Picture1.png 

                  ເພື່ອເສີມຂະຫຍາຍສາຍພົວພັນມິດຕະ ພາບອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມຍຸດທະ ສາດຮອບ ດ້ານລະຫວ່າງສອງພັກ, ສອງລັດ ແລະ ປະຊາຊົນ 2 ຊາດ  ລາວ-ຈີນ ເວົ້າສະ ເພາະການພົວພັນຮ່ວມມື, ຊ່ວຍ ເຫຼືອ ແລະ ແລກປ່ຽນບົດຮຽນ, ປະສົບການລະຫວ່າງສະຫະພັນແມ່ ຍິງ 2 ຊາດ ໃຫ້ມີຄວາມແໜ້ນແຟ້ນ ແລະ ເພີ່ມພູນຄູນສ້າງ ຍິ່ງຂຶ້ນກວ່າເກົ່າ. ຄະນະຜູ້ແທນຂັ້ນສູງຂອງ ສະຫະພັນແມ່ຍິງທົ່ວປະເທດຈີນ ນຳໂດຍທ່ານນາງ ເສີນ ເຢ້ ເຢ້ (Shen Yue Yue) ຮອງປະທານສະ ພາປະຊາຊົນຈີນ, ປະທານ ສຍ ທົ່ວປະເທດຈີນ ພ້ອມຄະນະ ໄດ້ເຄື່ອນໄຫວ ຢ້ຽມຢາມ  ສປປລາວ ຢ່າງເປັນທາງການໃນລະຫວ່າງ ວັນທີ 3-6 ພຶດສະ ພາ 2017. ນໍາພາການຕ້ອນຮັບໂດຍທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ, ປະທານຄະນະບໍລິຫານງານສູນກາງສະຫະພັນ ແມ່ຍິງລາວ ພ້ອມຄະນະ.

         ສະຫະພັນແມ່ຍິງທັງສອງຝ່າຍໄດ້ພົບປະແລກປ່ຽນບົດຮຽນ ແລະ ລາຍງານສະພາບການ ເຄື່ອນໄຫວວຽກງານທີ່ ພົ້ນເດັ່ນຂອງຕົນ ເວົ້າສະເພາະແມ່ຍິງລາວພວມຢູ່ໃນໄລຍະຂອງການຈັດ ຕັ້ງປະຕິບັດມະຕິກອງປະຊຸມໃຫຍ່ຜູ້ແທນແມ່ຍິງ ລາວທົ່ວປະເທດ ຄັ້ງທີ VII ໂດຍເລັ່ງໃສ່ຈັດຕັ້ງປະຕິບັດ  VIII ແຜນງານ 34 ໂຄງການພັດທະນາແມ່ຍິງ ຕິດພັນກັບແຜນດຳ ເນີນງານແຫ່ງຊາດ ເພື່ອຄວາມສະເໝີພາບຍິງ-ຊາຍ ແຜນດໍາເນີນງານແຫ່ງຊາດວຽກແມ່ ແລະ ເດັກໃຫ້ບັນລຸຜົນ ແລະ ສອດ ຄ່ອງ ກັບສະພາບຕົວຈິງໃນປັດຈຸບັນ, ລວມທັງນໍາພາການປະຕິບັດຄໍາຂວັນ ແລະ ຂໍ້ແຂ່ງຂັນ 3 ດີ ທີ່ສະຫະພັນແມ່ຍິງລາວ ວາງອອກໃຫ້ເປັນຮູບປະທຳ.

ສະຫະພັນແມ່ຍິງທົ່ວປະເທດຈີນ ໄດ້ແຈ້ງສະພາບການພັດທະນາແມ່ຍິງພາຍໃຕ້ການນຳພາຂອງພັກ ແລະ ຄວາມ ເຊື່ອ ໝັ້ນສູງສຸດຂອງປະຊາຊົນທີ່ມີຕໍ່ແມ່ຍິງ  ເວົ້າສະເພາະການຈັດຕັ້ງປະຕິບັດຄາດໝາຍຕ່າງໆ, ການສົ່ງເສີມຫົວຄິດປະດິດສ້າງຂອງແມ່ ຍິງ ໄດ້ເຮັດໃຫ້ແມ່ຍິງຈີນມີບົດບາດພົ້ນເດັ່ນ ແລະ ປະສົບຜົນສຳເລັດຢູ່ໃນທຸກຂົງເຂດວຽກ ງານ ແລະ ຢູ່ທຸກໆຂັ້ນ ເປັນຕົ້ນ ແມ່ຍິງຢູ່ຂັ້ນບ້ານ, ຊຶ່ງການມາຢ້ຽມຢາມ ສປປ ລາວ ໃນຄັ້ງນີ້ ສຍ ທົ່ວປະເທດຈີນ ໄດ້ ເຫັນດີສືບຕໍ່ການພົວພັນຮ່ວມມືຍຸດ ທະສາດຮອບດ້ານ ເພື່ອເຂົ້າສູ່ລວງເລິກ ເຮັດໃຫ້ການພົວພັນຮ່ວມມືໄດ້ຮັບການເພີ່ມພູນຄູນສ້າງແຕກດອກອອກຜົນຢ່າງບໍ່ຢຸດຢັ້ງ ຊຶ່ງທ່ານໄດ້ເຫັນດີເພີ່ມທະວີການຮ່ວມມື ປະສານສົມທົມ, ແລກປ່ຽນຖອດ ຖອນບົດຮຽນໃນວຽກງານແມ່ຍິງຢ່າງຕໍ່ເນື່ອງ ຕາມຍຸດໂທບາຍກໍ່ສ້າງໜຶ່ງ ແລວທາງໜຶ່ງເສັ້ນທາງ,  ຮ່ວມກັນຊຸກຍູ້ການຈັດຕັ້ງປະຕິບັດສິດສະເໝີພາບລະຫວ່າງ ຍິງ-ຊາຍ ຂອງ 2 ຊາດ ກໍຄື ໃນອາຊີ ແລະ ໃນໂລກ. ນອກຈາກນີ້ ສຍ ທົ່ວປະເທດຈີນ ໄດ້ຕົກລົງໃຫ້ການ ຊ່ວຍເຫຼືອ ເພື່ອພັດທະນາແມ່ ຍິງລາວ ຈໍານວນ 500,000 ຢວນ ແລະ ຊ່ວຍ ລົດ ໄວສຸຂະພາບເພື່ອແມ່ຍິງŽ ຈໍາ ນວນ 1 ຄັນ ເພື່ອນໍາໃຊ້ເຂົ້າໃນການ

ພັດທະນາພື້ນຖານໂຄງລ່າງ ແລະ ການສົ່ງເສີມສຸຂະພາບແມ່ຍິງໃຫ້ໄດ້ຮັບຜົນສຳເລັດທັງດ້ານປະລິມານ ແລະ ຄຸນ ນະພາບຍິ່ງຂຶ້ນ.

 ຄະນະຜູ້ແທນໄດ້ເຂົ້າຢ້ຽມຂ່ຳນັບ ທ່ານນາງ ປານີ ຢາທໍ່ຕູ້ ກຳມະການກົມ ການເມືອງສູນກາງພັກ ປະທານສະພາ  ແຫ່ງຊາດ. ທ່ານໄດ້ສະແດງຄວາມຍ້ອງ ຍໍຊົມເຊີຍ ແລະ ຕີລາຄາສູງຕໍ່ການມາ ຢ້ຽມຢາມ ສປປລາວ ຂອງຄະນະຜູ້ ແທນ ຊຶ່ງເປັນການຢັ້ງ ຢືນເຖິງສາຍພົວພັນມິດຕະພາບອັນແໜ້ນແຟ້ນ ແລະ ຍາວນານ ລະຫວ່າງ 2 ຊາດລາວ-ຈີນ, ທ່ານໄດ້ຮຽກຮ້ອງໃຫ້ສະຫະພັນ ແມ່ຍິງທັງ 2 ຊາດເພີ່ມທະວີການພົວພັນຮ່ວມ ມື, ໃຫ້ການຊ່ວຍເຫຼືອ ແລະ ແລກປ່ຽນ ບົດຮຽນ, ປະສົບການໃນການພັດທະ ນາແມ່ຍິງ, ນັບແຕ່ຂັ້ນສູນກາງລົງຮອດທ້ອງຖິ່ນຮາກຖານ ໂດຍສະເພາະກິດຈະກຳທີ່ສຸມໃສ່ແຂວງທຸກຍາກ, ໄປຄຽງ ຄູ່ກັນນີ້ ທ່ານກໍໄດ້ຍ້ອງຍໍຊົມເຊີຍຕໍ່ ມູນເຊື້ອອັນດີງາມຂອງແມ່ຍິງລາວ ແລະ ແມ່ຍິງຈີນ ບໍ່ວ່າເວລາໃດກໍໄດ້ປະກອບສ່ວນຢ່າງຕັ້ງໜ້າ, ຮ່ວມຄຽງບ່າຄຽງໄຫຼ່ກັບເພດຊາຍເຂົ້າໃນພາລະ ກິດລວມຂອງຊາດ, ເຮັດໃຫ້ສິດສະເໝີ ພາບລະຫວ່າງຍິງ-ຊາຍໄດ້ຮັບການ ຈັດຕັ້ງປະຕິບັດຢ່າງມີຜົນສຳເລັດຍິ່ງຂຶ້ນຢູ່ໃນສັງຄົມ.

Picture2.png

         ຄະນະຜູ້ແທນໄດ້ເດີນທາງໄປຢ້ຽມຢາມສູນອົບຮົມແມ່ຍິງລາວ, ສູນ ກາງສະຫະພັນແມ່ຍິງລາວ ຊຶ່ງເປັນສູນທີ່ໄດ້ຮັບ ການຊ່ວຍເຫຼືອຈາກສະຫະພັນແມ່ຍິງທົ່ວປະເທດຈີນ ໃນການກໍ່ສ້າງຕຶກອາຄານຝຶກອົບຮົມ, ອຸປະກອນທີ່ຈຳເປັນໃນການ ຝຶກອົບຮົມວິຊາຊີບໄລຍະສັ້ນໃຫ້ກັບແມ່ຍິງລາວ ໃນຂະ ແໜງການຕັດຫຍິບ, ເສີມສວຍ, ປຸງແຕ່ງ ອາຫານ-ການໂຮງແຮມ ເຮັດໃຫ້ຜູ້ທີ່ ໄດ້ຮັບການຝຶກອົບຮົມນຳເອົາຄວາມຮູ້ ຄວາມສາມາດທີ່ຮຽນມາໄປປະກອບ ອາຊີບ ເພື່ອສ້າງລາຍຮັບໃຫ້ແກ່ຕົນ ເອງ ແລະ ຄອບຄົວ ເປັນອີກທ່າແຮງ ໜຶ່ງ ທີ່ປົດປ່ອຍແມ່ຍິງອອກຈາກຄວາມ ທຸກຍາກ...ຈາກນັ້ນ ໄດ້ໄປຢ້ຽມຢາມຫໍມູນ ເຊື້ອສະຫະພັນແມ່ຍິງລາວ ເຮັດໃຫ້ຄະນະຜູ້ແທນຮັບຮູ້ເຖິງສະພາບລວມ, ການກຳເນີດ ແລະ ເຕີບໃຫຍ່ຂະຫຍາຍຕົວຂອງ ຂະບວນການລວມຂອງແມ່ຍິງລາວບັນດາເຜົ່າ, ກໍຄືສະຫະພັນແມ່ຍິງລາວ ນັບແຕ່ມື້ສ້າງຕັ້ງມາເຖິງປັດຈຸບັນ,  ລວມເຖິງ ການປະກອບສ່ວນຂອງແມ່ຍິງລາວບັນດາເຜົ່າໃນພາລະກິດຕໍ່ສູ້ກູ້ຊາດ ກໍຄືພາລະກິດແຫ່ງການປົກປັກຮັກສາ, ສ້າງສາພັດທະນາ ປະເທດຊາດ, ຢ້ຽມຢາມລັດວິສາຫະກິດ ຝ້າຍລາວ, ເຂດເສດຖະກິດກວມລວມ ເມືອງໄຊເສດຖາ (ຫຼັກ 16) ແລະ ສະ ຖານທີ່ສຳຄັນທາງປະຫວັດສາດ ແລະ ວັດທະນະທຳໃນນະຄອນຫຼວງວຽງ ຈັນ ຄື: ພະທາດຫຼວງວຽງຈັນ,  ຫໍພະ ແກ້ວ ແລະ ປະຕູໄຊ. ພ້ອມດຽວກັນນີ້,ຄະນະຜູ້ແທນໄດ້ເດີນທາງໄປຢ້ຽມ ຊົມກຸ່ມຫັດຖະກຳຂອງແມ່ຍິງເມືອງ