166

ໂດຍປະຕິບັດຕາມໜັງສືສະເໜີຈາກສະຫະພັນແມ່ຍິງທົ່ວປະເທດຈີນ ສະບັບລົງວັນທີ 5 ພຶດສະພາ 2017 ກ່ຽວກັບການເຫັນດີມອບເງິນຊ່ວຍ ເຫຼືອໃຫ້ແກ່ສູນກາງສະຫະພັນແມ່ຍິງລາວ (ສສຍລ) ໃນມູນຄ່າ 500,000 ຢວນ, ດັ່ງນັ້ນ, ພິທີມອບເຄື່ອງດັ່ງກ່າວຈຶ່ງໄດ້ຈັດຂຶ້ນໃນ ວັນທີ 2 ມີນາ ທີ່ສູນ ອົບຮົມແມ່ຍິງລາວ ໃຫ້ກຽດຮັບໂດຍ ທ່ານ ດຣ ນາງ ອິນລາວັນ ແກ້ວບຸນພັນ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະ ພັນແມ່ຍິງລາວ ພ້ອມດ້ວຍຄະນະ ແລະ ຕາງໜ້າມອບໂດຍທ່ານ ຫວ່າງ ເຫວີນ ທຽນ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ.

      ເຄື່ອງທີ່ນໍາມາມອບໃນຄັ້ງນີ້ ມີ ອຸປະກອນ ແລະ ເຄື່ອງໃຊ້ຫ້ອງການ ປະກອບມີ 160 ລາຍການ ໃນນີ້ ມີ: ຄອມພິວ ເຕີ, ປຣິນເຕີ (ເຄື່ອງພິມເອກະສານ), ເຄື່ອງ ແຟັກເອກະສານ, ຈັກກັອບປີ (ເຄື່ອງສໍາເນົາ ອັດເອກະສານ), ເຄື່ອງສຽງຫ້ອງປະຊຸມ, ໂຕະ, ຕັ່ງ, ໄມຕັ້ງໂຕະສໍາ ລັບຫ້ອງປະຊຸມ ລົດຕູ້ ເພື່ອນໍາໃຊ້ໃນການບໍລິການສຸຂະ ພາບແມ່ ແລະ ເດັກ 1 ຄັນ ແລະ ອື່ນໆ ລວມມູນຄ່າທັງໝົດ 500,000 ຢວນ, (ປະ ມານ 660,000,000 ກີບ) ເຄື່ອງທີ່ນໍາ ມາມອບໃນຄັ້ງນີ້ ແມ່ນຈະນໍາໃຊ້ເຂົ້າໃນ ການພັດທະນາແມ່ຍິງ, ນໍາໃຊ້ໃນວຽກງານ ຂອງຫ້ອງການ, ກົມ, ສູນ ຂອງ ສສຍລ ຈໍານວນໜຶ່ງ ແລະ ອີກຈໍານວນໜຶ່ງຈະ ນໍາໄປມອບໃຫ້ ສຍ ແຂວງ ແລະ ເມືອງ ທີ່ທຸກຍາກ ເພື່ອນໍາໃຊ້ເຂົ້າໃນວຽກງານ ຂອງເຂົາເຈົ້າ.

      ເຂົ້າຮ່ວມພິທີໃນຄັ້ງນີ້ມີຕາງໜ້າ ຈາກສູນກາງແນວລາວສ້າງຊາດ, ສູນກາງ ສະຫະພັນກໍາມະບານ, ສູນກາງຊາວໜຸ່ມ ປະຊາຊົນປະຕິວັດລາວ ແລະ ຫ້ອງການ, ກົມ, ສູນ ທີ່ຂຶ້ນກັບ ສສຍລ.

                                                                                                                                                                                                                                                                                  ໂດຍ: ອິນດາວອນ