Gallerys

ຊຸດຝຶກອົບຮົມວຽກງານຂ່າວສານ ແລະ ປັບປຸງຕາໜ່າງຂ່າວສານ ພາຍໃຕ້ໂຄງການ "ໂຄສະນາຜົນກະທົບດ້ານສິ່ງແວດລ້ອມຈາກການນໍາໃຊ້ສານເຄມີໃນການຜະລິດກະສິກຳຜ່ານສື່ແມ່ຍິງລາວ ຢູ່ແຂວງອຸດົມໄຊ" ໄດ້ຈັດຂື້ນໃນລະຫວ່າງ ວັນທີ 27-28 ສິງຫາ 2018 ເຂົ້າຮ່ວມເປັນປະທານໂດຍທ່ານ ນາງ ທຸມມາລີ ວົງພະຈັນ ຮອງເລຂາຄະນະພັກ ຮອງປະທານຄະນະບໍລະຫານງານ ສສຍລ ປະທານກວດກາ ສສຍລ, ມີທ່ານນາງ ມະນີຈັນ ວິໄລຈິດ ກຳມະການພັກແຂວງ ຄະນະບໍລິຫານງານ ສສຍລ ປະທານ ສຍ ແຂວງອຸດົມໄຊ, ຄະນະປະທານ ສຍແຂວງ, ພະແນກການອ້ອມຂ້າງແຂວງ ແລະ ຕາງໜ້າ ສຍ ແຕ່ລະເມືອງພາຍໃນແຂວງເຂົ້າຮ່ວມ. ການຈັດຝຶກອົບຮົມໃນຄັ້ງນີ້ ແມ່ນເພື່ອເຮັດໃຫ້ຜູ້ເຂົ້າຮ່ວມມີຄວາມເຂັ້ມແຂງເພີ່ມຂື້ນ ແລະ ມີການນໍາສະເໜີທີ່ຫຼາກຫຼາຍສີສັນໃນການຂຽນບົດ, ຂຽນຂ່າວ, ວິທີເກັບກຳຂໍ້ມູນທີ່ເອົາໃຈໃສ່ບົດບາດຍິງ-ຊາຍ ແລະ ເຂົ້າໃຈເຖິງຜົນຮ້າຍຂອງການນໍາໃຊ້ສານເຄມີເຂົ້າໃນການຜະລິດກະສິກໍາຫຼາຍຂື້ນ ເພື່ອນໍາໄປບອກຕໍ່ ແລະ ນໍາໃຊ້ບົດຮຽນໃນຄັ້ງນີ້ເຂົ້າໃນວຽກງານທີ່ຕົນເອງຮັບຜິດຊອບ ໂດຍສະເພາະແມ່ນວຽກງານຂ່າວຂອງແຕ່ລະພາກສ່ວນ ເພື່ອໃຫ້ມີຄວາມເຂັ້ມແຂງ ແລະ ຕອບຕາມສະໜອງຕາມຄວາມຕ້ອງການຂອງປະຊາຊົນ ກໍ່ຄືເອື້ອຍນ້ອງແມ່ຍິງພາຍໃນແຂວງ.

608360846085608660876088608960906091609260946095

ຕອນເຊົ້າວັນທີ 23 ສິງຫາ ທ່ານນາງ ທຸມມາລີ ວົງພະຈັນ ຮອງເລຂາຄະນະພັກ ຮອງປະທານຄະນະບໍລິຫານງານ ສສຍລ ປະທານກວດກາ ສສຍລ ເຂົ້າພົບຄະນະນຳຂອງແຂວງບໍ່ແກ້ວ ເພື່ອລາຍງານກ່ຽວກັບການເຄື່ອນໄຫວວຽກງານຢູ່ແຂວງດັ່ງກ່າວ ພ້ອມທັງປຶກຫາລືບາງວຽກງານ ເປັນຕົ້ນ ການກະກຽມບຸກຄະລາກອນໃຫ້ແກ່ກອງປະຊຸມສາມຂັ້ນ ຈາກນັ້ນ ກໍໄດ້ຕາງໜ້າໃຫ້ ສສຍລ ແລະ ຄອບຄົວ ທ່ານ ປ້າຄຳເມິງ ວໍລະຈິດ ມອບເງິນ ຈຳນວນ 15.000.000 ກີບ ເພື່ອຊ່ວຍເຫຼືອຜູ້ປະສົບໄພທີ່ແຂວງບໍ່ແກ້ວ ໃຫ້ກຽດກ່າວຮັບໂດຍ ທ່ານ ຈອມສີ ລັດຕະນະປັນ ຄະນະປະຈຳພັກແຂວງ ຮອງເຈົ້າແຂວງບໍ່ແກ້ວ.

606760686069607060716072