ທ່ານ ດຣ ນາງ ອິນລາວັນ ແກ້ວບຸນພັນ ກຳມະ ການສູນກາງພັກ ປະທານຄະນະບໍລິຫານງານສູນກາງ ສະຫະພັນແມ່ຍິງລາວ ພ້ອມຄະນະ ໄດ້ເຂົ້າຮ່ວມກອງປະຊຸມສຳມະນາສະຫະພັນແມ່ຍິງ 3 ຊາດ ລາວ, ຫວຽດນາມ ແລະ ກຳປູເຈຍ ພາຍໃຕ້ຫົວຂໍ້ເສີມສ້າງ ສາຍພົວພັນມິດຕະພາບສາມັກຄີຮ່ວມມືປະກອບສ່ວນເຂົ້າໃນການປະຕິບັດບັນດາຈຸດໝາຍແຫ່ງການພັດທະນາແບບຍືນຍົງ ເຖິງປີ 2030Ž ໃນລະຫວ່າງ ວັນທີ 14-16 ກັນຍາ 2017 ທີ່ນະຄອນ ໂຮ່ຈີມິນ ສສ ຫວຽດນາມ. ໃຫ້ກຽດເຂົ້າຮ່ວມກອງປະຊຸມດັ່ງກ່າວມີ ທ່ານ ຟ້າມບິ່ງມິງ ກຳມະການກົມການເມືອງສູນກາງພັກຄອມມູນິດຫວຽດນາມ, ຮອງນາ ຍົກລັດຖະມົນຕີ ສສ ຫວຽດນາມ.

70

ທ່ານນາງ ຫງວຽນ ທິ ທູ ຮ່າ ກຳມະການສູນກາງ ພັກຄອມມູນິດຫວຽດນາມ ປະທານສະຫະພັນແມ່ຍິງຫວຽດນາມ ໄດ້ກ່າວ ໄຂກອງປະຊຸມຢ່າງເປັນທາງການ, ກອງປະຊຸມດັ່ງກ່າວຈັດຂຶ້ນ.

ເພື່ອເປັນເວທີແລກປ່ຽນບົດຮຽນສຳລັບສະຫະພັນແມ່ຍິງແຕ່ລະຂັ້ນ, ເປັນຕົ້ນແມ່ນ ບັນດາແຂວງທີ່ມີຊາຍແດນ ຕິດຈອດກັນ. ກອງປະຊຸມໄດ້ຟັງຄຳຄິດເຫັນຈາກການນຳສະຫະພັນແມ່ຍິງ 3 ຊາດ ລາວ, ຫວຽດ ນາມ, ກຳປູເຈຍ. ຊຶ່ງໃນນີ້ ທ່ານ ດຣ ນາງ ອິນລາ ວັນ ແກ້ວບຸນພັນ ປະທານຄະນະ ບໍລິຫານງານສູນກາງສະຫະພັນແມ່ຍິງລາວ ໄດ້ກ່າວເຖິງພາລະບົດບາດຂອງສະ ຫະພັນແມ່ຍິງລາວ ໃນຖານະທີ່ເປັນອົງການຕົວແທນແຫ່ງການປົກປ້ອງສິດ ແລະ ຜົນ ປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍລາວໃນຂອບ ເຂດທົ່ວປະເທດ, ເປັນບ່ອນເຕົ້າໂຮມຄວາມສາມັກຄີ ແລະ ປຸກລະດົມແມ່ຍິງໃຫ້ເຂົ້າຮ່ວມໃນພາລະກິດປົກປັກຮັກສາ ແລະ ສ້າງສາ ປະເທດ ຊາດ, ເສີມຂະຫຍາຍສິດເປັນເຈົ້າຂອງແມ່ຍິງລາວບັນດາເຜົ່າ, ປົກປັກຮັກສາສິດ ແລະ ຜົນປະໂຫຍດອັນຊອບທຳຂອງເດັກນ້ອຍ, ປະກອບສ່ວນຢ່າງຕັ້ງໜ້າໃນການບັນລຸ ທຸກເປົ້າໝາຍເພື່ອການພັດທະນາ. ໃນນັ້ນ ສະຫະພັນແມ່ຍິງລາວ ລົງເລິກການສັງລວມ ຂໍ້ມູນຂອງ ຕົວຊີ້ວັດສຳລັບເປົ້າໝາຍທີ 5 ທີ່ຕິດພັນກັບການຮ່ວມມືກັບພາກພື້ນ ແລະສາກົນ, ສະຫະພັນແມ່ຍິງລາວ ໄດ້ສືບຕໍ່ ເສີມຂະຫຍາຍມິດຕະ ພາບທີ່ເປັນມູນເຊື້ອ, ຄວາມສາມັກຄີກັບບັນດາປະເທດເພື່ອນມິດໃກ້ຄຽງ ໂດຍສະເພາະແມ່ຍິງຫວຽດນາມ ແລະ ກຳປູເຈຍ, ມີການໄປ ມາຫາສູ່ແລກປ່ຽນຄະນະຜູ້ແທນ, ແລກປ່ຽນບົດຮຽນດ້ານຄວາມຮູ້ວິຊາການ ແລະ ເຊັນບົດບັນທຶກຮ່ວມມືກັນ, ສະໜັບສະໜູນເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນຕະຫຼອດ ມາ ແລະ ຈະສືບຕໍ່ເສີມສ້າງມິດຕະພາບ ເພື່ອຜົນປະໂຫຍດຂອງປະຊາຊົນ 3 ຊາດ ລາວ, ຫວຽດນາມ, ກຳປູເຈຍ, ທັງປະກອບສ່ວນເຂົ້າໃນພາລະກິດສັນຕິພາບ, ມິດຕະພາບ ແລະ ການຮ່ວມມື ເພື່ອການພັດທະນາໃນ ພາກພື້ນ ແລະ ໃນໂລກ.

      ໃນວາລະກອງປະຊຸມ ທ່ານນາງ ຈອມແພງ ພູມປັນຍາ ຫົວໜ້າກົມຈັດຕັ້ງ-ພະນັກງານ ສູນກາງສະຫະພັນແມ່ຍິງລາວ ຍັງໄດ້ຂຶ້ນ ນຳສະເໜີບົດສະຫຼຸບການເຂົ້າຮ່ວມຂອງສະຫະພັນແມ່ຍິງລາວໃນວຽກ ງານສະກັດກັ້ນ ແລະ ຕ້ານການຄ້າມະນຸດ ຂອງ ສປປ ລາວ ແລະ ທ່ານນາງ ສຸດາລາ ຈັນທະວີທອງ ຫົວໜ້າຫ້ອງການ ສູນກາງສະຫະພັນແມ່ຍິງລາວ ກໍໄດ້ນຳສະເໜີບົດ ຮຽນໃນການຜັນຂະຫຍາຍການ ປະຕິບັດບັນດາຈຸດໝາຍພັດທະນາແບບຍືນຍົງ ເພື່ອປັບປຸງແກ້ໄຂໃຫ້ສອດຄ່ອງກັບແຜນຍຸດທະສາດ. ຄະນະຜູ້ແທນສະຫະພັນແມ່ຍິງ ທັງ 3 ປະເທດ ຍັງໄດ້ຮ່ວມກັນຄົ້ນຄວ້າປະກອບຄຳເຫັນຢ່າງຕັ້ງໜ້າ, ກົງໄປກົງມາ ເພື່ອເຮັດໃຫ້ການປະຕິບັດບັນດາຈຸດໝາຍ ແຫ່ງການ ພັດທະນາໄດ້ຮັບຜົນສຳເລັດ ຕາມຄາດໝາຍ.

71

ການຈັດກອງປະຊຸມຄັ້ງນີ້ ຄະນະນຳສະຫະພັນແມ່ຍິງລາວ,ຫວຽດນາມ ແລະ ກຳປູເຈຍ ຍັງໄດ້ຕີລາຄາສູງຕໍ່ສາຍພົວພັນມິດ ຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານ ຊຶ່ງໄດ້ຮັບ ການເສີມຂະຫຍາຍເປັນຢ່າງດີໃນໄລຍະຜ່ານມາ, ພ້ອມກັນນັ້ນ ທັງ 3 ຝ່າຍ ໄດ້ເຫັນ ດີຈະສືບຕໍ່ຊຸກຍູ້ການແລກປ່ຽນບົດຮຽນ ແລະ ການຢ້ຽມຢາມຊຶ່ງກັນ ແລະ ກັນ ຂອງຄະນະຜູ້ແທນສະຫະພັນແມ່ຍິງໃນ ທຸກລະດັບ ເພື່ອປຶກສາຫາລື, ຖອດຖອນບົດຮຽນ ແລະ ຊຸກຍູ້ການຮ່ວມມືທີ່ມີມາ ແລ້ວນັ້ນ ໃຫ້ມີປະສິດທິຜົນສູງຂຶ້ນ, ໂດຍສະເພາະສືບ ຕໍ່ຊຸກຍູ້ການຮ່ວມມືໃນດ້ານ ເສດຖະກິດ-ການຄ້າ, ການທ່ອງທ່ຽວ ແລະ ວັດທະນະທຳ-ສັງຄົມ.

      ໂອກາດດຽວກັນນີ້ຄະນະຜູ້ແທນສະຫະພັນແມ່ຍິງລາວ ຍັງໄດ້ໄປຢ້ຽມຊົມ ເຮືອນວັດທະນະທຳແມ່ຍິງ ນະຄອນໂຮ່ຈີ ມິນ ແລະ ບໍລິສັດຫຸ້ນສ່ວນຟູ່ເຫຍີນ ຜະລິດ ເຄື່ອງປະດັບ ເງິນ, ຄຳ ຫີນ ມີຄ່າອີກດ້ວຍ.

                                                                                                                                                                                                                                                                                        ໂດຍ: ເພັດທອງຄຳ