89

ສູນກາງສະຫະພັນແມ່ຍິງລາວ (ສສຍລ) ຈັດກອງປະຊຸມປຶກສາຫາລືກ່ຽວ ກັບວຽກງານສ້າງພະນັກງານນຳພາ-ຄຸ້ມ ຄອງເພດ ຍິງ ຄັ້ງທີ II ໃນທ້າຍເດືອນ ພະ ຈິກ ທີ່ສຳນັກ ສສຍລ...ໂດຍການເປັນປະທານຂອງທ່ານ ຈັນສີ ໂພສີຄຳ ກຳມະການກົມການເມືອງສູນ ກາງພັກ, ຄະນະເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ, ມີຄະນະປະທານຄະນະບໍລິຫານງານ ສສຍລ, ຮອງເລ ຂາ, ຄະນະປະຈຳ, ຄະນະພັກນະຄອນຫຼວງ, ແຂວງ, ກະຊວງ-ອົງການ, ຜູ້ທີ່ຮັບຜິດຊອບວຽກງານຈັດຕັ້ງ-ພະນັກງານປະທານ, ຮອງປະ ທານ ສຍ ນະຄອນຫຼວງ,ແຂວງ, ກະຊວງ-ອົງການ ແລະ ພາກສ່ວນກ່ຽວຂ້ອງເຂົ້າຮ່ວມ ຈຳນວນ 171 ທ່ານ, ເປັນຍິງ 110 ທ່ານ. 

      ທ່ານ ດຣ ນາງ ອິນລາວັນ ແກ້ວ ບຸນພັນ, ກຳມະການສູນກາງພັກ, ປະທານ ຄະນະບໍລິຫານງານ ສສຍລ ກ່າວເປີດ ກອງປະຊຸມ ຢ່າງເປັນທາງການ ບາງຕອນ ທ່ານໄດ້ຍົກໃຫ້ເຫັນຄວາມສຳຄັນຂອງ ການຈັດກອງຊຸມຄັ້ງນີ້ວ່າ: ການພັດທະນາຊັບພະຍາກອນມະ ນຸດເພດຍິງ ເວົ້າລວມ, ເວົ້າສະເພາະແມ່ນການສ້າງພະນັກ ງານນຳພາ-ຄຸ້ມຄອງເພດຍິງ ເປັນວຽກໜຶ່ງ ທີ່ສຳຄັນ ຊຶ່ງພັກ-ລັດຖະບານ ໄດ້ເອົາໃຈ ໃສ່ຕະຫຼອດມາ ເນື່ອງຈາກວ່າແມ່ຍິງກວມ ເຄິ່ງໜຶ່ງຂອງພົນລະເມືອງໃນທົ່ວປະເທດ, ເປັນກຳລັງແຮງເຂົ້າຮ່ວມໃນພາລະກິດ ປົກປັກຮັກສາ ແລະ ສ້າງສາພັດທະນາປະ ເທດຊາດ ທັງແມ່ນຄວາມຮຽກຮ້ອງ ຕ້ອງການອັນຈຳເປັນ ໂດຍສະເພາະໃນເງື່ອນໄຂໃໝ່ ຂອງ ການເຊື່ອມໂຍງກັບພາກພື້ນ ແລະ ສາກົນ, ເພື່ອກະກຽມຄວາມພ້ອມ ໃນການສະຫຼຸບຕີລາຄາການຈັດຕັ້ງປະຕິບັດມະຕິກອງ ປະຊຸມໃຫຍ່ຂອງພັກ ຄັ້ງທີ X ແລະ ມະຕິກອງປະຊຸມອົງຄະນະພັກ ສສຍລ ຄັ້ງທີ III ກໍຄືສະຫຼຸບຕີລາຄາວຽກງານພັດທະນາເສດ ຖະກິດ-ສັງຄົມແຫ່ງ ຊາດ ຄັ້ງທີ VIII ແລະ ແຜນພັດທະນາແມ່ ຍິງເຄິ່ງສະໄໝໃນປີ 2018, ເພື່ອ ປະກອບສ່ວນການບັນລຸເປົ້າໝາຍ ການພັດທະ ນາແບບຍືນຍົງ, ເປັນຕົ້ນ ຄາດໝາຍທີ 5 ຮັບປະກັນໃຫ້ແມ່ຍິງໄດ້ມີສ່ວນຮ່ວມຢ່າງເຕັມສ່ວນ, ມີປະສິດທິຜົນ ແລະ ໄດ້ຮັບໂອກາດເທົ່າທຽມກັນໃນການ ເປັນຜູ້ນຳ ທຸກລະດັບ, ການຕັດສິນໃຈ ທາງດ້ານການ ເມືອງ, ເສດຖະກິດ, ວັດທະນະທຳ-ສັງຄົມ.

          ຜູ້ເຂົ້າຮ່ວມໄດ້ຮັບຟັງການສະຫຼຸບແລະ ປະກອບຄຳເຫັນຕໍ່ຮ່າງບົດສະຫຼຸບຕີລາຄາການສ້າງພະນັກງານນຳພາ-ຄຸ້ມ ຄອງເພດຍິງ ໄລຍະປີ 2013-2017 ແລະ ບາງທິດທາງວຽກງານຈຸດສຸມ ປີ 2018-2020, ການນຳສະເໜີກ່ຽວກັບວິທີການບັນຈຸຊັບ ຊ້ອນພະນັກງານເພດຍິງ ເພື່ອບັນ ລຸຄາດໝາຍຕຳແໜ່ງງານພະນັກງານ-ລັດຖະກອນເພດຍິງທີ່ໄດ້ກຳນົດໃນແຜນພັດທະນາເສດຖະ ກິດ-ສັງຄົມ ແຫ່ງຊາດ 5 ປີ ຄັ້ງທີ VIII, ການປະກອບຄຳເຫັນຂອງບາງ ພາກສ່ວນໃນຂັ້ນສູນກາງ ແລະ ທ້ອງຖິ່ນ ໃນການສ້າງພະນັກ ງານນຳພາ-ຄຸ້ມຄອງເພດຍິງ. ພ້ອມທັງຮ່ວມກັນປຶກສາຫາລື ການຈັດຕັ້ງປະຕິບັດ ໃຫ້ບັນລຸຄາດໝາຍທີ່ພັກ-ລັດວາງອອກ ໂດຍສະ ເພາະ ລົງເລິກຄົ້ນຄວ້າຕື່ມໜ້າທີ່ ຄວາມຮັບຜິດຊອບຂອງ ແຕ່ລະພາກສ່ວນ, ຂອດປະສານງານກ່ຽວ ກັບວຽກງານສ້າງພະນັກງານນຳພາ-ຄຸ້ມ ຄອງເພດຍິງ ເພື່ອກຽມໃຫ້ແກ່ການຄົ້ນຄວ້າ ໂຄງປະກອບການຈັດຕັ້ງ, ບຸກຄະລາກອນ ແກ່ກອງປະຊຸມໃຫຍ່ 3 ຂັ້ນຂອງພັກ ແລະຂອງແມ່ຍິງ.

     ຜູ້ແທນກອງປະຊຸມຍັງໄດ້ຮັບຟັງ ການໂອ້ລົມໃຫ້ທິດຊີ້ນຳຈາກທ່ານ ຈັນສີ ໂພສີຄຳ ຊຶ່ງທ່ານໄດ້ເນັ້ນໜັກໃຫ້ແຕ່ລະພາກສ່ວນ ເອົາໃຈໃສ່ສ້າງແຜນກຳນົດພະນັກງານທີ່ຮັບປະກັນໃຫ້ມີແມ່ຍິງບັນຈຸເຂົ້າ ໃນແຜນ, ຖືສຳຄັນການບຳລຸງ-ກໍ່ສ້າງພະນັກງານເພດຍິງ ໃຫ້ມີມາດຖານເງື່ອນໄຂຄົບຖ້ວນທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ມີຄວາມຮູ້ພື້ນ ຖານດ້ານທິດສະດີມາກ-ເລ ນິນ, ພາສາ ຕ່າງປະເທດ, ແບບແຜນວິທີນຳພາ ວິທີເຮັດ ວຽກ ແລະ ມີສຸຂະພາບທີ່ສົມບູນແຂງ ແຮງ. ພ້ອມທັງບັນຈຸຊັບຊ້ອນ ຈັດວາງແມ່ ຍິງໄປຕາມແຜນກຳນົດພະນັກງານທີ່ວາງ ໄວ້ ຄຽງຄູ່ກັບການປະຕິບັດນະໂຍບາຍຕໍ່ພະນັກງານເພດຍິງໃຫ້ໄດ້ຮັບການພັດທະນາຢ່າງ ຮອບດ້ານ.

                                                                                                                                                                                                                                                                                               ໂດຍ: ສີວິໄລ