Gallerys

ສຍ, ກຸ່ມນັກທຸລະກິດແລະ ມະຫາວິທະຍາໄລ ນະຄອນຊຽງໄຮ້ ຊ່ວຍເຫຼືອແມ່ຍິງລາວ
ວັນທີ 06/09/2018 ຄະນະຜູ້ແທນຂັ້ນສູງສູນກາງສະຫະພັນແມ່ຍິງລາວ ນຳໂດຍ ທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ, ປະທານຄະນະບໍລິຫານງານ ແລະ ທ່ານນາງ ສີລິກິດ ບຸບຜາ ຮອງປະທານ ໄດ້ສືບຕໍ່ຢ້ຽມຢາມ, ພົບປະ, ປຶກສາຫາລື ແລະ ແລກປ່ຽນບົດຮຽນຢູ່ນະຄອນຊຽງໄຮ້ ໂດຍເດີນທາງໄປຢ້ຽມຢາມກຸ່ມບໍລິສັດ Heng Yuan xiang (HYX group), ຄະນະກຳມະການທີ່ປຶກສາການເມືອງການປົກຄອງນະຄອນຊຽງໄຮ້, ມະຫາວິທະຍາ ໄລພະລັງງານໄຟຟ້າ(SUEP) ແລະ ກົງສູນໃຫຍ່ສປປ ລາວ ປະຈຳນະຄອນຊຽໄຮ້. HYX group ເປັນກຸ່ມນັກທຸລະກິດດີເດັ່ນຢູ່ນະຄອນຊຽງໄຮ້ ສ້າງຕັ້ງໃນປີ 1927 ແລະ ດຳເນີນການຜະລິດສິນຄ້າຮັບໃຊ້ສັງຄົມເປັນເວລາຍາວນານເຖິງ 91 ປີ ມີຜະລິດຕະພັນຕົ້ນຕໍ 4 ລາຍການຄື: 1.ຜະລິດຕະພັນເຮັດດ້ວຍແລນ (ໄໝພົມ) 2. ເສື້ອຜ້າອາພອນຊະນິດຕ່າງໆຫຼາກຫຼາຍຮູບແບບ 3. ແຜ່ນແພ (ຜ້າຫົ່ມ) ແລະ 4. ເຄື່ອງນຸ່ງ-ເຄື່ອງຫຼິ້ນສຳລັບເດັກນ້ອຍ ໂດຍແມ່ນທ່ານ GU Honglei ຮອງປະທານ ພ້ອມດ້ວຍຄະນະໃຫ້ກຽດຕ້ອນຮັບ. ນອກຈາກນີ້ ກຸ່ມບໍລິສັດ HYX ຍັງໃຫ້ຄວາມສຳຄັນ ໃນການຊຸກຍູ້ສະໜັບສະໜູນກິດຈະກຳຊ່ວຍເຫຼືອສັງຄົມດ້ານກິລາ ສິລະປະ ວັດທະນະທຳອື່ນໆ ແມ່ຍິງຂອງກຸ່ມ HYX ເປັນກຳລັງການຜະລິດທີ່ໄດ້ຮັບຄວາມເຊື່ອໝັ້ນ ແລະ ຕັດສິນຂະບວນການເຕີບໃຫຍ່ຂະຫຍາຍຕົວຂອງການ ຕະຫຼາດໃນໄລຍະໃໝ່ ໂດຍໄດ້ຮ່ວມຜະລິດເຄື່ອງນຸ່ງໃຫ້ນັກກິລາໂອລິມປິກ 3 ຄັ້ງຫຼ້າສຸດຕິດຕໍ່ກັນເຊຶ່ງໃນປີຜ່ານມາ ສຍ ແລະ ກຸ່ມບໍລິສັດນະຄອນຊຽງໄຮ້ກໍໄດ້ມີ ການໄປ-ມາພົວພັນຮ່ວມືສະໜິດສະໜົມໃນຖານະເພື່ອນຮ່ວມຊະຕາກຳ ດ້ວຍການມອບເຄື່ອງຊ່ວຍເຫຼືອມູນຄ່າ 62.300 ຢວນ ແລະ ເພື່ອຊ່ວຍເຫຼືອຟື້ນຟູຊີວິດ ການເປັນຢູ່ຂອງແມ່ຍິງ-ເດັກນ້ອຍທີ່ພວມປະສົບໄພນ້ຳຖ້ວມ ເວົ້າສະເພາະຢູ່ເມືອງສະໜາມໄຊ ແຂວງອັດຕະປື HYX ໄດ້ມອບເງິນຈຳນວນ 100 ລ້ານກີບ ຜ່ານ ສສຍລ. ສຳລັບ ມະຫາວິທະຍາໄລພະລັງງານໄຟຟ້າ ນະຄອນຊຽງໄຮ້ ໄດ້ຕົກລົງມອບທຶນການສຶກສາໄລະສັ້ນ 2 ທຶນ ແລະ ໄລຍະຍາວ 5 ທຶນ, ເພື່ອສ້າງເງື່ອນໄຂ ແລະ ໂອກາດໃຫ້ແກ່ແມ່ຍິງໄດ້ໄປຍົກລະດັບໃນແຕ່ລະປີ.

8080808180828083808480858086808780888089

ວັນທີ 5 ກັນຍາ 2018 ທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ, ທ່ານນາງ ສິລິກິດ ບຸບຜາ ຮອງປະທານ ຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ເຂດຊຸມຊົນໂອລິມປິກ ແລະ ຫ້ອງການສາຍຮຸ້ງ ເຊິ່ງເປັນສະຖານທີ່ພັດທະນາເສດຖະ ກິດ-ສັງຄົມ ທີ່ເນັ້ນການພັດທະນາສີມືແຮງງານ, ຊອກຫາວຽກເຮັດງານທຳ ແລະ ສ້າງລາຍໄດ້ ໃຫ້ແກ່ແມ່ຍິງ ແລະ ເດັກນ້ອຍ ໂດຍສະເພາະການສ້າງເງື່ອນໄຂ ແລະ ໂອກາດໃຫ້ແກ່ກຸ່ມຄົນທີ່ດ້ອຍໂອກາດໄດ້ພັດທະນາຊີວິດການເປັນຢູ່ ແລະ ສົ່ງເສີມສີໄມ້ລາຍມືໃນການຜະລິດສິນຄ້າ ເປັນຕົ້ນ: ເຄື່ອງຫັດຖະກຳ ແລະ ເຄື່ອງທີ່ລະນຶກ. ພ້ອມດຽວກັນນີ້ ໃນໂອກາດລົງຢ້ຽມຢາມ ແລະ ພົບປະກັບຄະນະຮັບຜິດຊອບ ແລະ ເອື້ອຍນ້ອງແມ່ຍິງ ທ່ານປະທານພ້ອມດ້ວຍຄະນະກໍໄດ້ໃຫ້ກຽດຮ່ວມສາທິດ ການຮ້ອຍຂອງຂວັນ ແລະ ລົງລາຍເຊັນລົງໃນຜິລິດຕະພັນຕ່າງໆດ້ວຍສີໄມ້ລາຍມືທີ່ປານີດບັນຈົງ ແລະ ໄດ້ສ້າງຄວາມພາກພູມໃຈປຶ້ມປິຕິ ແລະ ເບີກບານມ່ວນ ຊື່ນໃຫ້ແກ່ຜູ້ເຂົ້າຮ່ວມ

8049805080518052805380548056805780588058805980608061806280638064806580678068806980708071807280738075807780788079