ລາຍລະອຽດ

ຂຽນໂດຍ Super User

ໝວດ: ຊອກຫາມາຝາກ

ເຜີຍແຜ່ເມື່ອ 07 ສິງຫາ 2018

ກົດເບິ່ງ: 360

ປະທານ ໄກສອນ ພົມວິຫານ ອະດີດຜູ້ນຳທີ່ແສນເຄົາລົບຮັກຂອງປວງຊົນລາວຍາມໃດກໍເອົາໃຈໃສ່ຢ່າງຈົດຈໍ່ຕໍ່ການເພີ່ມທະວີບົດບາດ ແລະ ການປ່ຽນແປງແບບແຜນ, ວິທີນໍາພາຂອງພັກປະຊາຊົນປະຕິວັດລາວ ໃນເງື່ອນໄຂທີ່ພັກໄດ້ກໍາອໍານາດ. ຍາມໃດເພິ່ນກໍຖືສໍາຄັນການກໍ່ສ້າງ ແລະ ປັບປຸງພັກທາງດ້ານການເມືອງ-ແນວຄິດ ແລະ ການຈັດຕັ້ງ,ເພີ່ມທະວີການສຶກສາອົບຮົມ, ຝຶກຝົນທົດສອບສະມາຊິກພັກໃຫ້ຮັກ ສາທາດແທ້ຊົນຊັ້ນກໍາມະກອນ ແລະ ທັດສະນະປະຕິວັດຂອງພັກ, ສ້າງພັກໃຫ້ເຕີບໃຫຍ່ທຽມທັນກັບຄວາມຮຽກຮ້ອງຕ້ອງການຂອງໜ້າ ທີ່ການເມືອງໃນແຕ່ລະໄລຍະ. ເພິ່ນໄດ້ເອົາໃຈໃສ່ເປັນປະຈໍາຕໍ່ການປັບປຸງອໍານາດການປົກຄອງປະຕິວັດ, ກໍ່ສ້າງລັດເຮົາກາຍເປັນລັດຂອງປະຊາຊົນ,ໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ ແລະ ເປັນແບບຢ່າງໃນການກໍາຈັດແກ້ໄຂ

ພະຍາດອາດຍາສິດ ແລະ ປາກົດການຫຍໍ້ທໍ້ຕ່າງໆ.

      ອຸດົມຄະຕິ ແລະ ການອຸທິດຂອງປະທານ ໄກສອນ ພົມວິຫານ ຍາມໃດກໍຕິດພັນສະໜິດແໜ້ນກັບການເຄື່ອນໄຫວນໍາພາຂອງພັກເຮົາ ພວກເຮົາຈົ່ງສືບຕໍ່ເພີ່ມພູນຄູນສ້າງມໍລະດົກອັນລໍ້າຄ່າທີ່ປະທານ ໄກສອນ ພົມວິຫານ ໄດ້ສ້າງໄວ້, ເຮັດໃຫ້ອຸດົມຄະຕິ

ຂອງເພິ່ນຍືນຍົງໃນພາລະກິດປະຕິວັດຂອງທົ່ວພັກ, ທົ່ວກໍາລັງປະກອບອາວຸດ ແລະ ທົ່ວປວງຊົນເຮົາຕະຫຼອດໄປ ພວກເຮົາຄວນໄດ້ເອົາໃຈໃສ່ບາງບັນຫາ ດັ່ງນີ້:

      - ສືບຕໍ່ບັ້ນດໍາເນີນຊີວິດການເມືອງປັບປຸງປົວແປງພັກໃຫ້ເລິກເຊິ່ງໜັກແໜ້ນໃນທຸກດ້ານ;ຄະນະພັກທຸກຂັ້ນຄວນໄດ້ເພີ່ມທະວີວຽກງານ ກໍ່ສ້າງພັກໃຫ້ມີຄວາມເຂັ້ມແຂງເພື່ອດໍາລົງບົດບາດເປັນການນໍາໃນລະບົບການເມືອງປະຊາທິປະໄຕປະຊາຊົນໄດ້ຢ່າງໜັກແໜ້ນ, ໃນນັ້ນ ອັນສໍາຄັນກວ່າໝູ່ແມ່ນການເພີ່ມທະວີຄວາມສາມັກຄີເປັນເອກະພາບພາຍໃນພັກ ເຊິ່ງປະທານ ໄກສອນ ພົມວິຫານໄດ້ເອົາໃຈໃສ່ ຢ່າງຈົດຈໍ່ຕະຫຼອດມາໃນຖານະເປັນເລຂາທິການໃຫຍ່ຕັ້ງແຕ່ມື້ກໍ່ຕັ້ງພັກຈົນເຖິງບັ້ນທ້າຍຂອງຊີວິດ.

      - ຄະນະນໍາແຕ່ລະຂັ້ນຄວນເປັນເຈົ້າການໃນການໝູນໃຊ້ແນວຄິດ ປະທານ ໄກສອນ  ພົມວິຫານ ເຂົ້າໃນການຊີ້ນໍາ-ນໍາພາຂອງຕົນ ແລະ ຄວນເພີ່ມທະວີຄວາມຮັບຜິດຊອບໃຫ້ສູງຂຶ້ນໃນການປັບປຸງແບບແຜນວິທີນໍາພາໃຫ້ສົມຄູ່ກັບເງື່ອນໄຂໃໝ່ແຫ່ງການນໍາໃຊ້

ກົນໄກເສດຖະກິດຕະຫຼາດ ແລະ ເປີດກວ້າງການພົວພັນຮ່ວມມືກັບພາຍນອກ, ຄວນຍຶດໝັ້ນໃນຫຼັກການຈັດຕັ້ງ ແລະການເຄື່ອນໄຫວນໍາພາຂອງພັກ, ມີສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ. ພ້ອມນັ້ນ ກໍຄວນຈໍາກັດແກ້ໄຂບັນດາປາກົດການຫຍໍ້ທໍ້ຕ່າງໆພາຍໃນພັກ, ໃນກົງຈັກຂອງລັດ ແລະໃນສັງຄົມໃຫ້ໝົດໄປ. ສະມາຊິກພັກ, ພະນັກງານ

ແລະ ນັກຮົບຄວນເປັນແບບຢ່າງໃນການປະຕິບັດໜ້າທີ່ຮັບໃຊ້ຊາດຮັບໃຊ້ປະຊາຊົນດ້ວຍຄວາມບໍລິສຸດຊື່ສັດ.

      - ໃນສະເພາະໜ້ານີ້ ຄວນໄດ້ເພີ່ມທະວີຄວາມເອົາໃຈໃສ່ຕໍ່ການຮັບປະກັນສະຖຽນລະພາບ ແລະ ຄວາມສະຫງົບປອດໄພໃນສັງຄົມ, ສ້າງສະພາບແວດລ້ອມເອື້ອອໍານວຍສໍາລັບການສ້າງສາພັດທະນາປະເທດຊາດ ແລະ ການທໍາມາຫາກິນຂອງປະຊາຊົນ;

ປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຢ່າງຕັ້ງໜ້າ. ຄະນະພັກ ແລະ ອົງການປົກຄອງທຸກຂັ້ນ, ບັນດາກົມກອງຂອງກໍາລັງປ້ອງກັນຊາດ-ປ້ອງກັນຄວາມສະຫງົບຢູ່ທຸກບ່ອນ ຄວນປະຕິບັດໄດ້ແນວຄິດຊີ້ນໍາຂອງປະທານ ໄກສອນ ພົມວິຫານ ທີ່ວ່າ: ສ້າງກໍາລັງປະກອບອາວຸດຂອງປະຊາຊົນ, ຊື່ສັດຕໍ່ຊາດ ແລະ ຮັບໃຊ້ປະຊາຊົນດ້ວຍຄວາມບໍລິສຸດໃຈ,ຄວນເປັນເຈົ້າການ ໃນການປຸກລະດົມຂົນຂວາຍປະຊາຊົນ, ກໍ່ສ້າງຮາກຖານການເມືອງ ແລະ ຮັບປະກັນສະຖຽນລະພາບ ແລະ ຄວາມສະຫງົບປອດໄພໃນຂອບ ເຂດທົ່ວປະເທດ.

      - ໃນເງື່ອນໄຂທີ່ທົ່ວປະເທດມີສະຖຽນລະພາບ ແລະ ຄວາມສະຫງົບ ພວກ ເຮົາຄວນພັດທະນາເສດຖະກິດ-ສັງຄົມໃຫ້ມີຈັງຫວະການ ຂະຫຍາຍຕົວຕໍ່ເນື່ອງ ແລະ ເສີມຂະຫຍາຍຈິນຕະນາການ ແລະ ແຜນນະໂຍບາຍໃໝ່ທາງດ້ານເສດຖະກິດທີ່ປະທານ ໄກສອນ ພົມວິຫານ ໄດ້ລິເລີ່ມວາງອອກໃນແນວທາງປ່ຽນແປງໃໝ່ຂອງພັກເຮົາ. ພວກເຮົາຄວນອອກແຮງປະຕິບັດບັນດາຄາດໝາຍ

ສູ້ຊົນໃຫ້ປາກົດຜົນເປັນຈິງ, ສ້າງຜົນສໍາເລັດໃໝ່ໃຫຍ່ຫຼວງກວ່າເກົ່າໃນການພັດທະນາເສດຖະກິດ-ສັງຄົມເພື່ອເປັນເງື່ອນໄຂຮັບປະ ກັນສະຖຽນລະພາບ ແລະ ຄວາມສະຫງົບອັນໜັກແໜ້ນ, ປັບປຸງ ແລະ ຍົກລະດັບຊີວິດການເປັນຢູ່ຂອງປະຊາຊົນ, ພະນັກງານ, ທະຫານ, ຕໍາ

ຫຼວດໃຫ້ດີຂຶ້ນກວ່າເກົ່າ. ຄວນສຸມໃສ່ສ້າງພື້ນຂອງເສດຖະກິດແຫ່ງຊາດ ໃຫ້ມີຄວາມແຂງແກ່ນເປັນກ້າວໆດ້ວຍການພັດທະນາ ຂະແໜງການທີ່ເປັນທ່າແຮງ ແລະ ສົ່ງເສີມການຜະລິດສິນຄ້າຂອງຄອບຄົວປະຊາຊົນຢ່າງຕັ້ງໜ້າ, ເພີ່ມຄວາມສາມາດແຂ່ງຂັນທາງດ້ານ

ເສດຖະກິດໃຫ້ສູງຂຶ້ນ ເພື່ອເຊື່ອມເຂົ້າກັບເສດຖະກິດຂອງພາກພື້ນອາຊີອາຄະເນ ແລະ ຂອງໂລກຢ່າງມີປະສິດທິພາບ.

      - ພັກ ແລະ ລັດເຮົາສືບຕໍ່ປະຕິບັດແນວທາງການຕ່າງປະເທດສັນຕິພາບ, ມິດຕະພາບ ແລະ ຮ່ວມມືກັບນາໆປະເທດ; ຍຶດໝັ້ນໃນຫຼັກ ການແຫ່ງການຢູ່ຮ່ວມກັນໂດຍສັນຕິ ແລະ ຮ່ວມມືກັນຕ່າງຝ່າຍຕ່າງມີຜົນປະໂຫຍດ, ສືບຕໍ່ການພົວພັນມິດຕະພາບ ແລະ

ເປີດກວ້າງການຮ່ວມມືກັບບັນດາປະເທດເພື່ອນບ້ານໃກ້ຄຽງ, ເຂົ້າຮ່ວມຢ່າງເປັນເຈົ້າການໃນວຽກຂອງອາຊຽນ ແລະ ການຈັດຕັ້ງສາກົນຕ່າງໆ ທີ່ ສປປ ລາວ ເປັນສະມາຊິກ;ພົວພັນສະໜິດແໜ້ນກັບບັນດາປະເທດເພື່ອນມິດຍຸດທະສາດສັງຄົມນິຍົມ, ໃນນັ້ນ ເພີ່ມທະວີສາຍພົວພັນມິດຕະພາບ ແລະ ຄວາມສາມັກຄີພິເສດກັບພັກ, ລັດ ແລະ ປະຊາຊົນຫວຽດນາມ, ສາຍພົວພັນມິດຕະພາບ ແລະ ການຮ່ວມມືຮອບດ້ານກັບພັກ, ລັດ ແລະ ປະຊາຊົນຈີນ ຕາມທີ່ປະທານ ໄກສອນ ພົມວິຫານ ໄດ້ວາງໄວ້ ແລະ ໄດ້ເຄື່ອນໄຫວ ແລະປະຕິ

ບັດໂດຍເພິ່ນເອງຢ່າງສະເໝີຕົ້ນສະເໝີປາຍຕະຫຼອດມາ.

      ເພາະສະນັ້ນ, ເພື່ອນຳພາ ພາລະກິດພັດທະນາປະເທດຊາດ ຕາມທິດຍືນຍົງໃນຊຸມປີຕໍ່ໜ້າ ຄະນະພັກແຕ່ລະຂັ້ນຕ້ອງໄດ້ຍົກສູງ ຄວາມສາມາດນຳພາ ແລະ ລັກສະນະນຳໜ້າຂອງພັກເຮົາ ເປັນປັດໄຈຕັດສິນການພັດທະນາທີ່ຍືນຍົງມີແຕ່ເຮັດໄດ້ຄືແນວນັ້ນ

ພັກຈຶ່ງຈະມີຄວາມປອດໃສ, ເຂັ້ມແຂງ ແລະ ໜັກແໜ້ນ, ມີຄວາມສາມາດກຳອຳນາດໄດ້ຢ່າງໝັ້ນຄົງຍາວນານ.

                                                                                                                                                         ໂດຍ: ອ່ອນຈັນ ສຸວັນນະແສງ

ລາຍລະອຽດ

ຂຽນໂດຍ Super User

ໝວດ: ຊອກຫາມາຝາກ

ເຜີຍແຜ່ເມື່ອ 06 ກໍລະກົດ 2018

ກົດເບິ່ງ: 247

ທຸກຄົນເກີດມາຍ່ອມມີຄວາມປາຖະໜາຢາກມີຊີວິດການເປັນຢູ່ທີ່ດີ ແລະ ກ້າວໄປເຖິງຄວາມຮັ່ງມີເປັນເສດຖີລໍ້າລວຍ ດັ່ງນັ້ນ, ທຸກຄົນຈຶ່ງພ້ອມກັນດີ້ນຮົນຊອກທໍາມາຫາກິນ, ຫາເງິນ, ຫາຄໍາ ດ້ວຍຫຼາຍສາຂາອາຊີບ ແລະ ວິຖີການດໍາລົງຊີວິດຕາມຄວາມສາມາດ,

ພອນສະຫວັນ, ທ່າແຮງຂອງໃຜລາວ ແຕ່ບາງຄົນກໍປະສົບຜົນສໍາເລັດ, ບາງຄົນກໍພຽງແຕ່ກຸ້ມຢູ່ ກຸ້ມກິນເທົ່ານັ້ນ ແລະ ບາງຄົນກໍອາດ ບໍ່ປະສົບຜົນສໍາເລັດໄດ້ ຊຶ່ງອາດມີຫຼາຍສາເຫດທີ່ເຮັດ ໃຫ້ບໍ່ປະສົບຜົນສໍາເລັດ. ສະນັ້ນ ວາລະສານສາວລາວສະບັບນີ້ ຈຶ່ງໄດສັງລວມເອົາ

ບາງບົດຮຽນຂອງເສດຖີຫຼາຍທ່ານທີ່ປະສົບຜົນສໍາເລັດດ້ວຍການບຸກບືນສ້າງເນື້ອສ້າງໂຕດ້ວຍຕົນເອງມາແລກປ່ຽນ ດັ່ງນີ້:

1. ອອກກໍາລັງກາຍເປັນປະຈໍາ: ຊຶ່ງການອອກກໍາລັງກາຍຢ່າງສະໝໍ່າສະເໝີໃນແຕ່ລະມື້ ເປັນປັດໄຈໜຶ່ງທີ່ເຮັັດໃຫ້ຄົນປະສົບຜົນສໍາເລັດໄດ້ ເພາະວ່າການອອກກໍາລັງກາຍນອກຈາກຊ່ວຍເຮັດໃຫ້ສຸຂະພາບແຂງແຮງ ແລ້ວຍັງມີຜົນດີຕໍ່ສະໝອງນໍາອີກ ຊຶ່ງຈະຊ່ວຍ

ກະຕຸ້ນໃຫ້ຮ່າງກາຍສ້າງຈຸລັງສະໝອງຫຼາຍຂຶ້ນ ເຮັດໃຫ້ສະໝອງເຮັດວຽກ ໄດ້ເຕັມປະສິດທິພາບ. ເພາະວ່າການສ້າງເສດຖະກິດດ້ວຍຄວາມ ດຸໝັ່ນຂະຫຍັນພຽນຢ່າງດຽວຄົງບໍ່ພຽງພໍ ຕ້ອງມີຫົວຄິດປະດິດສ້າງດ້ວຍມັນສະໝອງອີກ. ສະນັ້ນ, ຄວນເອົາໃຈໃສ່ຮັກສາສຸຂະພາບ

ແລະ ມັນສະໝອງໃຫ້ດີ ແນ່ນອນວ່າ ຖ້າສະໝອງດີການປະຕິບັດວຽກງານຍ່ອມມີປະສິດທິພາບສູງ.

2. ຮັກການອ່ານ: ເພາະວ່າການອ່ານປຶ້ມ ແລະ ເອກະສານຕ່າງໆ ເປັນການສຶກສາຮຽນຮູ້ທີ່ບໍ່ມີມື້ສິ້ນສຸດ ຊຶ່ງ 80% ຂອງນັກທຸລະກິດທີ່ປະສົບຜົນສໍາເລັດແມ່ນມີຄວາມມັກຮັກການອ່ານໃນມື້ໜຶ່ງພວກເຂົາຈະໃຊ້ເວລາໃນການອ່ານຢ່າງໜ້ອຍ 30 ນາທີ ເພື່ອຊອກຮຽນຮູ້ ແລະ ນໍາມາພັດທະນາຕົນເອງ; ປຶ້ມ ແລະ ເອກະສານທີ່ກຸ່ມຄົນເຫຼົ່ານີ້ມັກອ່ານສ່ວນຫຼາຍ ແມ່ນກ່ຽວກັບປະຫວັດ, ບົດຮຽນຂອງຄົນທີ່ປະສົບຜົນສໍາເລັດ, ການພັດທະນາຕົນເອງຈົນກາຍເປັນນັັກທຸລະກິດ ແລະ ປຶ້ມປະຫວັດສາດ.

3. ຕື່ນແຕ່ເຊົ້າ: ສ່ວນຫຼາຍແມ່ນເພິ່ນນໍາໃຊ້ຄໍາສຸພາສິດທີ່ວ່າ ນົກທີ່ຕື່ນເຊົ້າ ຫາໜອນໄດ້ກ່ອນŽ ມັນຍັງໃຊ້ໄດ້ກັບທຸກຍຸກທຸກສະໄໝ. ນັກທຸລະກິດທີ່ປະສົບຜົນສໍາເລັດດ້ວຍຕົນເອງຖືເອົາເປັນຄະຕິເຕືອນໃຈ ຊຶ່ງພວກເຂົາຈະຕື່ນເຊົ້າ ໂດຍສະເລ່ຍແລ້ວ ເກືອບ 50%

ຂອງນັກທຸລະກິດທີ່ປະສົບຜົນສໍາເລັດດ້ວຍຕົນເອງມັກຈະຕື່ນນອນກ່ອນເວລາເຮັດວຽກ.

4. ຄິດບວກ: ຄວາມສໍາເລັດໃນໄລຍະຍາວນັ້ນບໍ່ໄດ້ເກີດຂຶ້ນຈາກການເຮັດວຽກໜັກພຽງຢ່າງດຽວ ແຕ່ແນວຄິດຕ້ອງຄິດໃນແງ່ບວກ ເພາະຄົນທີ່ປະສົບຜົນສໍາເລັດດ້ານທຸລະກິດຈົນກາຍເປັນເສດຖີ ສ່ວນຫຼາຍລ້ວນແຕ່ເປັນຄົນທີ່ຄິດໃນແງ່ບວກ ເພາະວ່າ ຄວາມ

ຄິດໃນແງ່ບວກສາມາດກະຕຸ້ນໃຫ້ຄົນເຮົາກ້າວໄປສູ່ຄວາມສໍາເລັດໄດ້ດີກວ່າ.

5. ມີຄວາມສາມັກຄີຊ່ວຍເຫຼືອໝູ່ເພື່ອນ ຫຼື ຄົນອື່ນໆໃຫ້ປະສົບຜົນສໍາເລັດໄປພ້ອມໆກັນ: ເພາະວ່ານັກທຸລະກິດສ່ວນຫຼາຍບໍ່ມີໃຜສາມາດປະສົບຜົນສໍາເລັດໄດ້ຄົນດຽວແຕ່ຕ້ອງໄດ້ພົວພັນແລກປ່ຽນບົດຮຽນກັບໝູ່ເພື່ອນ ຫຼື ກຸ່ມຄົນທີ່ມີຄວາມມຸ່ງໝັ້ນ, ມີຜົນສໍາເລັດ, ມີປະສົບການ ໃນດ້ານເສດຖະກິດຊ່ວຍອຸປະຖໍາ ແລະ ໃຫ້ຄໍາປຶກສາ ເພາະຄົນ

ທີ່ມີເປົ້າໝາຍຄວາມສໍາເລັດຄືໆກັນຈະຊ່ວຍຊຸກດັນໃຫ້ທີມໄປສູ່ຄວາມສໍາເລັດໄດ້ ດີກວ່າການເຮັດພຽງຄົນດຽວ.

6. ວາງຕົວໃຫ້ເໝາະສົມ ແລະ ມີກິລິຍາມາລະຍາດດີ, ແຕ່ງຕົວໃຫ້ຖືກກັບກາລະເທສະ: ລວມທັງມາລະຍາດໃນໂຕະອາຫານ ເພາະວ່າການວາງຕົວທີ່ເໝາະສົມ ແລະ ມີມາລະຍາດທີ່ດີໃນສັງຄົມ ເປັນໜຶ່ງໃນກຸນແຈສູ່ຄວາມສໍາເລັດ. ການວາງຕົວຢ່າງເໝາະສົມ

ໃນສັງຄົມຈະເຮັດໃຫ້ຄົນອື່ນເບິ່ງເຮົາໃນແງ່ບວກ ແລະ ມີຄວາມຍິນດີໃຫ້ການຊ່ວຍເຫຼືອໃນເວລາຕ້ອງການ. ອີກມາລະຍາດໜຶ່ງທີ່ນັກທຸລະກິດປະຕິບັດ ກໍ່ຄືການສົ່ງບັດອວຍພອນຫຼື ການສະແດງຄວາມຍິນດີດ້ວຍຄວາມຈິງໃຈໃນໂອກາດວັນສໍາຄັນຕ່າງໆ.

7. ໃຊ້ເວລາ 15-30 ນາທີຕໍໍ່ມື້ເພື່ອຄົ້ນຄິດເຖິງເລື່ອງຕ່າງໆ: ເພາະການຄິດເປັນອີກກຸນແຈທີ່ນໍາໄປສູ່ຄວາມສໍາເລັດ ດັ່ງນັ້ນ ຄົນທີ່ປະສົບຜົນສໍາເລັດຈຶ່ງໃຫ້ຄວາມສໍາຄັນໃນການຄົ້ນຄິດ ໂດຍສະເພາະຍາມເຊົ້າ ບໍ່ວ່າຈະຄິດເຖິງການດໍາເນີນທຸລະກິດ, ສຸຂະພາບ,

ການເງິນ ຫຼື ການບໍລິຈາກ ຈະຊ່ວຍເຮັດໃຫ້ການຈັດວາງວຽກງານໄດ້ຢ່າງມີປະສິດທິພາບ.

8. ຮັບຟັງຄໍາຄິດຄໍາເຫັນ, ຂໍ້ສະເໜີ ທີ່ໄດ້ຮັບຈາກການດໍາເນີນທຸລະກິດ: ສິ່ງດັ່ງກ່າວ ເປັນສິ່ງທີ່ຜູ້ປະສົບຜົນສໍາເລັດຕ້ອງການ ເພື່ອໃຫ້ຕົນເອງຮູ້ວ່າສິ່ງທີ່ຕົນເອງກໍາລັງປະຕິບັດຢູ່ນັ້ນໄປໃນທາງທີ່ຖືກຕ້ອງແລ້ວຫຼືບ່ໍ ດັ່ງນັ້ນ ຄົນກຸ່ມນີ້ຍ່ອມເປັນຜູ້ທີ່ຮັບຟັງຄໍາຄິດ

ເຫັນຂອງຄົນອື່ນສະເໝີ.

9. ໃຊ້ເວລາທຸກນາທີໃຫ້ມີປະໂຫຍດ ແລະ ຄຸ້ມຄ່າ ບໍ່ໃສ່ໃຈໃນສິ່ງທີ່ເຮັດໃຫ້ເສຍເວລາເດັດຂາດ: ນັກທຸລະກິດສ່ວນຫຼາຍຈະໄຈ້ແຍກບັນຫາທີ່ມີປະໂຫຍດ ແລະ ໃຊ້ເວລາຢ່າງມີຄຸນຄ່າ ຈະບໍ່ໃຊ້ເວລາກັບເລື່ອງເລັກໆນ້ອຍໆໃຫ້ເສຍໄປລ້າໆ.

10. ມີແນວຄິດກ້າຫານ, ກ້າເຮັດ, ກ້າຮັບຜິດຊອບ: ແນ່ນອນວ່າການດໍາເນີນທຸລະກິດນັ້ນ ມັນມີຄວາມສ່ຽງ ລົ້ມລຸກຄຸກຄານ ທີ່ອາດຈະເກີດຂຶ້ນໄດ້ ແຕ່ນັກທຸລະກິດທີ່ປະສົບຜົນສໍາເລັດສ່ວນຫຼາຍເປັນຄົນທີ່ບໍ່ຢ້ານກັບບັນຫາທີ່ອາດຈະເກີດຂຶ້ນນັ້ນ ພວກເຂົາ

ເຊື່ອວ່າ ບັນຫາທີ່ເກີດຂຶ້ນນັ້ນມີໂອກາດທີ່ເຮັດໃຫ້ພວກເຂົາໄດ້ແກ້ໄຂ ແລະ ໄດ້ບົດຮຽນໃໝ່ທີ່ເປັນຄະຕິເຕືອນໃຈ ແລະ ເຮັດໃຫ້ເຂົາເຈົ້າໄດ້ເຕີບໃຫຍ່ຂະຫຍາຍຕົວຂຶ້ນ.

                                                                                                                                                                        ໂດຍ: ໃບບົວບົກ

ລາຍລະອຽດ

ຂຽນໂດຍ Super User

ໝວດ: ຊອກຫາມາຝາກ

ເຜີຍແຜ່ເມື່ອ 06 ກໍລະກົດ 2018

ກົດເບິ່ງ: 210

ກ້າວເຂົ້າສູ່ຍຸກແຫ່ງການພັດທະນາ 4.0 ເຫັນໄດ້ວ່າເສດຖະກິດສັງຄົມມີການພັດທະນາໄປສູ່ຄວາມຈະເລີນຫຼາຍເທົ່າກວ່າເມື່ອກ່ອນ, ເມື່ອສັງຄົມໄດ້ຮັບການພັດທະນາ ແນ່

ນອນມັນຍ່ອມສົ່ງຜົນກະທົບດ້ານແນວຄິດ ຈິດໃຈ ແລະ ການກະທຳຂອງຄົນຢ່າງຫຼີກເວັ້ນບໍ່ໄດ້. ນັບທັງດ້ານດີ ແລະ ສິ່ງຫຍໍ້ທໍ້ຕາມມາ ຍ້ອນບັນຫາອິດທິພົນຂອງສະພາບແວດ ລ້ອມອ້ອມຂ້າງສົ່ງຜົນກະທົບຕໍ່ແນວຄິດ ແລະ ການກະທຳ ໂດຍສະເພາະໃນຍຸກທີ່ຂໍ້ມູນຂ່າວສານທີ່ໄຮ້ພົມແດນ, ຄົນເຮົາສາມາດຮັບເອົາທັງອັນດີ ແລະ ສິ່ງຫຍໍ້ທໍ້ ແລະ ຄົນຈຳນວນ

ບໍ່ໜ້ອຍກໍ່ຊຶມຊັບເອົາສິ່ງບໍ່ດີ.

      ໃນນີ້ ຂໍຍົກເອົາບັນຫາ ໂດຍສະເພາະການໃຊ້ຄວາມຮຸນແຮງຕໍ່ເດັກນ້ອຍ ຍັງເກີດຂຶ້ນໃຫ້ເຫັນຢູ່ ຊຶ່ງມັນໄດ້ສົ່ງຜົນ ກະທົບໃນແງ່ລົບໂດຍກົງຕໍ່ເຂົາເຈົ້າ, ຄອບຄົວ ແລະ

ການພັດທະນາປະເທດຊາດ ດັ່ງໃນກໍລະນີທີ່ຈະນຳມາແລກປ່ຽນຕໍ່ໄປນີ້ ແມ່ນຂໍຍົກມາຈາກເຟສບຸກທີ່ມີ ຊື່ວ່າ: ຊູມຕາແຊມŽ ໄດ້ເລົ່າເຫດການໜຶ່ງທີ່ເກີດຂຶ້ນ ໃນສັງຄົມປັດຈຸບັນ

ມີເນື້ອໃນວ່າ: ໃນຕອນເຊົ້າຂອງ ວັນທີ 17 ເດືອນ ມີນາ 2018 ເຫດເກີດທີ່ນະຄອນຫຼວງວຽງຈັນ ຂ້ອຍທົນເຫັນພຶດຕິກຳຂອງຊາຍຄົນໜຶ່ງ ທີ່ເປັນພໍ່ ໄດ້ພາລູກຊາຍທີ່ພິການຂາ

ມາຂໍທານຢູ່ແຖວນັ້ນເປັນປະຈຳ ຊຶ່ງຍາມໃດກໍຕີແຕ່ລູກ ບໍ່ແມ່ນແຕ່ເທື່ອດຽວນີ້ ຫຼາຍເທື່ອທີ່ຂ້ອຍເຫັນ, ຊຶ່ງຜູ້ເປັນພໍ່ໄດ້ທຸບຕີລູກ ໂດຍເອົາມືຟາດປາກຈົນເລືອດຍ້ອຍ ຍ້ອນວ່າລູກ

ໄດ້ຈີກເງິນທີ່ຢູ່ໃນໂອນັ້ນ ແລ້ວເອົາເຂົ້າຈໍ້າແຈ່ວໝາກເຜັດຍັດໃສ່ປາກŽ ໃນກໍລະນີທີ່ເກີດຂຶ້ນເຖິງວ່າຈະເກີດຂຶ້ນພາຍໃນຄອບຄົວ ຈະດ້ວຍຄວາມຕັ້ງໃຈ ຫຼື ບໍ່ຕັ້ງໃຈກໍຕາມ ກໍຖືວ່າ

ເປັນການໃຊ້ຄວາມຮຸນແຮງຕໍ່ເດັກນ້ອຍ ໂດຍສະເພາະຜູ້ ເປັນລູກທີ່ຖືກຜົນກະທົບຫຼາຍທີ່ສຸດ ນອກຈາກຈະເປັນການໃຊ້ຄວາມຮຸນແຮງຕໍ່ຮ່າງກາຍແລ້ວ ຍັງເປັນການໃຊ້ຄວາມຮຸນ

ແຮງທາງດ້ານຈິດໃຈຕໍ່ເດັກນ້ອຍນຳອີກ.

      ໃນກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງແລະ ເດັກ ມາດຕາ 2 ລະບຸວ່າ: ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ແມ່ນພຶດ

ຕິກຳທີ່ເຮັດໃຫ້ເກີດ ຫຼື ຈະເຮັດໃຫ້ເກີດອັນຕະລາຍ, ຄວາມເສຍຫາຍຕໍ່ແມ່ຍິງ ແລະ ເດັກທາງດ້ານຮ່າງກາຍ, ຈິດໃຈ, ເພດ, ຊັບສິນ ຫຼື ເສດຖະກິດ. ນອກຈາກນີ້ ໃນມາດຕາ 12 ຍັງ

ໄດ້ກຳນົດຕື່ມອີກວ່າ: ຄວາມຮຸນແຮງຕໍ່ຮ່າງກາຍແມ່ນການກະທຳໂດຍເຈດຕະນາ ເປັນຕົ້ນ ການທາລຸນ, ທໍລະມານ, ຕົບຕີ, ການ ເຕະ, ການຊຸກ, ການຍູ້, ການໂຍນເດັກຖິ້ມຊຶ່ງພາໃຫ້ບາດເຈັບ, ມີຮອຍຊໍ້າ ຫຼື ບາງກໍລະນີອາດຈະບໍ່ເຫັນຮ່ອງຮອຍຂອງການໃຊ້ຄວາມຮຸນແຮງ, ເປັນບ້າ, ເສຍຈິດ, ເສຍອົງຄະ ຫຼື ເສຍຊີວິດ.

      ການໃຊ້ຄວາມຮຸນແຮງທາງດ້ານຮ່າງກາຍ ແລະ ຈິດໃຈບໍ່ສະເພາະຕໍ່ເດັກນ້ອຍເທົ່ານັ້ນ ຖ້າຫາກເກີດຂຶ້ນກັບຜູ້ໃຫຍ່ກໍເຊັ່ນດຽວກັນ ຫຼາຍທ່ານກໍຄົງຈະຮັບບໍ່ໄດ້ ແລະ ບໍ່

ປາຖະໜາຢາກໃຫ້ເກີດຂຶ້ນ, ດັ່ງນັ້ນ ທຸກຄົນໃນສັງຄົມຄວນຊ່ວຍກັນຕ້ານ ແລະ ສະກັດກັ້ນບໍ່ໃຫ້ເກີດຂຶ້ນ ດ້ວຍການປຸກລະດົມ, ສ້າງຄວາມເຂົ້າໃຈ, ນຳເອົາກົດໝາຍທີ່ກ່ຽວຂ້ອງໄປເຜີຍແຜ່ ຫຼື ຍົກຕົວຢ່າງຜົນກະທົບທີ່ອາດຈະເກີດຂຶ້ນຕໍ່ກັບເດັກ ຄອບຄົວ ແລະ ປະເທດຊາດ ໃຫ້ເຂົາເຈົ້າໄດ້ເຂົ້າໃຈ ເພື່ອເປັນການຕ້ານການໃຊ້ຄວາມຮຸນແຮງໃນສັງຄົມລາວໃຫ້ໝົດໄປເທື່ອລະໜ້ອຍ.

                                                                                                                                                                                                                                                       ໂດຍ: ມີນາພອນ

ລາຍລະອຽດ

ຂຽນໂດຍ Super User

ໝວດ: ຊອກຫາມາຝາກ

ເຜີຍແຜ່ເມື່ອ 18 ພຶດສະພາ 2018

ກົດເບິ່ງ: 362

ເມື່ອເວົ້າເຖິງແຫຼ່ງທ່ອງທ່ຽວແລ້ວ ອຸດົມໄຊ ເປັນແຂວງໜຶ່ງທີ່ອຸດົມສົມບູນໄປດ້ວຍສະ ຖານທີ່ທ່ອງທ່ຽວທີ່ສວຍສົດງົດງາມ ຫຼາຍແຫ່ງ ຊຶ່ງມີທັງແຫຼ່ງທ່ອງທ່ຽວທາງທໍາມະຊາດ, ປະ ຫວັດສາດ ແລະ ວັດທະນະທໍາ. ແຕ່ໃນນີ້ທີ່ຜູ້ຂຽນເອງໄດ້ໄປສໍາຜັດ ໃນໂອກາດທີ່ເດີນທາງໄປເຮັດວຽກຢູ່ແຂວງອຸດົມໄຊ ກໍໄດ້ໄປທ່ຽວຊົມທັດສະນີຍະພາບ, ສະຖານທີ່ທ່ອງທ່ຽວທໍາມະຊາດທີ່ສວຍງາມນັ້ນກໍຄືຖໍ້າຈອມອອງນັ້ນ ເອງ ຈົນບໍ່ຢາກເຊື່ອໃນສາຍຕາວ່າເປັນພາບທີ່ເກີດຂຶ້ນເອງ ຕາມທໍາມະຊາດ ຄ້າຍຄືກັບວ່າແມ່ນມະນຸດເຮົາຕົກແຕ່ງຂຶ້ນແຕ່ຕົວຈິງແລ້ວກໍແມ່ນເກີດຂຶ້ນຈາກທໍາມະຊາດ. ຍ້ອນແນວນັ້ນຜູ້ຂຽນ ເອງກໍໄດ້ສອບຖາມເອົາຂໍ້ມູນຕ່າງໆກ່ຽວກັບຖໍ້າດັ່ງກ່າວ ມາເລົ່າສູ່ທ່ານຜູ້ອ່ານທັງຫຼາຍ ເພື່ອທ່ານໃດທີ່ມີໂອກາດໄດ້ເດີນທາງໄປເຮັດວຽກ, ໄປທ່ອງທ່ຽວ ຫຼື ອື່ນໆ ກໍສາມາດໄປທ່ຽວຊົມໄດ້.

“

ຖ້ຳຈອມອອງ ໄດ້ຖືກຄົ້ນພົບໃນປີ 2005 ແລະ ເປີດບໍລິການໃຫ້ທ່ຽວຊົມປີ 2007.ຖໍ້າຈອມອອງ ແມ່ນເອີ້ນຕາມຊື່ຂອງບ້ານ, ປະຊາຊົນທ້ອງຖິ່ນເຄີຍເອີ້ນຊື່ຖ້ຳນີ້ໃນເມື່ອກ່ອນວ່າ ຖ້ຳເຈຍ ຫຼື ຖ້ຳຂີ້ເຈຍ ຍ້ອນວ່າສະໄໝກ່ອນ ມີໂຕເຈຍມາອາໄສຢູ່ເປັນຈຳນວນຫຼວງຫຼາຍ,ປະຊາຊົນເຂດ ຈອມອອງ ໄດ້ພາກັນຂຸດເອົາຂີ້ໂຕເຈຍຢູ່ໃນຖ້ຳມາເຮັດໝື້ປືນແກັບ. ດັ່ງນັ້ນ,ປະຊາຊົນເຂດຈອມອອງຈຶ່ງໄດ້ພາກັນ ເອີ້ນຊື່ຂອງຖ້ຳນີ້ວ່າ ຖ້ຳເຈຍ ຫຼື ຖ້ຳຂີ້ເຈຍ. ແຕ່ທາງພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ໄດ້ໃສ່ຊື່ວ່າ ຖ້ຳຈອມອອງŽ ຕາມຊື່ຂອງບ້ານຈົນເຖິງປັດຈຸບັນນີ້. ບ້ານຈອມອອງອີກປະຫວັດໜຶ່ງ ທີ່ເອີ້ນວ່າ ຈອມອອງŽ ຍ້ອນວ່າ: ຄຳວ່າ ຈອມžž ເປັນພາສາກຶມມຸ ເຊິ່ງແປວ່າ ຕິດຕາມໄປ, ນຳກົ້ນໄປ, ສ່ວນຄຳວ່າອອງŽ ແປວ່າ ໂຕຕໍ່ດິນ, ໃນສະໄໝກ່ອນປະຊາຊົນເມືອງນາໝໍ້ ໄດ້ໄປຄ້ອງຕໍ່ ຫຼື ຫາເອົາ

ຮັງຕໍ່ ໂດຍໄດ້ເອົາຍວງຝ້າຍນ້ອຍໆ ອ່ອນໆມັດອາຫານໃສ່ຕີນໂຕຕໍ່ແລ້ວກໍ່ປ່ອຍໃຫ້ບິນກັບໄປຫາຮັງ ແລ້ວປະຊາຊົນກໍນຳຕໍ່ໂຕນັ້ນ ໄປ ຈຶ່ງໄປພົບເຫັນເຂດພື້ນທີ່ດັ່ງກ່າວເປັນເຂດທີ່ອຸດົມສົມບູນເໝາະສົມໃນ ການຜະລິດກະສິກຳ, ປູກຝັງ, ລ້ຽງສັດ. ຫຼັງຈາກນັ້ນ ຈຶ່ງພາກັນຍ້າຍຖິ່ນຖານມາຢູ່ບ້ານນີ້ ແລ້ວຈິ່ງເອີ້ນວ່າ ບ້ານຈອມອອງ ຈົນເຖິງທຸກວັນນີ້.

      ຖ້ຳຈອມອອງ ຕັ້ງຢູ່ບ້ານຈອມອອງ ເມືອງໄຊ ຫ່າງຈາກເທດສະບານ ເມືອງ 45  ກິໂລແມັດ ໄປທາງແຂວງຫຼວງນ້ຳທາ, 24 ກິໂລແມັດ ເປັນທາງປູຢາງ ແຍກເຂົ້າເໜືອບ້ານນ້ຳບໍຕາ ໄກປະມານ 21 ກິໂລແມັດ ເປັນທາງດິນແດງອັດແໜ້ນ ຈາກບ້ານຈອມອອງສາມາດເຂົ້າເຖິງ ໄດ້ 2 ທາງຄື: ຍ່າງລັດແຕ່ບ້ານຜ່ານທົ່ງນາໄປຫາຖໍ້າ 2 ກິໂລແມັດ ແລະ ທາງລົດເຂົ້າຮອດ (ທາງດິນແດງ). ຖ້ຳຈອມອອງ ຕັ້ງຢູ່ຫ່າງຈາກບ້ານຈອມອອງປະມານ  3 ກິໂລແມັດ, ເປັນເສັ້ນທາງລົດສາມາດແລ່ນເຂົ້າເຖິງບໍລິເວນຖ້ຳ.

         ຖໍ້າຈອມອອງເປັນຖ້ຳໃຫຍ່, ຍາວ ແລະ ສວຍງາມທີ່ສຸດຂອງແຂວງອຸດົມໄຊເຊິ່ງປະກອບດ້ວຍລະບົບນິເວດທຳມະຊາດທີ່ອັດສະຈັນ, ມີຫຼາຍຊ່ອງທາງເຂົ້າ-ອອກພາຍໃນຖ້ຳ

ປະມານ 16 ກວ່າກິໂລແມັດ, ຄວາມກວ້າງ ປະມານ 15-50 ແມັດ ແລະ ຄວາມສູງປະມານ 25-100 ແມັດ. ຢູ່ໃນຖ້ຳບາງບ່ອນມີສາຍນ້ຳໄຫຼຜ່ານ, ມີນົມຜາ, ຫີນຍ້ອຍ ທີ່ມີລວດລາຍສວຍງາມ, ຫີນແກ້ວ ເປັນສີຂາວເຫຼື້ອມຄືກັບເພັດພອຍເປັນກ້ອນໃຫຍ່ປະດັບປະດາຫ້ອຍຢູ່ຕາມຝາຫີນຄືກັບດອກໄຟປະດັບຢ່າງສວຍງາມ. ຢູ່ໃນຖ້ຳຍັງເປັນລັກສະນະເດີມທີ່ຍັງບໍ່ໄດ້ຮັບການດັດແປງແຕ່ຢ່າງໃດ. ຖ້ຳນີ້ໄດ້ຜ່ານການສຳຫຼວດຂອງນັກວິທະສາດຈາກສະຫະພັນຢູໂຣບໃນປີ 2009 ແລະ ປີ 2010 ໄດ້ສຳຫຼວດ 4 ປີ ເປັນຖ້ຳໃຫຍ່ລະດັບຊາດ, ASEAN ແລະ ລະດັບໂລກ, ລັດຖະບານແຫ່ງ ສປປ ລາວ ໄດ້ຮັບທຶນຈາກທະນາຄານພັດທະນາອາຊີ (ADB) ໃຫ້ທຶນຊ່ວຍເຫຼືອ ເພື່ອພັດທະນາເສັ້ນທາງ ແລະ ສິ່ງອຳນວຍຄວາມສະດວກຕ່າງໆໃຫ້ແກ່ນັກທ່ອງທ່ຽວທີ່ເຂົ້າໄປທ່ຽວຊົມຖໍ້າດ່ັງກ່າວ.

      ທ່ານໃດທີ່ມັກຄວາມສວຍງາມຂອງທຳມະຊາດ, ບັນຍາກາດທີ່ສົດຊື່ນ ຂໍແນະນຳວ່າທ່ານຄວນຫາໂອກາດໄປທ່ຽວຊົມຖຳ້ ຈອມອອງ ຂອງແຂວງ ອຸດົມໄຊ ຮັບປະກັນວ່າ ທ່ານຈະບໍ່ຜິດຫວັງແນ່ນອນ.

The Miracle of Chom Ong Cave

When exploring the tourist site, it is well known that Oudomxay province enriches with many beautiful scenic spots of natural, historical and cultural attractions. Once I have got the opportunity to visit Oudomxay, I could not miss a chance to go for sightseeing at the wonderful nature like Chom Ong cave. Unbelievable with my eyes that the cave was naturally created. Itžs like human-made decoration. Thatžs why I tried to ask for the information in order to tell my readers how impressive I feel with Chom

Ong cave through this article.

            Chom Ong cave was discovered in 2005 and opened as the tourist site in 2007. It was named after the name of the village. The local people used to call this cave as bat or batžs waste cave. Since during the ancient time, there were lots of bats lived in the area, and local people usually collected the waste to make ammunition for the gun. Therefore the people living in Chom Ong area called this cave as bat or batžs waste cave. But the Department of Information, Culture and Tourism has renamed the site as Chom Ong CaveŽ by the name of the village until now.

            Another historical story of the word Chom OngŽ is attached to the word ChomŽ in Khmu language that means followŽ and the word Ong means Tor DinŽ (a kind of bee). In the past time, local people liked to hunt Tor Din by using white cotton with a bait tied to the foot of Tor Din, then released and follow the Tor Din, therefore those local people found out the place where really enriched and was suitable for doing agriculture. After that the people moved to settle in that place and named as Chom Ong village until now. The cave is located in Chom Ong village, Xay district, 45 km far from the city, the road is in the good condition for travelling. There are 2 ways

to reach the cave by foot and car.

            Chom Ong is the biggest, longest and most attractive cave of Oudomxay province, with a wonderful ecological ecosystem. There are many directions for entrance the cave with the length of 16 km, 15-50 meters wide and 25-100 meters in height. In some spots of the cave, there is a stream of water, wonderful marble and white stalagmite shinning like value jewelry and diamond which decorate and hang along the cavežs wall.   Inside, the cave is well conserved as the same which has not been modified yet. This cave has been surveyed by the scientists from the European Union in 2009 and in the year 2010, it has been surveyed for 4 years. With the dimension and beauty, the cave enjoys national, ASEAN and international levels. The government of Lao PDR has received funding from the Asian Development Bank to develop the road condition and some facilities for tourists wishing to visit the cave.