Gallerys

ໃນວັນທີ 29 ສິງຫາ 2018, ສະຫະພັນແມ່ຍິງກະຊວງພະລັງງານ ແລະ ບໍ່ແຮ່ ຈັດກອງປະຊຸມສະຫລຸບວຽກງານ 3 ດີໄລຍະ l (2016-2017) ແລະ ເປີດບັ້ນແຂ່ງຂັນໄລຍະ ll (2018-2019) ໂດຍການເຂົ້າຮ່ວມຂອງ ທ່ານ ນາງ ຈັນສະຫວາດ ບຸບຜາ, ຄະນະພັກກະຊວງ, ຮອງລັດຖະມົນຕີ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ ທັງເປັນຄະນະບໍລິຫານງານ ສສຍລ. ມີຄະນະບໍລິຫານງານສະຫະພັນແມ່ຍິງກະຊວງ, ຕາງໜ້າອົງການຈັດຕັ້ງມະຫາຊົນ ແລະ ສະມາຊິກສະຫະພັນແມ່ຍິງ ອ້ອມຂ້າງກະຊວງເຂົ້າຮ່ວມ. ກອງປະຊຸມໄດ້ສະຫລຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ໄລຍະ l (2016-2017) ແລະ ວາງທິດທາງແຜນການຈັດຕັ້ງ ປະຕິບັດຂໍ້ແຂ່ງຂັນ 3 ດີໄລຍະ ll ( 2018-2019) ພ້ອມນີ້ຕາງໜ້າໜ່ວຍແມ່ຍິງທັງ 11 ໜ່ວຍກໍໄດ້ຂຶ້ນຈັບມືເປີດບັ້ນແຂ່ງຂັນກັນຈັດຕັ້ງຜະຕິບັດຂໍ້ແຂ່ງຂັນ 3 ດີ ໄລຍະ ll ນໍາອີກ.

703170327033703470357036

ໃນຕອນບ່າຍ ວັນທີ 27 ສິງຫາ 2018 ທ່ານນາງ ທຸມມາລີ ວົງພະຈັນ ຮອງເລຂາຄະນະພັກ ຮອງປະທານຄະນະບໍລິຫານງານ ສສຍລ ປະທານກວດກາ ສສຍລ ໄດ້ໃຫ້ກຽດໂອ້ລົມເອື້ອຍນ້ອງແມ່ຍິງແຂວງອຸດົມໄຊ. ໂດຍການເຂົ້າຮ່ວມຂອງ ທ່ານ ໂອວາດ ຈັນທະວົງ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ຜູ້ຊີ້ນໍາອົງການຈັດຕັ້ງມະຫາຊົນແຂວງ, ມີທ່ານນາງ ມະນີຈັນ ວິໄລຈິດ ກຳມະການພັກແຂວງ ຄະນະບໍລິຫານງານ ສສຍລ ປະທານ ສຍ ແຂວງອຸດົມໄຊ, ສະມາຊິກສະພາເພດຍິງ, ບັນດາປ້າອາວຸໂສບໍານານ, ຄອບຄົວການນໍາ, ນັກທຸລະກິດຍິງ, ຄະນະບໍລິຫານງານ ສຍ ແຂວງ, ຄະນະຮາກຖານ, ຄະນະໜ່ວຍ, ພ້ອມດ້ວຍສະມາຊິກແມ່ຍິງບັນດາພະແນກການອ້ອມຂ້າງແຂວງອຸດົມໄຊ ເຂົ້າຮ່ວມ 375 ຄົນ, ຍິງ 371 ຄົນ, ຊາຍ 4 ຄົນ. ໂອກາດດຽວກັນນີ້ ທ່ານນາງ ທຸມມາລີ ວົງພະຈັນ ໄດ້ຕາງໜ້າໃຫ້ ສສຍລ ແລະ ຄອບຄົວ ທ່ານ ປ້າຄໍາເມີງ ວໍລະຈິດ ມອບເງິນຈໍານວນ 15,000,000 ກີບ ເພື່ອຊ່ວຍເຫຼືອຜູ້ປະສົບໄພພິບັດຢູ່ແຂວງອຸດົມໄຊ. ໃຫ້ກຽດກ່າວຮັບໂດຍ ທ່ານ ໂອວາດ ຈັນທະວົງ.

702170227023702470257026702770287029