Gallerys

ໃນຕອນແລງວັນທີ 4 ກັນຍາ 2018 ຄະນະຜູ້ແທນຂັ້ນສູງ ສສຍລ ນໍາໂດຍ ທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ໄດ້ເຂົ້າຢ້ຽມຢາມ ແລະ ຊົມຫໍພິພິທະພັນແມ່ຍິງ ແລະ ເດັກນ້ອຍ ຂອງ ສປ ຈີນ, ຊຶ່ງເປັນອານຸສອນສະຖານ ທີ່ວາງສະແດງປະຫວັດຄວາມເປັນມາກໍຄືວິວັດ ທະນາການ ທາງດ້ານບົດບາດຍິງ-ຊາຍ ຫໍພິພິທະພັນແຫ່ງນີ້ໄດ້ສະສົມວັດຖຸພັນ ແລະ ຮູບພາບທີ່ສະທ້ອນໃຫ້ເຫັນພາລະກິດທາງດ້ານຄວາມຮັບຜິດຊອບຂອງແມ່ຍິງ ແລະ ເດັກນ້ອຍໃນການປ່ຽນແປງໂລກ ຢູ່ໃນຂະບວນຊຸກຍູ້ສົ່ງເສີມບົດບາດຂອງແມ່ຍິງ ແລະ ເດັກນ້ອຍ ຢູ່ໃນຄອບຄົວສັງຄົມ ແລະ ການເຄື່ອນໄຫວວຽກງານ ໂດຍສະເພາະຢູ່ໃນຂົງເຂດວຽກງານສຶກສາອົບຮົມກໍ່ສ້າງຄົນໃຫມ່ ຮຸ່ນສືບທອດ ການແບກຫາບພາລະພາຍໃນຄອບຄົວ ເພື່ອປັບປຸງຄຸນນະພາບຊີວິດກໍຄືຄົ້ນຄິດ ປະດິດສ້າງຄຸນນະພາບຂອງການພັດທະນາຜະລິດຕະພັນຫັດຖະກຳ, ແຜ່ນແພ, ການຕໍ່າຫູກທໍໄຫມ ແນ່ໃສ່ສ້າງລາຍໄດ້ແກ້ໄຂຄວາມທຸກຍາກ ແລະ ຮັກສາຄວາມອົບອຸ່ນຂອງຄອບຄົວ

8016801780188019802080218022802380248025802680278028802980308031

ສະຫະພັນແມ່ຍິງລາວ-ຈີນປຶກສາຫາລືໂຄງການຮ່ວມມືໃນຕໍ່ໜ້າ

 ໃນວັນທີ 04/09/2018 ທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເຂົ້າຢ້ຽມຢາມ ແລະ ພົບປະກັບສະຫະພັນແມ່ຍິງທົ່ວປະເທດຈີນ ນຳໂດຍທ່ານນາງ ຫວາງສ້ຽວເວີ່ຍ ເລຂາຄະນະພັກຂອງສະຫະພັນແມ່ຍິງທົ່ວປະເທດຈີນ ພ້ອມດ້ວຍຄະນະ ແລະ ທ່ານນາງ ວັນດີ ບຸດທະສະວົງ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສປປ ລາວ ປະຈຳປັກກິ່ງ ສປ ຈີນ. ໃນວາລະກອງປະຊຸມພົບປະປຶກສາຫາລືທັງສອງຝ່າຍຢືນຢັນ ຄືນການຊີ້ນຳ-ນຳພາຂອງພັກແມ່ນປັດໄຈຕັດສິນຜົນສຳເລັດຮອບດ້ານຂອງຂະບວນການພັດທະນາ ແລະ ປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ ພາຍໃຕ້ຍຸດທະສາດຄູ່ຮ່ວມຊະຕາກຳ"ໜຶ່ງແລວໜຶ່ງເສັ້ນທາງ" ໂດຍຈະຮ່ວມກັນຊຸກຍູ້ສົ່ງເສີມການຜັນຂະຫຍາຍແນວຄິດໄກສອນພົມວິຫານ ແລະ ສີຈິນຜິງ ຕິດພັນກັບມະຕິກອງປະຊຸມໃຫຍ່ຄັ້ງທີXຂອງພັກ ປປລ ແລະ ຄັ້ງທີ19 ຂອງພັກຄອມມູນິດຈີນ ສືບຕໍ່ແລກປ່ຽນການພົວພັນຮ່ວມມືໃນທຸກລະດັບໃຫ້ເພີ່ມຂຶ້ນ ຊຶ່ງປີຜ່ານມາມີເຖິງ 30ກວ່າຄະນະທີ່ມີການແລກປ່ຽນຄະນະຜູ້ແທນ ແລະບົດຮຽນຢູ່ຂັ້ນສູນກາງ ແລະ ທ້ອງຖິ່ນ, ສຳລັບທິດທາງການຮ່ວມມືໃນຕໍ່ໜ້າຈະເນັ້ນໃສ່ ການພັດທະນາ ແລະ ຮັກສາສິດຜົນປະໂຫຍດຂອງແມ່ຍິງ ແລະ ເດັກນ້ອຍ ໂດຍສຸມໃສ່ 5 ວຽກງານຕົ້ນຕໍຄື: 1.ການສຶກສາອົບຮົມການເມືອງ-ແນວຄິດ 2.ການເພີ່ມທະວີຄວາມຮູ້ຄວາມສາມດເຂົ້າໃນວຽກງານຕົວຈິງໂດຍການເສີມຂະຫຍາຍບົດບາດສັງຄົມ ແລະ ຄອບຄົວເພື່ອແຂ່ງຂັນສ້າງຄອບຄົວດີ, ເຮືອນຢູ່ດີມີສຸກ, ແມ່ຍິງດີເລີດດ້ວຍການພັດທະນາແກ້ໄຂຄວາມທຸກຍາກ ແນໃສ່ສະໜອງທີ່ດີນ, ແຫຼ່ງທຶນ ແລະ ການເຂົ້າເຖິງບໍລິການດ້ານສຸຂະພາບ 3.ການຮັກສາສິດຜົນປະ ໂຫຍດຂອງແມ່ຍິງ ແລະ ເດັກນ້ອຍໂດຍເສີມຂະຫຍາຍບົດບາດເຄິ່ງຟ້າຂອງແມ່ຍິງໃຫ້ແມ່ຍິງໄດ້ເຂົ້າເຖິງກົດໝາຍແພ່ງ,ທີ່ດິນ,ສະກັດກັ້ນຕ້ານການໃຊ້ຄວາມ ຮຸນແຮງ ແລະ ຊຸກຍູ້ການເຂົ້າກວດ-ປິ່ນປົວມະເຮັງປາກມົດລູກແລະມະເຮັງເຕົ້ານົມໂດຍບໍ່ເສຍຄ່າຂອງແມ່ຍິງຊົນນະບົດ ເຊິ່ງລັດມີງົບປະມານ 900ລ້ານຢວນ ສຳລັບ 8ລ້ານຄົນ ແລະ ບໍລິສັດຕ່າງໆສະໜັບສະໜູນຕື່ມ 9.371 ຄົນ 4.ການປະຕິຮູບອົງກອນແມ່ຍິງໂດຍນຳໃຊ້ຫົວຄິດປະດິດສ້າງຂອງຄົນຮຸ່ນໜຸ່ມໃນການເຂົ້າເຖິງແຫຼ່ງທຶນເພື່ອແກ້ໄຂຄວາມທຸກຍາກ ແລະ 5. ການຮ່ວມມືສາກົນ. ນອກຈາກນັ້ນ ທ່ານປະທານ ສສຍລ ແລະ ເລຂາຄະນະພັກແມ່ຍິງທົ່ວປະເທດຈີນ ຍັງໄດ້ລາຍງານການເຄື່ອນໄຫວວຽກງານແມ່ຍິງໂດຍຫຍໍ້ຊຶ່ງກັນແລະກັນ, ສົນທະ ນາແລກປ່ຽນ 5 ບົດບາດ 13 ໜ້າທີ່ຕົ້ນຕໍ,ລະບົບການເຄື່ອນໄຫວຂອງກົງຈັກການຈັດຕັ້ງ, ຜົນສຳເລັດຂອງກອງປະຊຸມກາງສະໄໝໃນການປະຕິບັດ 19 ແຜນງານ 159 ໂຄງການ, ຜົນສຳເລັດຂອງການປະຕິບັດຄຳຂວັນ-ຂໍ້ແຂ່ງຂັນ 3 ດີ ຊຶ່ງສະມາດຕີລາຄາໄດ້ 76% ຕິດພັນກັບເປົ້າໝາຍການພັດທະນາແບບຍືນຍົງ ແລະ ແຜນພັດທະນາເສດຖະກິດ-ສັງຄົມຂອງລັດຖະບານ ກໍຄືຂະບານການແຂ່ງຂັນຮັກຊາດ ແລະ ພັດທະນາຕາມທິດ 3 ສ້າງ, ການກະກຽມກອງປະຊຸມທ້າຍສະ ໄໝຂອງແມ່ຍິງລາວ ແລະ ກອງປະຊຸມໃຫຍ່ສະຫະພັນແມ່ຍິງທົ່ວປະເທດຈີນຄັ້ງທີ XII ໃນປີ 2018 ພິເສດ ທັງສອງຝ່າຍແມ່ນມີຄວາມຊື່ນຊົມຍິນດີເປັນ ຢ່າງຍິ່ງທີ່ເຫັນວ່າການພົວພັນຮ່ວມມືໃນລະດັບທ້ອງຖິ່ນໂດຍສະເພາະແຂວງທີ່ມີຊາຍແດນຕິດກັນໄດ້ນັບມື້ເພີ່ມທະວີຍິ່ງໆຂຶ້ນ, ການສ້າງພະນັກງານສືບທອດປ່ຽນ ແທນລະດັບປະລິນຍາໂທແລະເອກມີທ່າຂະຫຍາຍຕົວດີຂຶ້ນ ຊຶ່ງກາຍເປັນແບບຢ່າງທີ່ດີໃນຂະບວນການພັດທະນາແມ່ຍິງ.

7099800080018002800380048005800680098008801080118012801380148015