ສວຍໆງາມໆ

459 OK 15

71.16

4025

ການກິນອາຫານທີ່ມີສ່ວນຕໍ່ຕ້ານຮອຍແຫ່ວແຫ້ງຂອງຜິວ

ໜັງ ສ່ວນຫຼາຍແມ່ນໄດ້ຈາກທໍາມະຊາດ ໂດຍສະເພາະການເລືອກ

ກິນຜັກ, ໝາກໄມ້ ແລະ ອາຫານເສີມທີ່ມີສ່ວນປະສົມຂອງສານຕ້ານ

ຄວາມຊະລາຈຶ່ງເປັນທາງເລືອກຂອງຄົນທີ່ມັກສວຍມັກງາມ ແລະ ທີ່

ສໍາຄັນສາມາດເຮັດໄດ້ດ້ວຍຕົນເອງ.

  1. ວິຕາມິນ ບີ3 (Vitamin B3) ເປັນວິຕາມິນທີ່ຮ່າງກາຍ

ສັງເຄາະໄດ້ຊ່ວຍບໍາລຸງສະໝອງ ແລະ ປະສາດ, ຮັກສາສຸຂະພາບ

ຂອງຜິວໜັງ, ລີ້ນ ແລະ ຈຸລັງຂອງລະບົບຍ່ອຍອາຫານ, ຊ່ວຍຫຼຸດລະ

ດັບໄຂມັນໃນເລືອດ ມີໃນອາຫານທົ່ວໄປ, ໄດ້ຈາກສັດ ແລະ ພືດ ຄື:

ຊີ້ນ, ປາ, ຖົ່ວ, ເຂົ້າ, ເຄື່ອງໃນສັດ, ມັນຝຣັ່ງ, ທັນຍາພືດ, ນໍ້ານົມ, ໄຂ່,

ຜັກ ແລະ ໝາກໄມ້.

  1. ວິຕາມິນ ເອ (Vitamin A) ເປັນສານຕ້ານອະນຸມູນອິດ

ສະຫຼະ ຊຶ່ງຈະຊ່ວຍປ້ອງກັນການເສື່ອມອາຍຸຂອງຜິວໜັງໃຫ້ຊ້າລົງ,

ສ້ອມແຊມຜິວໜັງທີ່ເສຍໄປ, ນອກຈາກນີ້ຍັງຊ່ວຍປ້ອງກັນພະຍາດ

ມະເຮັງ ຊຶ່ງສານດັ່ງກ່າວມີຢູ່ໃນແຫຼ່ງອາຫານປະເພດ: ໄຂ່, ນົມ, ເນີຍ,

ປາແຊວມ້ອນ, ຜັກໃບຂຽວເຊັ່ນ: ບຣ໊ອກໂຄລີ (ກະລໍ່າປີດອກສີຂຽວ),

ໝາກຫຸ່ງ, ໝາກແຕງແຄນຕາລຸບ, ໝາກເຫຼ່ນ ແລະ ໝາກອຶ.

  1. ວິຕາມິນ ບີ (Vitamin B) ເປັນສານຊ່ວຍຜະລິດພະລັງ

ງານພາຍໃນຈຸລັງຮ່າງກາຍເຊັ່ນ: ວິຕາມິນ B2 ຊ່ວຍສ້ອມແຊມສ່ວນ

ທີ່ເສື່ອມໂຊມ, ວິຕາມິນ B3 ຊ່ວຍກະຕຸ້ນການໄຫຼວຽນຂອງເລືອດ, ວິ

ຕາມິນ B12 ຊ່ວຍໃນການແບ່ງຈຸລັງ, ວິຕາມິນ B9 ຊ່ວຍໃນການແບ່ງ

ແລະ ຂະຫຍາຍໂຕຂອງຈຸລັງ. ນອກຈາກນີ້ ກົດໂຟລິກຍັງຊ່ວຍໃນ

ການສ້າງເມັດເລືອດແດງ ແຫຼ່ງອາຫານທີ່ພົບຫຼາຍທີ່ສຸດຄື: ບຣ໊ອກ

ໂຄລີ, ມັນຝຣັ່ງ, ເຫັດ, ຫົວກາລົດ, ໝາກເຫຼ່ນ, ກະລໍ່າປີ, ຜັກຂົມ, ກ້ວຍ,

ແອບເປີ້ນ, ໝາກເຂືອ, ຜັກໃນກຸ່ມທີ່ມີລົດຊາດສົ້ມ, ໄຂ່, ຊີ້ນໄກ່, ຊີ້ນ

ປາແຊວມ້ອນ ແລະ ປາທູ.

  1. ວິຕາມິນ ຊີ (Vitamin C) ເປັນສານອາຫານສໍາຄັນທີ່

ຊ່ວຍໃນການສັງເຄາະ ແລະ ຊ່ວຍກະຕຸ້ນການສ້າງຄໍລາເຈນ, ຊ່ວຍ

ຕ້ານອະນຸມູນອິດສະຫຼະ ຊຶ່ງຊ່ວຍຫຼຸດຜ່ອນການເສື່ອມສະພາບຂອງຈຸ

ລັງ ແລະ ຊ່ວຍຕ້ານການເກີດຮອຍແຫ່ວແຫ້ງເທິງຜິວໜັງໄດ້ຢ່າງມີ

ປະສິດທິພາບ.

      ການໃສ່ໃຈໃນເລື່ອງເລັກໆນ້ອຍໆແຕ່ສະໝໍ່າສະເໝີ ຖືວ່າ

ເປັນເຄັດລັບຄວາມງາມທີ່ເວົ້າງ່າຍແຕ່ເຮັດຍາກ ແຕ່ເຊື່ອວ່າ ຖ້າເຮົາ

ມີຄວາມຕັ້ງໃຈ ກໍສາມາດສ້າງສັນຕົນເອງໃຫ້ສວຍງາມເບິ່ງຄືອ່ອນ

ກວ່າໄວໄດ້ໂດຍບໍ່ຕ້ອງເພິ່ງການສັນຍະກໍາ.

                                                                                           ສັງລວມໂດຍ: ແອລາຍ

                                                                            ຂໍ້ມູນຈາກ: www.sanook.com/women

82

ຄໍລຳສວຍໆງາມໆ ໜັງສືພິມແມ່ ຍິງລາວສະບັບນີ້ ມີເຄັດລັບດີໆໃນການແກ້ ໄຂບັນຫາຫົວເຂົ່າດໍາ, ສອກດຳ ມາຝາກ ເຮົາມາເບິ່ງສ່ວນປະກອບ ແລະ ວິທີເຮັດ ນຳກັນເລີຍ.

      - ສ່ວນປະກອບມີ:

- ນ້ໍາເຜິ້ງ 2 ບ່ວງແກງ

- ນ້ໍາມັນໝາກກອກ 1 ບ່ວງກາເຟ

- ນ້ໍາໝາກນາວເຄິ່ງໜ່ວຍ

- ຜົງໂສດາໄຟ (ສໍາລັບໃຊ້ທາຜິວ) 1 ບ່ວງ ກາເຟ

      - ວິທີເຮັດ:

      ນຳສ່ວນປະກອບທັງໝົດມາປະສົມໃຫ້ເປັນເນື້ອດຽວກັນ ຈາກນັ້ນກໍນຳມາ ທາໃສ່ຂໍ້ສອກ, ຫົວເຂົ່າແລ້ວຊອກຜ້າບາງໆ ອາດຈະເປັນຜ້າມຸ້ງ, ຜ້າຝ້າຍບາງໆມາພັນ ທັບປົກໄວ້.

      ສູດນີ້ແມ່ນເຮັດກ່ອນນອນຈະດີທີ່ສຸດ ເພາະຕ້ອງໄດ້ປະໄວ້ຈົນຮອດຂ້າມຄືນ ເມື່ອຕື່ນເຊົ້າມາກໍໃຫ້ລ້າງອອກດ້ວຍນ້ຳອຸ່ນ ຈາກນັ້ນ ກໍເຊັດໃຫ້ແຫ້ງແລ້ວກໍທາໂລຊັ່ນບໍາລຸງຜິວທີ່ເຮົາໃຊ້ເປັນປົກກະຕິ ເຮັດແບບນີ້ຕິດຕໍ່ກັນເປັນເວລາ 10 ມື້ ຮັບຮອງ ວ່າ ຄວາມດ້ານດຳຂອງແຂນສອກ ແລະຫົວເຂົ່າຈະຈາງລົງຈົນສັງເກດໄດ້ແນ່ອນ.

                                                                                                                                                                                                                         ຂໍ້ມູນຈາກ: https://www.wongnai.com

                                                                                                                                                                                                                                                                    ໂດຍ ແອລາຍ

65

ການນອນເດິກ ຫຼື ນອນໜ້ອຍ ມີຜົນເສຍຫຼາຍຢ່າງຈົນເຮັດໃຫ້ເຮົາຄາດບໍ່ເຖິງ, ບາງຄົນອາດຈະບໍ່ສັງເກດເຫັນຄວາມແຕກ

ຕ່າງ ແລະ ເຫັນແກ່ຄວາມສຸກສະໜຸກສະໜານໃນການໃຊ້ເວລາມ່ວນຊື່ນກັບໝູ່ເພື່ອນໃນຍາມກາງຄືນຈົນລືມຄວາມສໍາຄັນຂອງສຸຂະ

ພາບຜິວ. ແຕ່ຄວາມຈິງແລ້ວ ສິ່ງທີ່ເຮົາກໍາລັງເຮັດຢູ່ນີ້ ມັນເປັນບັນຫາທີ່ສະສົມຫຼາຍຂຶ້ນເລື້ອຍໆ ແລະ ສຸດທ້າຍ ເຖິງເຮົາຈະກັບມາ

ແກ້ໄຂ ກໍສວາຍເກີນໄປແລ້ວ.

       ການນອນເດິກຈະເຮັດໃຫ້ຜິວໜ້າຂາດຄວາມຊຸ່ມຊື່ນ, ໜ້າແຫ່ວ ເຮັດໃຫ້ເບິ່ງຄືເຖົ້າກ່ອນໄວ, ເຮັດໃຫ້ຮ່າງກາຍບໍ່ສາມາດ

ຟື້ນຟູສະພາບຜິວໃຫ້ກັບມາສົມບູນ ແລະ ເປັນສາເຫດໃຫ້ເກີດຈຸດດ່າງດໍາ, ເກີດຮອຍເລິກ, ຜິວແຫ້ງ, ຜິວຄໍ້າບໍ່ສົດໃສ, ນອກຈາກນີ້, ຜູ້

ທີ່ມັກນອນເດິກຍັງເປັນສິວໄດ້ງ່າຍ ເພາະມີສິ່ງທີ່ເປັນເຊື້ອແບັດທີເຣຍເກີດຂຶ້ນໃນຜິວໜັງ, ຮ່າງກາຍມີພູມຕ້ານທານໜ້ອຍ ເຮັດໃຫ້ເຈັບ

ເປັນໄດ້ງ່າຍ, ສຸຂະພາບຊຸດໂຊມ, ໃບໜ້າບໍ່ສົດໃສ.

       ສະນັ້ນ ຄວນນອນແບບໃດຈຶ່ງຈະດີ? ວາລະສານ ສາວລາວŽ ສະບັບນີ້ຂໍແນະນໍາກ່ຽວກັບການນອນ ມານຳສະເໜີບັນດາ

ສາວໆດັ່ງນີ້:

  1. ນອນໃຫ້ຄົບ 8 ຊົ່ວໂມງຕໍ່ມື້

       2.ນອນບ່ອນທີ່ບໍ່ມີສຽງລົບກວນ ແລະ ບໍ່ຄວນມີແສງໄຟຈະດີທີ່ສຸດ ເພາະສຽງດັງ ແລະ ແສງສະຫວ່າງຈາກດອກໄຟ ຈະ

ເຮັດໃຫ້ນອນບໍ່ຫຼັບດີ.

  1. ນອນໃຫ້ຖືກເວລາ ເຖິງວ່າເຮົາຈະມີວຽກຫຼາຍ ແຕ່ຖ້ານອນໃຫ້ຖືກເວລາຢ່າງເປັນປົກກະຕິຮ່າງກາຍກໍຈະສາມາດປັບຕົວໄດ້.

       ວິທີແກ້ໄຂສໍາລັບຜູ້ທີ່ຜິວໜ້າເສື່ອມໂຊມຈາກການນອນເດິກ.

       1.ຊອຍໝາກແຕງເປັນປ່ຽງບາງໆ ແລ້ວນໍາມາແປະໄວ້ທົ່ວໃບໜ້າກ່ອນນອນ ຫຼື ເວລາທີ່ທ່ານຮູ້ສຶກອິດເມື່ອຍ ຈະຊ່ວຍໃຫ້ຜິວ

ທີ່ຂາດຄວາມຊຸ່ມຊື່ນໄດ້ຮັບນໍ້າຫຼາຍຂຶ້ນເປັນການຕື່ມນໍ້າໃຫ້ແກ່ຜິວໜ້າເຮັດໃຫ້ຜິວໜັງສົດໃສຂຶ້ນ.

       2.ເອົາແຜ່ນພອກໜ້າທີ່ເໝາະສົມກັບສະພາບຜິວຂອງທ່ານໄວ້ໃນຕູ້ເຢັນ. ກ່ອນຈະນອນໃຫ້ທ່ານນໍາແຜ່ນພອກມາແປະໄວ້

ເທິງໃບໜ້າ, ຄວາມເຢັນ ແລະ ສານບໍາລຸງທີ່ມີຢູ່ໃນແຜ່ນພອກໜ້າ ຈະສາມາດຊ່ວຍໃຫ້ໃບໜ້າຂອງເຮົາສົດຊື່ນ ແລະ ສົດໃສຫຼາຍຂຶ້ນ.

  1. ນໍາເອົານົມສົ້ມ (ໂຍເກິດ) ເຢັນໆມາພອກໜ້າໄວ້ ຈະຊ່ວຍຕື່ມນໍ້າ ແລະ ສານບໍາລຸງໃຫ້ຜິວໜ້າໄດ້ເຊັ່ນດຽວກັນ.
  2. ດື່ມນໍ້າຫຼາຍໆ ຢ່າໃຫ້ຜິວຂາດນໍ້າ ຢ່າງໜ້ອຍຄວນດື່ມນໍ້າມື້ລະ 8 ຈອກ.

       ເຖິງຢ່າງໃດກໍຕາມ ການແກ້ໄຂບັນຫານີ້ ດີທີ່ສຸດແມ່ນຄວນນອນຫຼັບພັກຜ່ອນໃຫ້ພຽງພໍ ເຖິງວ່າເຮົາຈະບໍ່ຮູ້ສຶກວ່າຮ່າງກາຍປ່ຽນ

ແປງບ່ອນໃດແດ່ ແຕ່ເມື່ອອາຍຸຫຼາຍຂຶ້ນ ສິ່ງທີ່ເຮົາເຮັດຢູ່ທຸກມື້ນີ້ອາດຈະເປັນສິ່ງທໍາຮ້າຍຕົວເຮົາໄດ້ຢ່າງບໍ່ຄາດຄິດ. ສະນັ້ນ, ເຮົາຄວນ

ຫັນມາດູແລໃສ່ໃຈ ແລະ ຫ່ວງໃຍຕໍ່ສຸຂະພາບຂອງເຮົາເອງ ດ້ວຍການນອນຫຼັບພັກຜ່ອນໃຫ້ພຽງພໍກັນດີກວ່າ.

       ຮຽບຮຽງ: ຈັນເພັງ

ແຫຼ່ງຂໍ້ມູນ: http://www.lady108.com