Gallerys

ໃນວັນທີ 3-9/09/2018 ຄະນະຜູ້ແທນຂັ້ນສູງ ສະຫະພັນແມ່ຍິງລາວ ນຳໂດຍທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານ ງານສູນກາງສະຫະພັນແມ່ຍິງລາວ ໄດ້ເດີນທາງໄປຢ້ຽມຢາມຢ່າງເປັນທາງການ ແລະ ພົບປະສອງຝ່າຍ ຮ່ວມກັບສະຫະພັນແມ່ຍິງທົ່ວປະເທດຈີນ ຢູ່ ສປ ຈີນ ໃນໂອກາດນີ້ທ່ານປະທານຄະນະບໍລິຫານງານສູນກາງສະຫະພັນແມ່ຍິງລາວໄດ້ ເຂົ້າຢ້ຽມພົບປະທ່ານນາງ ເສິນ ເຢ້ເຢ້ ຮອງປະທານສະພາປະຊາຊົນແຫ່ງປະເທດຈີນ ປະທານສະຫະພັນແມ່ຍິງທົ່ວປະເທດຈີນ ພ້ອມດ້ວຍຄະນະ ສອງສະຫະພັນແມ່ຍິງຈີນ-ລາວ ໄດ້ມີການພົວພັນຮ່ວມມືຮ່ວມມືຍຸດທະສາດຮ່ວມຊະຕາກຳ ໂດຍໃຫ້ການ ສະໜັບສະໜູນເຂົ້າຮ່ວມກອງປະຊຸມ, ສຳມະນາ, ຊ່ວຍເຫຼືອທາງດ້ານທຶນຮອນ,ວັດຖຸ ແລະ ອຸປະກອນສຳລັບພັດທະນາແມ່ຍິງລາວ ເປັນຕົ້ນ: ໃນປີ 2017 ສະຫະພັນ ແມ່ຍິງທົ່ວປະເທດຈີນ ນຳໂດຍສະຫາຍ ເສິນ ເຢ້ເຢ້ ໄດ້ເດີນທາງຢ້ຽມຢາມ ສປປ ລາວ ແລະ ມອບເຄື່ອງຊ່ວຍເຫຼືອ ມູນຄ່າ 500.000 ຢວນ ລວມມີລົດຕູ້ແພດຮັບໃຊ້ ບໍລິການສຸຂະພາບແມ່ ແລະ ເດັກ 1ຄັນ ຄອມພິວເຕີ 32ຊຸດ ແລະ ຈັກອັດເອກະສານ 1 ເຄື່ອງ ປີ 2018 ສະຫະພັນແມ່ຍິງແລະ ນັກທຸລະກິດຊຽງໄຮ ມອບເຄື່ອງຊ່ວຍ ເຫຼືອ ມູນຄ່າ 62.300ຢວນ ພ້ອງທັງແຈ້ງບໍລິຈາກເງິນ ຊ່ວຍຟື້ນຟູຊີວິດການເປັນຢູ່ຂອງແມ່ຍິງ ແລະ ເດັກນ້ອຍທີ່ຖືກນ້ຳຖ້ວມຢູ່ ແຂວງອັດຕະປືການຢ້ຽມຢາມຄັ້ງນີ້ ຄະນະຜູ້ແທນສອງຝ່າຍຈະໄດ້ພົບປະເຈລະຈາແຜນການສືບຕໍ່ການຮ່ວມມືໃນຕໍ່ໜ້າ ເຊິ່ງກວມເອົາ 8 ຂົງເຂດວຽກງານຄື: 1.ສືບຕໍ່ການແລກປ່ຽນຢ້ຽມຢາມຂອງຄະນະຜູ້ແທນຂັ້ນສູນກາງ-ທ້ອງຖິ່ນ, 2.ການກໍ່ສ້າງພະນັກງານໄລຍະສັ້ນ-ຍາວ, 3.ໂຄງການແລກປ່ຽນບົດຮຽນພັດທະນາສູນຝຶກອົບຮົມແມ່ຍິງ, 4. ການປັບປຸງກໍ່ສ້າງສູນຂໍ້ມູນຂ່າວສານ ແລະ ຫໍມູນເຊື້ອ, 5.ປັບປຸງເວັບໄຊສະຫະພັນແມ່ຍິງສູນກາງ-ທ້ອງຖິ່ນ 6.ສ້າງກອງທຶນພັດທະນາແມ່ຍິງທຸກຢ່າງຢູ່ເຂດຫ່າງໄກສອກຫຼີກຕິດພັນກັບຍົກລະດັບຄວາມຮູ້ຄວາມສາມາດໃນການສ້າງເສດຖະກິດຂະໜາດນ້ອຍແລະກາງເພື່ອ ສ້າງເປັນສູນແລະບ້ານຕົວແບບ 7.ສະໜອງທຶນໂຄສະນາສຸຂະສຶກສາ,ຝຶກອົບຮົມ, ສ້າງຕົວແບບທີ່ມີເງື່ອນໄຂມາດຖານດ້ານຄອບຄົວແລະບ້ານ 3 ດີ ເພື່ອປ່ຽນແປງພຶດຕິກຳການດຳລົງຊີວິດຂອງແມ່ຍິງ-ເດັກນ້ອຍໃຫ້ດີຂຶ້ນ ປະກອບສ່ວນຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ, ການຄ້າມະນຸດ ແລະ ປົກປ້ອງສິດທິຂອງແມ່ຍິງ-ເດັກນ້ອຍ 8.ເພີ່ມທະວີການສະໜັບສະໜູນຊ່ວຍເຫຼືອກັນ ໃນເວທີພາກພື້ນ,ອາຊຽນ ແລະ ສາກົນ ນອກຈາກນັ້ນ ຄະນະຍັງໄດ້ຢ້ຽມຢາມ ພື້ນຖານການຜະລິດທາງດ້ານເສດຖະກິດ-ສັງຄົມ ແລະ ວັດທະນະທຳຢູ່ນະຄອນຫຼວງປັກກິ່ງ ແລະ ນະຄອນຊຽງໄຮຕື່ມອີກ

707570767077707870797080708170827083708470867087

7074