45

ປະຊາຊົນສອງຊາດລາວ-ຫວຽດນາມເຄີຍມີມູນເຊື້ອໄປມາຫາສູ່ແລກປ່ຽນສິນຄ້າ, ແລກປ່ຽນ   ວັດທະນະທໍາ, ມີອຸດົມຄະຕິ ແລະຄວາມມຸ່ງມາດປາຖະໜາອັນດຽວກັນຄື: ຢາກມີຄວາມເປັນເອກະລາດ,  ສັນຕິພາບ ແລະ ຮັ່ງມີຜາສຸກ. ປະຊາຊົນສອງຊາດມີມູນເຊື້ອສາມັກຄີຊ່ວຍເຫຼືອເຊິ່ງກັນ ແລະ ກັນ ມາເປັນພັນໆປີໃນການກໍ່ຕັ້ງ ແລະ ການປົກປັກຮັກສາປະເທດຊາດຂອງໃຜລາວ. ພິເສດໃນໄລຍະດໍາເນີນການຕໍ່ສູ້ກູ້ຊາດເປັນເວລາເຄິ່ງສະຕະວັດ ພາຍໃຕ້ການນໍາພາຂອງພັກກອມມູນິດອິນດູຈີນ, ພັກປະຊາຊົນລາວ ແລະ ພັກກອມມູນິດຫວຽດນາມ. ຄວາມຜູກພັນສາມັກຄີ, ການຊ່ວຍເຫຼືອເຊິ່ງກັນ ແລະ ກັນ ທີ່ເປັນມູນເຊື້ອອັນດີງາມມາແຕ່ດົນນານນັ້ນ ໄດ້ເພີ່ມຄວາມແໜ້ນແຟ້ນ,  ເຕີບໃຫຍ່ຂະຫຍາຍຕົວກາຍເປັນຄວາມສາມັກຄີພິເສດ ແລະ ການພົວພັນ ຮ່ວມມືຮອບດ້ານຂອງສອງຊາດລາວ-ຫວຽດນາມ ໂດຍແມ່ນປະທານ ໂຮ່ຈິມິນ, ປະທານ ໄກສອນ ພົມວິຫານ, ປະທານ ສຸພານຸວົງ ເປັນຜູ້ລິເລີ່ມ. ຈາກນັ້ນມາ ການນໍາແຕ່ລະຮຸ່ນຂອງສອງພັກ, ສອງລັດ  ແລະ ປະຊາຊົນສອງປະເທດຕ່າງກໍໄດ້ເອົາໃຈໃສ່ປັບປຸງເສີມຂະຫຍາຍໃຫ້ກາຍເປັນການພົວພັນສາມັກຄີອັນບໍລິສຸດຜຸດຜ່ອງ ທີ່ບໍ່ມີສາຍພົວພັນກັບປະເທດໃດໃນສາກົນທີ່ມີການພົວພັນແບບພິເສດ, ໄດ້ກາຍເປັນມໍລະດົກອັນລໍ້າຄ່າຂອງຊາດລາວ-ຫວຽດນາມ ແລະ ເຕີບໃຫຍ່ຂະຫຍາຍຕົວເປັນແຕ່ລະໄລຍະ.

       ໃນໂອກາດສະເຫຼີມສະຫຼອງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງລາວ-ຫວຽດນາມ ຄົບຮອບ 40 ປີ ແລະວັນສ້າງຕັ້ງສາຍພົວພັນການທູດລາວ-ຫວຽດ ຄົບຮອບ 55 ປີ ໃນປີ 2017 ນີ້ ເປັນເຫດການປະຫວັດສາດອັນສໍາຄັນຕໍ່ສອງພັກ-ລັດ, ປະຊາຊົນ, ກໍຄືສະຫະພັນແມ່ຍິງ (ສຍ) ສອງຊາດ ລາວ-ຫວຽດນາມທີ່ຈະໄດ້ພ້ອມກັນທົບທວນ,ຫວນຄືນມູນເຊື້ອການພົວພັນທີ່ງົດງາມ ດັ່ງກ່າວ ພ້ອມທັງສືບຕໍ່ອອກແຮງກໍ່ສ້າງໃຫ້ຮຸ່ນຄົນສືບທອດໄດ້ປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງລາວ-ຫວຽດ ນາມ ໃຫ້ເປັນມູນມໍລະດົກອັນລໍ້າຄ່າສືບທອດຕໍ່ໄປ. ໂອກາດນີ້ ພະນັກງານປະຕິວັດອາວຸໂສບໍານານຂອງສູນກາງສະຫະພັນແມ່ຍິງ ລາວຄື: ທ່ານປ້າ ວິໄລວຽງ ພິມມະສອນ, ທ່ານປ້າ ແສງຄໍາ ພູດາວົງ ແລະທ່ານປ້າ ບົວລຽນ ພິນສຸວັນ ທີ່ໄດ້ປະຕິບັດວຽກຮ່ວມກັບຊ່ຽວຊານ ແລະ ວິຊາການຈາກຫວຽດນາມໃນໄລຍະຕໍ່ສູ້ກູ້ຊາດ ກໍຄືໄລຍະສ້າງສາພັດທະນາປະເທດຊາດເວົ້າສະເພາະໃນຂົງເຂດການ ພັດທະນາແມ່ຍິງ ໄດ້ໃຫ້ສໍາພາດຕໍ່ວາລະສານສາວລາວມີບາງຕອນສໍາຄັນວ່າ:

       ທ່ານປ້າ ວິໄລວຽງ ພິມມະສອນ ກ່າວວ່າ: ໄດ້ເຮັດວຽກຮ່ວມກັບຊ່ຽວຊານຫວຽດນາມເລີ່ມແຕ່ໄລຍະເຮັດວຽກຢູ່ພະແນກສຶກສາທິການແຂວງຊຽງຂວາງໄດ້ມີຊ່ຽວຊານຫວຽດນາມນໍາພາສ້າງຫຼັກສູດການຮຽນ, ປຶ້ມແບບຮຽນ, ວິທີການສິດສອນ ແລະ ບໍາລຸງວຽກງານການສິດສອນໃຫ້ແກ່ຄູອາຈານ ຊຶ່ງແມ່ນໂຮງຮຽນມັດທະຍົມຫຼັງທໍາອິດຂອງເຂດປົດປ່ອຍ. ຕໍ່ມາຢູ່ສຶກສາແຂວງຫົວພັນມີຊ່ຽວຊານຫວຽດນາມມາຊ່ວຍສ້າງຫຼັກສູດແບບຮຽນ ຊັ້ນປະຖົມ, ມັດທະຍົມ ພ້ອມທັງປະກອບສ່ວນໃນການລໍາລຽງເຂົ້າ, ອາຫານໃຫ້ນັກຮຽນສ້າງຄູ.

       ພາຍຫຼັງປະເທດຊາດໄດ້ຮັບການປົດປ່ອຍ ສອງພັກ-ລັດ ກໍຍັງສືບຕໍ່ຮັດແໜ້ນສາຍພົວພັນຮ່ວມມື ເວົ້າສະເພາະ ສຍ ສອງຊາດກໍໄດ້ສືບຕໍ່ຮັດແໜ້ນຄວາມສາມັກຄີ ສຍ ລາວ ໄດ້ຮັບການຊ່ວຍເຫຼືອຈາກ ສຍ ຫວຽດນາມຫຼາຍດ້ານ ໂດຍສະເພາະການສ້າງບຸກຄະລາກອນໂດຍອໍານວຍຄວາມສະດວກໃຫ້ຄະນະປະທານ ສຍ ແຕ່ລະຂັ້ນໄດ້ໄປຍົກລະດັບທິດສະດີ-ການເມືອງຢູ່ ສສ ຫວຽດນາມ.ພິເສດໃນປີ 2006 ສຍ ລາວ-ຫວຽດນາມໄດ້ສົມທົບກັນຈັດງານຖ່າຍທອດສົດເລື່ອງສອງເອື້ອຍນ້ອງŽ ຜ່ານຈານດາວທຽມໂດຍໄດ້ຮັບຄວາມນິຍົມຊົມຊອບຈາກປະຊາຊົນຢ່າງ ຫຼວງຫຼາຍທັງຢູ່ລາວ ແລະ ຫວຽດນາມຊຶ່ງເປັນການຫວນຄືນມູນເຊື້ອປະຫວັດສາດການຮ່ວມມືສາມັກຄີພິເສດລະຫວ່າງສອງການຈັດຕັ້ງ ສຍ ກໍຄືສອງພັກ-ລັດ ແລະ ປະຊາຊົນສອງຊາດລາວ-ຫວຽດຖືວ່າເປັນຜົນສໍາເລັດອັນໜຶ່ງທີ່ໄດ້ຮັບຄວາມນິຍົມຊົມຊອບຈາກສັງຄົມ.46

ທ່ານປ້າ ແສງຄໍາ ພູດາວົງ ກ່າວວ່າ: ຕົນເອງໄດ້ເຮັດວຽກຮ່ວມກັບຊ່ຽວຊານຫວຽດນາມແມ່ນໄລຍະກະກຽມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ I ທ່ານນາງ ຫງຽນທິເລິບ ຊຶ່ງໄດ້ນໍາພາການສ້າງຄໍາຂວັນ 3 ດີ 2 ໜ້າທີ່ບັ້ນທໍາອິດ ຄື: 3 ດີ: ພົນລະເມືອງດີ, ແມ່ທີ່ດີ ແລະ ເມຍທີ່ດີ; 2 ໜ້າທີ່ ຄື: ປົກປັກຮັກສາ, ກໍ່ສ້າງປະເທດຊາດ ແລະ ປົດປ່ອຍແມ່ຍິງ. ເຖິງວ່າຕົນເອງບໍ່ເຄີຍ

ມີບົດຮຽນປະສົບການມາກ່ອນ ແຕ່ຍ້ອນໄດ້ຮັບການຊີ້ນໍາ-ນໍາພາຢ່າງໃກ້ຊິດຕິດແທດຂອງຊ່ຽວຊານ ແລະ ຄະນະ ສຍ ລາວ ຈຶ່ງເຮັດໃຫ້ມີຜົນສໍາເລັດໃນການຈັດຕັ້ງປະຕິບັດ ແລະ ມີປະສິດທິພາບໄດ້. ເຖິງຈະພົບຄວາມຫຍຸ້ງຍາກດ້ານເສດຖະກິດ, ເສັ້ນທາງຄົມມະນາຄົມທີ່ທຸລະກັນດານ ແຕ່ຊ່ຽວຊານຫວຽດນາມກໍບໍ່ໄດ້ລົດລະໜ້າທີ່ ນໍາພາກິ້ງເກືອກລີເລືອຕາມຕົມ, ງົມດິນ, ເດີນທາງຂຶ້້ນພູລົງຫ້ວຍ ລົງຫາປະຊາຊົນຢູ່ທ້ອງຖິ່ນຮາກຖານ ເພື່ອນໍາພາຈັດຕັ້ງປະຕິບັດຄໍາຂວັນ 3 ດີ 2 ໜ້າທີ່ ໂດຍເລີ່ມຈາກນະຄອນຫຼວງວຽງຈັນ ແລະ ບັນດາແຂວງພາກກາງ ແລະ ພາກໃຕ້ສໍາເລັດຢູ່ຂັ້ນແຂວງ ແລະ ເມືອງຈໍານວນໜຶ່ງ; ສ່ວນພາກເໜືອໄດ້ລົງພຽງ 3 ເມືອງ ຂອງແຂວງຫຼວງພະບາງເທົ່ານັ້ນຄື: ເມືອງງອຍ, ຊຽງເງິນ ແລະ ເມືອງຊຽງຊຸນ (ເມືອງຫຼວງພະບາງໃນປັດຈຸບັນ) ເນື່ອງຈາກວ່າ ຫົນທາງໄປມາຫຍຸ້ງຍາກ, ຖືວ່າການຊ່ວຍເຫຼືອຈາກຊ່ຽວຊານຫວຽດນາມ ເປັນບົດຮຽນອັນພິເສດ ແລະ ລໍ້າຄ່າໃຫ້ແກ່ ສຍ ລາວ ທີ່ໄດ້ສືບຕໍ່ຈັດຕັ້ງປະຕິບັັດເປັນແຕ່ລະໄລຍະຈົນເຖິງປັດຈຸບັນ.47                                                                                                                                ທ່ານປ້າ ບົວລຽນ ພິມສຸວັນ ກ່າວວ່າ: ຕົນເອງໄດ້ເຮັດວຽກຮ່ວມກັບອ້າຍນ້ອງຫວຽດນາມມາແຕ່ ປີ 1953 ໂດຍເລີ່ມຈາກເຮັດໜ້າທີ່ໃນການລໍາລຽງອາຫານໃຫ້ທະຫານຫວຽດນາມ ໂດຍສະເພາະຜູ້ທີ່ໄດ້ຮັບບາດເຈັບຈາກສົງຄາມ. ຈາກນັ້ນ, ກໍໄດ້ໄປຮຽນຢູ່ປະເທດຫວຽດນາມ 2 ຄັ້ງ ໂດຍໄດ້ຮັບການເບິ່ງແຍງ ແລະ ຊ່ວຍເຫຼືອຈາກຫວຽດນາມໃນທຸກໆດ້ານ. ຮອດປີ 1959-1960 ໄດ້ເຄື່ອນໄຫວຮ່ວມກັບອ້າຍນ້ອງຫວຽດນາມ ປະຈໍາຢູ່ໂຮງໝໍເມືອງໜອງແຮດເຮັດໜ້າທີ່ຊ່ວຍເຫຼືອອ້າຍນ້ອງຫວຽດນາມ ແລະ ທະຫານລາວທີ່ໄດ້ຮັບບາດເຈັບຈາກບັ້ນຮົບເມືອງຄໍາ.  ຕໍ່ມາ ໄດ້ໄປປະຈໍາຢູ່ໂຮງໝໍຄັງໄຂ, ປີ 1966 ໄດ້ໄປຮັບໃຊ້ຢູ່ບັ້ນລົບແກ່ວແສດ ຖືໄດ້ວ່າໄລຍະການປະຕິວັດແມ່ນໄດ້ຄຽງບ່າຄຽງໄຫຼ່ ແລະ ຊ່ວຍເຫຼືອຊຶ່ງກັນ ແລະ ກັນຕະຫຼອດມາ. ປີ 1984 ໄດ້ມາເຮັດວຽກຢູ່ສູນກາງສະຫະພັນແມ່ຍິງລາວຮ່ວມກັບຊ່ຽວຊານຫວຽດນາມທີ່ມາຊ່ວຍກະກຽມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ I ມີ ປ້າ ຫງຽນທິເລິບ, ປ້າແທ໋ງ ແລະ ປ້າເວິນ ຊຶ່ງແຕ່ລະທ່ານໄດ້ຮັບຜິດຊອບວຽກງານຂະບວນການ, ວຽກງານ ສັງລວມ, ວຽກງານການຈັດຕັ້ງ ແລະ ວຽກງານເສດຖະກິດ.  ທັງສາມປ້າ ໄດ້ສຸມໃສ່ຈັດຕັ້ງປະຕິບັດວຽກງານຢ່າງມີຈຸດສຸມ ແລະ ໄດ້ຮັບຜົນສໍາເລັດ.ບໍ່ວ່າເວລາໃດ ສາຍພົວພັນອັນພິເສດ ແລະ ການຮ່ວມມືຮອບດ້ານລະຫວ່າງລາວ-ຫວຽດນາມ ທີ່ບໍ່ມີຊາດໃດໃນໂລກທີ່ຈະທຸ້ມເທເພື່ອຊາດພວກເຮົາ, ມີພຽງອ້າຍນ້ອງຫວຽດ ນາມເທົ່ານັ້ນ ທີ່ຍອມເສຍສະຫຼະເລືອດເນື້ອເຫື່ອແຮງ ແລະ ສະຕິປັນຍາ ເພື່ອຊ່ວຍເຫຼືອປະຊາຊົນລາວ, ມີທະຫານຫວຽດນາມ ຫຼາຍຮ້ອຍຄົນທີ່ໄດ້ເສຍສະຫຼະຊີວິດ ໃນໄລຍະສົງຄາມຢູ່ແຜ່ນດິນລາວ, ຊຶ່ງເປັນການເສຍສະຫຼະອັນສູງສົ່ງທີ່ຫາອັນປຽບທຽບບໍ່ໄດ້ ແລະ ເປັນມູນເຊື້ອສາມັກຄີພິເສດຍິ່ງກວ່າປະທດອື່ນໆຢູ່ໃນໂລກ ໂດຍຄຽງບ່າຄຽງໄຫຼ່ກັນຕະຫຼອດມາ, ມີຫຍັງກໍບິແບ່ງປັນກັນ ດັ່ງຄໍາເວົ້າທີ່ວ່າ ເຂົ້າເມັດຫັກຜັກເສັ້ນໜຶ່ງຍັງໄດ້ແບ່ງປັນກັນກິນŽ ຊຶ່ງບົດຮຽນດັ່ງກ່າວນີ້ ພວກເຮົາລູກຫຼານ, ຊາວໜຸ່ມ, ໄວໜຸ່ມ ກໍຄືນັກຮຽນນັກສຶກສາຜູ້ເກີດໃໝ່ໃຫຍ່ລຸນ ຕ້ອງໄດ້ສືບຕໍ່ຮໍ່າຮຽນ, ສືບທອດ ແລະ ເພີ່ມທະວີຮັດແໜ້ນຄວາມສາມັກຄີພິເສດນີ້ໃຫ້ຍືນຍົງ ຄົງຕົວຕະຫຼອດໄປ.

                                                                                                                                                                                                                                                                               ໂດຍ: ເພັດວິໄຊ