ໃນວາລະພິທີ, ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ໄດ້ຜ່ານບົດສະຫຼຸບຜົນງານ 5 ປີ (2015-2019) ຂອງສູນກາງສະຫະພັນແມ່ຍິງລາວ ແລະ ໂອກາດທີ່ມີຄວາມໝາຍສໍາຄັນນີ້ ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ແລະ ປະທານ ຄຊກມດ ໄດ້ໃຫ້ກຽດໂອ້ລົມຕໍ່ພິທີຕື່ມອີກ. ພ້ອມນີ້ ທ່ານ ນາງ ຈອມແພງ ພູມປັນຍາ ຫົວໜ້າກົມຈັດຕັ້ງ-ພະນັກງານ ໄດ້ຜ່ານລັດຖະດຳລັດຂອງປະທານປະເທດ, ດຳລັດຂອງນາຍົກລັດຖະມົນຕີ ວ່າດ້ວຍການປະດັບຫຼຽນໄຊ, ຫຼຽນກາແຮງງານ, ໃບຍ້ອງຍໍລັດຖະບານໃຫ້ກົມກອງ ແລະ ຍຸກຄົນ ແລະ ຂໍ້ຕົກລົງຍ້ອງຍໍຂອງ ສສຍລ.

a9a10a11a12a13a14