽດນາມໃຫ້ສວຍ ສົດ ງົດງາມ, ເຕີບໃຫຍ່ຂະຫຍາຍຕົວ, ໝັ້ນຄົງ ທະນົງແກ່ນ ແລະ ກ້າວຂຶ້ນຢ່າງບໍ່ຢຸດຢັ້ງ.

ໃນໂອກາດຂໍ່ານັບຮັບຕ້ອນສອງວັນປະ ຫວັດສາດ ກໍຄືການພົວພັນຮ່ວມມືແບບພິເສດສອງຊາດ ລາວ-ຫວຽດນາມ, ສຍ ແຂວງ ຫົວພັນ ໄດ້ສ້າງກິດຈະກໍາຕ່າງໆ ໂດຍສະເພາະແມ່ນປຸກລະດົມສະມາຊິກແມ່ຍິງ, ກໍຄືເອື້ອຍນ້ອງແມ່ຍິງລາວ ບັນດາ ເຜົ່າພາຍໃນແຂວງ ໃນການອະນຸລັກຮັກສາມູນເຊື້ອການນຸ່ງຖືໃຫ້ຖືກຕ້ອງຕາມຮີດຄອງປະເພນີອັນດີງາມຂອງຊາດ ລາວ, ຂະບວນການອະນາໄມສະຖານທີ່ຕ່າງໆ ແລະ ສ້າງຂະບວນການສິລະປະ-ວັນນະ ຄະດີຢ່າງເປັນຂະບວນຟົດຟື້ນ ພ້ອມທັງ ເຂົ້າຮ່ວມຂະບວນການຕ້ອນຮັບແຂກ ແລະ ເຂົ້າຮ່ວມພິທີສະເຫຼີມສະຫຼອງວັນດັ່ງ ກ່າວຢ່າງເປັນຂະບວນຟົດຟື້ນ.Ž

                                                                                                                                                                                                                                                                                            ໂດຍ: ໄມສີ