90

ຄອບຄົວ ທ່ານ ສົມຈິດ ແລະ ທ່ານນາງ ມໍລໍ່ ຫາລົ່ງ ເປັນຄອບຄົວ ທີ່ ຮັກການອອກແຮງງານເພີ່ມພູນຜະລິດ ຜົນ ໂດຍສະເພາະການປູກພືດຜັກຕ່າງໆ. ທ່ານ ສົມຈິດ ຫາລົ່ງ ແມ່ນພະນັກງານຫ້ອງວ່າການ ປົກຄອງແຂວງ ຊຽງຂວາງ. ສ່ວນ ຜູ້ເປັນເມຍ ແລະ ລູກ ເປັນປະຊາ ຊົນ ແລະ ນັກສຶກສາ.

      ຈຸດເລີ່ມຕົ້ນຂອງກິດຈະກຳ ແມ່ນເກີດຈາກການປູກຜັກເຮັດສວນຄົວນ້ອຍຢູ່ເຮືອນ ບວກກັບລາຄາຜັກຢູ່ທ້ອງຕະຫຼາດສູງຂຶ້ນ ແລະ ສິ່ງສຳຄັນແມ່ນມີແນວ ທາງຂອງພັກ-ລັດສົ່ງເສີມໃຫ້ພະນັກງານ-ລັດຖະກອນຫາລາຍໄດ້ເພີ່ມມາສູ່ຄອບ ຄົວນອກໂມງລັດຖະການຢ່າງຖືກຕ້ອງ ຕາມກົດໝາຍ, ມາຮອດກາງປີ 2017 ຄອບຄົວ. ທ່ານ ສົມຈິດ ຈຶ່ງຕັດສິນ ໃຈຢືມ ເງິນຈາກກອງທຶນພັດທະນາແມ່ຍິງແຂວງ ຈຳນວນ 15 ລ້ານກີບ ສົມທົບ ກັບເງິນສະສົມໃນຄອບຄົວຈຳນວນໜຶ່ງ ໄປເຊົ່າດິນ ຢູ່ບ້ານ ພູຫູ້ມ ເມືອງ ແປກ 3 ເຮັກຕາເປັນໄລຍະ 3 ປີ.

      ທ່ານ ສົມຈິດ ໃຫ້ຮູ້ວ່າ: ການປູກ ຝັງເລີ່ມຈາກການແປງຮົ້ວ, ໄຖປັບໜ້າດິນ ປູກຝັງ ມາແຕ່ກາງເດືອນສິງຫາປີນີ້. ປັດ ຈຸບັນ ມີເນື້ອທີ່ປູກຜັກກາດຂາວ 3.000 ຕາແມັດ ຊຶ່ງຄາດວ່າເກັບກູ້ຜັກໄດ້ເປັນ ຊຸດທຳອິດ 13.200 ກິໂລກຼາມ/ ຊຸດ (45 ມື້) ໃນນີ້ ເກັບກູ້ຂາຍແລ້ວ 8.400 ກິໂລ ກຼາມ ຂາຍໃນລາຄາ 22.000 ກີບ ຕໍ່ 12 ກິ ໂລກຼາມ (1 ໝື່ນ), ໄດ້ເງິນ 15.400.000 ກີບ, ແມ່ຄ້າທີ່ມາຊື້ສ່ວນຫຼາຍແມ່ນມາ ຈາກນະຄອນຫຼວງວຽງຈັນ. ອອກແລ້ງນີ້ ມີແຜນຈະຂະຫຍາຍເນື້ອ ທີ່ສວນຕື່ມອີກ 6.000 ຕາແມັດ ຊຶ່ງຈະປູກຜັກກາດໄຮ່, ຜັກກາດຕີນໝີ, ໝາກຖົ່ວ ແລະ ຜັກຫອມ ປະເພດຕ່າງໆ ເພື່ອ ປ້ອນໃຫ້ຕະຫຼາດໃນ ເທດສະບານໂພນສະຫວັນ ແລະ ສົ່ງອອກ ຕ່າງແຂວງຈຳນວນໜຶ່ງ.

      ພາຍຫຼັງເລີກການຕອນແລງ ທ່ານ ສົມຈິດ ແລະ ຄອບຄົວໄດ້ໃຊ້ເວລາຢູ່ກັບ ສວນຜັກ ເພື່ອໃສ່ຝຸ່ນ, ຫົດນ້ຳ, ຫຼົກ ຫຍ້າ ແລະ ອອກແຮງງານຢູ່ເຮືອນຊານ ແລະ ຕາມສວນຜັກຂອງຕົນ. ທ່ານ ສົມຈິດ ກ່າວ ວ່າ: ການປູກຜັກຕ້ອງໄດ້ເອົາໃຈ ໃສ່ຫຼາຍ ໂດຍສະເພາະແມ່ນການບົວລະບັດຮັກ ສາ. ນ້ຳທີ່ໃຊ້ຫົດຜັກແມ່ນໃຊ້ຈັກສູບຂຶ້ນໂດຍໃຊ້ທໍ່, ໃຊ້ສະແປ໋ງເກີຫົດ ນ້ຳສວນ, ຕອນກາງຄືນໄດ້ລຸກມາຂ້າແມງໄມ້ ແລະ ສັດຕູພືດທີ່ມາທຳລາຍຜັກ. ການປູກເບື້ອງ ຕົ້ນແມ່ນໃສ່ຝຸ່ນຮອງພື້ນເລັກ ນ້ອຍ ຈາກນັ້ນແມ່ນໃສ່ຝຸ່ນຄອກຈົນຮອດມື້ເກັບກູ້. ຍ້ອນຄວາມດຸໝັ່ນຂະຫຍັນພຽນຂອງທ່ານ ສົມຈິດ ແລະ ຄອບຄົວ, ທາງຄະ ນະພັກ ຄະນະນຳ ກໍຄືພະນັກງານ ຫ້ອງວ່າການປົກຄອງແຂວງຈຶ່ງໄດ້ລົງຢ້ຽມຢາມກິດຈະກຳ ພ້ອມທັງສະແດງຄວາມຊົມ ເຊີຍໃຫ້ກຳລັງໃຈແລກປ່ຽນບົດຮຽນ ຮ່ວມກັນ.

91

ທ່ານ ວຽງທອງ ບຸນທະພອນ ຮອງ ຫົວໜ້າຫ້ອງວ່າການປົກຄອງແຂວງຊຽງ ຂວາງ ໄດ້ສະແດງຄວາມຍ້ອງຍໍຊົມເຊີຍ ຄອບຄົວຫາລົ່ງ ທີ່ມີແນວຄິດພັດທະນາ, ມີຄວາມດຸໝັ່ນ ພາກພຽນພະຍາມ, ກ້າ ຕັດສິນໃຈລົງທຶນປູກຜັກ ຊຶ່ງເປັນແບບ ຢ່າງທີ່ດີແກ່ໝູ່ຄູ່ ພະນັກງານ-ລັດຖະກອນ ດ້ວຍກັນ. ນອກນີ້ ທ່ານຍັງສະເໜີໃຫ້ທ່ານ ສົມຈິດ ຂະຫຍາຍເນື້ອທີ່ປູກຝັງໃຫ້ ຫຼາຍຂຶ້ນຕື່ມເພື່ອຜະລິດຮັບໃຊ້ປີທ່ອງ ທ່ຽວລາວ 2018, ຮອງຮັບງານມະຫາກຳກິລາ ແຫ່ງຊາດ ຄັ້ງທີ 11 ທີ່ຊຽງຂວາງ ເປັນເຈົ້າພາບ, ກະກຽມຮັບທົ່ງໄຫຫີນເປັນມໍລະ ດົກໂລກ ແລະ ງານບຸນປະເພນີອື່ນໆ ຂອງແຂວງ.          

                  

                                                                                                                                                                                                                                                                       ໂດຍ: ບຸນມີ ແສງທຸມມີ