ເມື່ອຫວນຄືນເຖິງສາຍພົວພັນມິດ ຕະພາບ ແລະ ການຮ່ວມມືຊ່ວຍເຫຼືອເຊິ່ງ ກັນ ແລະ ກັນ ຂອງ 2 ອົງການ ຈັດຕັ້ງສະຫະພັນແມ່ຍິງ (ສຍ) ແຂວງ ອັດຕະປື, ສປປ ລາວ ແລະ ສຍ ແຂວງ ກອນຕູມ, ສສ ຫວຽດນາມ ໃນໄລຍະ ຊຸມປີຜ່ານມາໄດ້ມີ ການພົວພັນ ຮ່ວມມືກັນ ແລະ ຜູກຮັດຄວາມ ສາມັກຄີຢ່າງສະໜິດແໜ້ນ ດັ່ງບາງຕອນ ຂອງບົດເພງ ວ່າ: ອັດຕະປືຢາຣາຍກອນຕູມບ້ານສ່ຽວເຈື່ອງຍ໊ຽວເຍົາຮັກກັນບໍ່ໝັ້ນ ໝາຍ ໄປຟາກພຸ້ນກິນປາ ມາຟາກນີ້້ກິນ ເຂົ້າ ລາວສຽງແຄນ ຫວຽດນ໊ານເບົ໊າŽ ເຊິ່ງສະແດງໃຫ້ເຫັນຄຸນລັກສະນະທີ່ເປັນມູນ ເຊື້ອວັດທະນະທໍາ ແລະ ຮີດຄອງປະເພ ນີອັນດີງາມຂອງ 2 ແຂວງແຮກສ່ຽວ.

      ທ່ານນາງ ບັນທະໄລ ແກ້ວມະນີ ວົງ ປະທານ ສຍ ແຂວງ ອັດຕະປື ໃຫ້ຮູ້ ວ່າ: ສຍ ແຂວງ ອັດຕະປື ໄດ້ມີການພົວພັນ ຮ່ວມມືກັບ ສຍ ຫຼາຍແຂວງຂອງ ສສ ຫວຽດນາມ ເປັນຕົ້ນ: ສຍ ແຂວງ ດັກລັກ, ສຍ ແຂວງ ບິງດິງ, ພິເສດແມ່ນໄດ້ແຮກ ສ່ຽວກັບ ສຍ ແຂວງ ກອນຕູມ ພາຍໃຕ້ຫົວ ຂໍ້: ເພື່ອສັນຕິພາບ ແລະ ການພັດທະນາ. ຜ່ານການຈັດຕັ້ງປະຕິບັດໄລຍະຜ່ານ ມາ ມີຫຼາຍດ້ານທີ່ພົ້ນເດັ່ນ ສະແດງອອກດັ່ງນີ້:

  1. ດ້ານການໂຄສະນາສຶກສາອົບ ຮົມ ໄດ້ເອົາໃຈໃສ່ສຶກສາອົບກ່ຽວກັບການເພີ່ມທະວີຄວາມສາມັກຄີແບບພິເສດຂອງ ສອງຊາດລາວ-ຫວຽດນາມ ແລະ ການປົກປັກຮັກສາຊາຍແດນໃຫ້ມີຄວາມສະ ຫງົບ, ເປີດຂະບວນການ ແລະ ກິດຈະກຳ ເພື່ອໃຫ້ຄວາມຮູ້ດ້ານກົດໝາຍ ແລະ ວິຊາ ຊີບຕ່າງໆແກ່ແມ່ຍິງບັນດາເຜົ່າທີ່ຢູ່ລຽບຕາມ ຊາຍແດນລາວ-ຫວຽດນາມ. ຜ່ານການ ເຄື່ອນ ໄຫວເຫັນວ່າ: ແມ່ຍິງບັນດາເຜົ່າທີ່ຢູ່ລຽບຕາມຊາຍແດນມີຄວາມຮູ້ດ້ານກົດໝາຍ ຫຼາຍຂຶ້ນ, ມີອາຊີບ, ມີລາຍຮັບ ກາຍເປັນຄອບຄົວມີຢູ່ມີກິນເພີ່ມຂຶ້ນ, ຂອບເຂດຊາຍ ແດນມີຄວາມສະຫງົບ ປາສະຈາກການຄ້າ ມະນຸດຂ້າມຊາຍແດນ.

78

  1. ດ້ານການພົວພັນຮ່ວມມື: ໄດ້ ປະສານສົມທົບ ແລະ ແລກປ່ຽນເຊິ່ງກັນ ແລະ ກັນ ທາງດ້ານຂໍ້ມູນຂ່າວສານ, ບົດ ຮຽນ, ປະສົບການ, ການປະຕິບັດວຽກງານ ຕົວຈິງ, ການສ້າງຄວາມເຂັ້ມແຂງໃຫ້ອົງການຈັດຕັ້ງ ສຍ, ການສົ່ງເສີມຄວາມສະ ເໝີພາບຍິງ-ຊາຍ, ແລກປ່ຽນວັດທະນະທຳ, ຮີດຄອງປະເພນີ, ສິລະປະ-ວັນນະຄະດີ ສະແດງອອກ ສຍ 2 ແຂວງໄດ້ຜັດປ່ຽນ ກັນ ເປັນເຈົ້າພາບຈັດກອງປະຊຸມແລກປ່ຽນບົດຮຽນ ເຊິ່ງກັນ ແລະ ກັນທຸກໆ 2 ປີ.
  2. ດ້ານການຊ່ວຍເຫຼືອ: ສຍ ແຂວງ ກອນຕູມ ໄດ້ໃຫ້ການຊ່ວຍເຫຼືອທາງດ້ານຂໍ້ມູນຂ່າວສານ, ບົດຮຽນປະສົບການ, ການປະຕິບັດວຽກງານຕົວຈິງ, ໂດຍສະເພາະການຊ່ວຍເຫຼືອແມ່ຍິງໃນການລຶບລ້າງຄວາມທຸກຍາກ, ສ້າງແມ່ຍິງໃຫ້ກາຍເປັນຕົວ ແບບທີ່ມີຄວາມເຂັ້ມແຂງທາງດ້ານເສດຖະກິດ ພ້ອມທັງບິແບ່ງທຶນຮອນຈັດຊື້ອຸປະກອນ ໃຫ້ ສຍ ແຂວງ ອັດຕະປື ມີ: ຄອມ ພິວເຕີຕັ້ງ ໂຕະ 6 ຊຸດ, ຈັກຫຍິບ 3 ເຄື່ອງ.

      ທ່ານປະທານ ສຍ ແຂວງ ອັດ ຕະປື ກ່າວຕື່ມວ່າ: ໃນໂອກາດສະເຫຼີມ ສະຫຼອງ 2 ວັນປະຫວັດສາດລາວ-ຫວຽດ ນາມ ປີ 2017 ນີ້, ສຍ ແຂວງໄດ້ປຸກລະດົມ ສະມາຊິກ ສຍ ແລະ ເອື້ອຍນ້ອງແມ່ຍິງ ພາຍໃນແຂວງ ສ້າງຂະບວນການອະນາ ໄມຕົວເມືອງ, ເຂົ້າຮ່ວມການຈັດການວາງ ສະແດງສິນຄ້າ, ຈັດກິດຈະກຳປະກວດການຂຽນບົດຄວາມສັ້ນໃນຫົວຂໍ້: ສາຍໃຈ ລາວ- ຫວຽດນາມ ໃຫ້ເປັນຂະບວນການຟົດຟື້ນ ແລະ ກວ້າງຂວາງ. ໃນນາມຕາງໜ້າຄະ ນະພັກ-ອົງການປົກຄອງແຂວງ, ສຍ ແຂວງ ກໍຄືເອື້ອຍນ້ອງແມ່ຍິງບັນດາເຜົ່າຊາວແຂວງ ອັດຕະປື ຂໍອວຍພອນແດ່ສາຍພົວພັນ ທີ່ເປັນມູນເຊື້ອອັນດີງາມ ແລະ ມິດຕະພາບທີ່ພິເສດຂອງສອງພັກ ສອງລັດ ປະຊາຊົນ ສອງຊາດເວົ້າລວມ, ເວົ້າສະເພາະ ສຍ ແຂວງ ອັດຕະປື-ກອນຕູມ ຈົ່ງ ຈະເລີນ ງອກງາມ ແລະ ໝັ້ນຄົງທະນົງແກ່ນຕະຫຼອດກາລະນານ.

                                                                                                                                                                                                                                                                  ໂດຍ: ບົວສອນ ສຸວັນນະເມທີ