83

ລະບົບການສຶກສາຂອງປະເທດເຮົາເປັນລະບົບການສຶກສາເອກະພາບຕາມ ຮູບແບບ ຄື: ການສຶກສາກ່ອນໄວຮຽນ, ສາ ມັນສຶກສາ, ອາຊີວະສຶກສາ ແລະ ການສຶກສາຊັ້ນສູງເປົ້າໝາຍຫຼັກກໍ່ເພື່ອພັດທະນາຊັບພະຍາກອນມະນຸດ, ສ້າງຄົນໃຫ້ມີຄວາມ ຮູ້ຄວາມສາມາດ, ມີວິຊາຊີບ ແລະ ມີຄວາມຊຳນານງານ ເພື່ອເປັນພື້ນຖານຮອງຮັບໃຫ້ແກ່ການດຳລົງຊີວິດ, ການສ້າງວຽກເຮັດ ງານທຳທີ່ມີຄຸນຄ່າ ແລະ ປະກອບສ່ວນເຂົ້າ ໃນການສ້າງສາພັດທະນາປະເທດຊາດ.ອາຈານ ໂນລາ ແກ້ວດວງສີ ຜູ້ອໍານວຍ ການໂຮງຮຽນປະຖົມສົມບູນມີໄຊ ເມືອງຈັນ ທະບູລີ ນະຄອນຫຼວງວຽງຈັນ ໃຫ້ສໍາພາດ ວ່າ: ສໍາລັບການຮຽນ-ການສອນຂອງໂຮງຮຽນພວກເຮົາ ແຕ່ ປໍ1-ປໍ5 ແມ່ນຖືເອົາ 5 ຫຼັກມູນຂອງການສຶກສາທີ່ ກະຊວງສຶກສາວາງອອກ ຄື: ຄຸນສົມບັດສຶກສາ, ປັນຍາສຶກສາ, ສິລະປະສຶກສາ, ແຮງງານສຶກສາ ແລະ ພາລະສຶກສາ ຕິດພັນກັບຫຼັກການສອນ ແບບດາວ 5 ແຈ ຄື: ເທັກນິກການຕັ້ງຄໍາຖາມ, ກິດຈະກໍາກຸ່ມ, ບັນຍາກາດໃນການຮຽນ, ອຸປະ ກອນການຮຽນ-ການສອນ ແລະ ສາມາດນໍາໄປໝູນໃຊ້ໃນຊີວິດປະຈໍາວັນໄດ້. ໃນແຕ່ລະເດືອນໄດ້ສົ່ງໃບຄະແນນຜົນການກວດ ກາປະຈໍາເດືອນ ແລະ ສ່ອງແສງ ການປະພຶດຂອງນັກຮຽນໃຫ້ພໍ່ແມ່ຜູ້ປົກ ຄອງຮັບຮູ້ນໍາເປັນປະຈໍາ ເພື່ອເປັນເຈົ້າການ ໃນການຕິດຕາມຜົນການຮຽນຂອງລູກ ແລະ ພໍ່ແມ່ນັກຮຽນກໍສາມາດຕໍານິສົ່ງຂ່າວຕໍ່ຄູອາຈານໄດ້, ເຮັດໃຫ້ການຮຽນ-ການສອນ ໃນໂຮງຮຽນມີຄຸນນະພາບ, ສ້າງໄດ້ນັກຮຽນ ດີມີມາລະຍາດ. ນອກຈາກເອົາໃຈໃສ່ໃນການຮຽນ-ການສອນແລ້ວ ຍັງໄດ້ຖືສໍາ ຄັນ ຕໍ່ການຕ້ານປະກົດການຫຍໍ້ທໍ້ໃນສັງຄົມ ໂດຍປະຕິບັດຕາມແຜນການຂອງຫ້ອງການສຶກສາ ແລະ ກິລາເມືອງວາງອອກ, ສົມທົບກັບພໍ່ແມ່ນັກຮຽນໃນການສຶກສາອົບຮົມລູກເຕົ້າ. ໄລຍະເປີດສົກຮຽນໃໝ່ແຕ່ ລະປີ ທາງໂຮງຮຽນໄດ້ເອົາກົດລະບຽບຂອງ ໂຮງຮຽນໃຫ້ພໍ່ແມ່ນັກຮຽນໄດ້ຮັບຮູ້ນໍາ ເພື່ອເປັນເຈົ້າການແນະນໍາໃຫ້ລູກປະຕິບັດກົດລະບຽບຂອງໂຮງຮຽນ ໂດຍສະເພາະ ບໍ່ໃຫ້ ລູກເອົາໂທລະສັບ ຫຼື ສິ່ງຂອງມີຄົມ, ວັດຖຸ ທີ່ມີມູນຄ່າສູງມາໂຮງຮຽນນໍາ ເພື່ອຫຼີກເວັ້ນບັນຫາຫຍໍ້ທໍ້ທີ່ອາດຈະເກີດຂຶ້ນ.

84

ອາຈານ ຄຳແພງ ພັດທະດາວົງ ອຳນວຍການໂຮງຮຽນວິທະຍາໄລແສງ ສະຫວັນ ໃຫ້ສຳພາດວ່າ: ຄູຄືແມ່ພິມຂອງ ຊາດ, ຄູເປັນຜູ້ໜຶ່ງທີ່ໄດ້ປະກອບສ່ວນອັນໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ ກໍຄືສ້າງສາພັດທະນາປະເທດຊາດ, ມີຖານະບົດບາດຖ່າຍທອດຄວາມຮູ້ໃຫ້ ແກ່ນັກຮຽນ, ນັກສຶກສາ, ປັນຍາຊົນ, ເປັນເຄື່ອງມືຮັບໃຊ້ໜ້າທີ່ໃນການພັດທະນາຄົນ ໃນສັງຄົມໃຫ້ມີຄວາມຈະເລີນງອກງາມ. ວັນທີ 7 ຕຸລາ ເປັນວັນທີ່ມີຄວາມໝາຍປະ ຫວັດສາດ ແລະ ຄວາມເປັນມາຂອງວັນ ຄູແຫ່ງຊາດ. ທຸກໆໂຮງຮຽນກໍໄດ້ຈັດກິດຈະ ກໍາ, ສະເຫຼີມສະຫຼອງ ເພື່ອລະນຶກເຖິງບຸນຄຸນຄູຜູ້ທີ່ໄດ້ສົ່ງຄວາມຮູ້ ເວົ້າສະເພາະກໍ ແມ່ນລະນຶກເຖິງບຸນຄຸນຂອງນາຍຄູຄໍາ ຊຶ່ງເປັນຄູລາວຜູ້ທໍາອິດທີ່ໄດ້ຖ່າຍທອດຄວາມຮູ້ໃຫ້ແກ່ພະສົງ, ປະຊາຊົນລາວບັນດາ ເຜົ່າໃນເມື່ອກ່ອນ ແລະ ໄດ້ສືບທອດ, ເຕີບໃຫຍ່ຂະຫຍາຍຕົວມາເຖິງພວກເຮົາລູກຫຼານຮຸ່ນສືບທອດ ໃນປະຈຸບັນ ມີເພິ່ນໃນ ວັນນັ້ນຈຶ່ງ ມີເຮົາໃນວັນນີ້Ž.

      ທ່ານນາງ ບົວທິບ ມະນີວົງ ຮອງ ຫົວໜ້າກົມຈັດຕັ້ງ-ພະນັກງານ ສູນກາງສະ ຫະພັນແມ່ຍິງລາວກ່າວວ່າ: ແຕ່ລະຊັ້ນ ຮຽນຂອງການສຶກສາໄດ້ປະກອບຫຼັກສູດຄູ່ມືການຮຽນ-ການສອນທີ່ມີເນື້ອຫາສາລະແທດເໝາະກັບແຕ່ລະຊັ້ນຮຽນ ຮັບປະກັນ ໄດ້ 3 ລັກສະນະ ແລະ 5 ຫຼັກມູນຂອງການສຶກສາ, ບຸກຄະລາກອນຄູ-ອາຈານ ປະກອບ ເຂົ້າໃນການສິດສອນ ກໍລ້ວນແຕ່ໄດ້ ຜ່ານວິຊາການຕາມມາດຕະຖານຂອງຄູ ສາມາດ ຖ່າຍຖອດຄວາມຮູ້, ສຶກສາອົບຮົມ, ມີຄວາມ ຊຳນິຊຳນານ, ມີຄຸນສົມບັດ, ມີຈັນຍາບັນ ແລະ ເປັນແບບຢ່າງທີ່ດີໃຫ້ແກ່ນັກຮຽນ. ເວົ້າເຖິງສະຖານທີ່ການສຶກສາ, ສິ່ງອຳນວຍຄວາມສະດວກ, ສະພາບ ແວດລ້ອມອື່ນໆກໍ່ໄດ້ມີການພັດທະນາໄປຕາມເງື່ອນໄຂຕົວຈິງ ເຮັດໃຫ້ຜົນໄດ້ຮັບຂອງການຮຽນ-ການສອນມີປະສິດທິພາບດີ ພໍສົມຄວນ. ຂ້າພະເຈົ້າມີຄວາມເຊື່ອໝັ້ນ ແລະ ໄວ້ວາງຕໍ່ລະບົບການສຶກສາຂອງປະເທດເຮົາ ທີ່ນັບມື້ເຕີບໃຫຍ່ຂະຫຍາຍທາງ ດ້ານປະລິມານ ແລະ ຄຸນນະພາບຕາມມາດຕະຖານດີສົມຄວນ. ສຳລັບລູກຂ້າພະເຈົ້າແຕ່ລະຄົນ ກໍໄດ້ເຂົ້າຮຽນຢູ່ໂຮງຮຽນ ຂອງລັດ ປະຈຸບັນ ກໍ່ຍັງມີລູກທີ່ພວມຮຽນຢູ່ຊັ້ນມັດທະຍົມ ຕອນປາຍ ມໍ6 ໂຮງຮຽນວຽງຈັນ-ໂຮຈີ່ມິນ ຖືວ່າເປັນໂຮງຮຽນທີ່ໄດ້ ມາດຕະຖານ ແລະ ໄດ້ຮັບຄວາມເຊື່ອໝັ້ນ ໄວ້ເນື້ອເຊື່ອໃຈໃນລະດັບດີຈາກຜູ້ປົກຄອງ. ສິ່ງສຳຄັນ ນັກ ຮຽນເອງຕ້ອງເປັນເຈົ້າ ການເອົາໃຈໃສ່ຕໍ່ການສຶກສາຄົ້ນຄວ້າຮ່ຳຮຽນ, ປະຕິບັດຕາມລະບຽບການຕ່າງໆຂອງໂຮງຮຽນວາງອອກ ໃຫ້ກາຍເປັນນັກຮຽນດີ ຮຽນເກັ່ງຂອງຄູອາ ຈານ, ເປັນລູກຮັກທີ່ດີຂອງພໍ່ແມ່ ແລະ ເປັນ ຜູ້ສືບທອດທີ່ດີຂອງປະເທດຊາດ.