99

ກິດຈະກຳປີທ່ອງທ່ຽວລາວ 2018 ນອກຈາກແນໃສ່ບັນດາກິດຈະກຳໃນການສົ່ງເສີມບຸນປະເພນີ ແລະ ເທດສະການຕ່າງໆຂອງບັນດາແຂວງໃນຂອບເຂດທົ່ວປະເທດ ທີ່ເປັນການໂຄສະນາເຜີຍແຜ່ ວັດທະນະທຳອັນດີງາມ, ປະຫວັດສາດ ອັນເປັນມູນເຊື້ອຂອງລາວ ແລະ ຄວາມອຸ ດົມສົມບູນຮັ່ງມີທາງດ້ານທຳມະຊາດທີ່ສວຍງາມຂອງປະເທດລາວແລ້ວ ຍັງມີການ ໂຄສະນາບັນດາງານບຸນຕ່າງໆທີ່ບັນດາ ແຂວງຈະຈັດຂຶ້ນໃນປີ 2018.

      ທ່ານນາງ ຕຸລາພອນ ອະລິຍະ ປະທານ ສຍ ແຂວງຜົ້ງສາລີ ໃຫ້ຮູ້ວ່າ: ແຂວງຜົ້ງສາລີໄດ້ສຸມໃສ່ສ້າງພື້ນຖານໂຄງ ລ່າງເພື່ອຮອງຮັບ ແລະ ບໍລິການແຂກພາຍໃນ ແລະ ຕ່າງປະເທດ, ປະຈຸບັນ ກຳລັງກະກຽມຍົກຍ້າຍຫ້ອງວ່າການປົກຄອງ ແຂວງໄປຕັ້ງຢູ່ເທດສະບານເມືອງ ບູນເໜືອ. ພ້ອມນີ້ ສຍ ແຂວງໄດ້ຮ່ວມ ກັບພະແນກການຄ້າແຂວງ ປຸກລະດົມ ຊຸກຍູ້ ແລະ ສົ່ງເສີມຜະລິດຕະພັນສິນຄ້າ, ສາມາດຮັບຮອງເປັນຜະລິດຕະພັນໂອດອັບ ແລະ ໄດ້ຜ່ານກົມອາຫານ ແລະ ຢາ (ອຢ) ມີນ້ຳເຜິ້ງສົດບ້ານແສນລາດ (ເມືອງ ຂວາ), ກາໝາຍຫັດຖະກຳຕໍ່າຫູກຂອງກຸ່ມແມ່ຍິງບ້ານລອງນາຍເກົ່າ (ເມືອງບູນໃຕ້), ຊາ ພຽງໂມຢາ, ຊາຂຽວ ແລະ ຊາບັ້ງລຸງຈິງ ຂອງ (ເມືອງຜົ້ງສາລີ). ອົງການຈັດຕັ້ງ ສຍ, ຊາວໜຸ່ມ ແລະ ກຳມະບານໄດ້ປະ ສານສົມທົບກັນ ແລະ ເປັນເຈົ້າການປຸກລະດົມໃຫ້ສະມາຊິກປະຕິບັດຄຳຂວັນ 3 ສໍ ຂອງແຂວງ ຄື: ສ້າງໃຫ້ແຂວງມີຄວາມ ສະຫງົບ, ສະອາດ ແລະ ສີຂຽວ. ໄປພ້ອມໆ ກັບການຈັດຕັ້ງປະຕິບັດຄຳສັ່ງວ່າດ້ວຍ ການຕ້ານ ແລະ ສະກັດກັ້ນປະກົດ ການຫຍໍ້ທໍ້ໃນສັງຄົມ ເພື່ອກະກຽມໃຫ້ແກ່ງານ ກີລາໝາກຄອນ 3 ປະເທດ ລາວ,ຫວຽດ ນາມ ແລະ ຈີນທີ່ຈະຈັດຢູ່ນະຄອນ ພູ ເອີ ສປ ຈີນ ໃນມໍ່ໆນີ້.

      ທ່ານນາງ ສົມແປງ ໃຈຍະສັກ ປະທານ ສຍ ແຂວງບໍ່ແກ້ວ ໃຫ້ຮູ້ວ່າ: ກິດຈະກຳເດັ່ນຂອງແຂວງ ບໍ່ແກ້ວ ຈະຈັດຂຶ້ນ ໄລຍະປີທ່ອງທ່ຽວລາວ 2018 ເນັ້ນໃສ່ ການເຕົ້າໂຮມຄວາມສາມັກຄີປະຊາຊົນ ບັນດາເຜົ່າ ແລະ ອະນຸລັກຮີດຄອງປະເພ ນີອັນດີງາມຂອງແຕ່ລະຊົນເຜົ່າ ເຊັ່ນ: ບຸນປະເພນີເຜົ່າກຶມມຸ, ບຸນກິນຈຽງເຜົ່າມົ້ງ, ງານວັດທະນະທຳບັນດາເຜົ່າ ຂອງ ແຂວງ, ຂອງແຕ່ລະເມືອງ, ບຸນຊ່ວງເຮືອ, ໄຫຼເຮືອ ໄຟ ຄະນະ ສຍ ແຂວງຂໍເຊີນຊວນສະ ມາຊິກກໍຄືແມ່ຍິງພາຍໃນແຂວງ ຈົ່ງພ້ອມ ກັນເປັນເຈົ້າການປະກອບສ່ວນເປັນເຈົ້າພາບທີ່ດີເຮັດໃຫ້ປີທ່ອງທ່ຽວລາວ ນີ້ມີ ຄວາມໝາຍຄວາມສຳຄັນເປັນໜ້າປະທັບ ໃຈຕໍ່ແຂກ, ນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ຈົດຈຳ ແລະ ຢາກຫວນຄືນມາຢ້ຽມຢາມແຂວງບໍ່ແກ້ວອີກຄັ້ງ.

100

ທ່ານນາງ ບູນທະວີ ສິງວິໄລ ຮອງປະທານ ສຍ ແຂວງ ໄຊສົມບູນ ໃຫ້ຮູ້ ວ່າ: ກິດຈະກຳ ແລະ ງານບຸນຂອງແຂວງ ໄຊສົມບູນ ເພື່ອຕ້ອນຮັບປີທ່ອງທ່ຽວລາວ ນີ້ ມີບຸນປະເພນີຂອງເຜົ່າມົ້ງ ກໍ່ຄືບຸນກິນຈຽງທີ່ປະຊາຊົນໃນແຂວງໄດ້ປະຕິບັດ ເປັນ ປະຈຳທຸກໆປີ ໂດຍມີ 5 ກິດຈະກຳຫຼັກ ຄື: ງົວຊົນງົວ, ໂຍນໝາກຄອນ, ຕີໝາກ ຂ່າງ, ການປະກວດສິລະປະວັນ ນະຄະດີຂອງບັນດາເຜົ່າ ແລະ ວາງສະແດງສິນຄ້າ ກະສິກຳ-ຫັດຖະກຳ. ຄະນະ ສຍ ແຕ່ລະຂັ້ນ ໄດ້ປຸກລະດົມແມ່ຍິງບັນ ເຜົ່າພາຍໃນແຂວງ ເປັນເຈົ້າການ ແລະ ມີສ່ວນຮ່ວມໃນກິດຈະກຳສຳລັບປີທ່ອງທ່ຽວລາວ ດ້ວຍການ ສ້າງເສດຖະ ກິດຄອບຄົວ ແລ້ວຫັນເປັນ ສິນຄ້າ ເພື່ອຮອງຮັບແຂກຄົນທີ່ມາທ່ຽວ. ພ້ອມທັງຈັດງານວາງສະແດງສິນຄ້າທີ່ຜະລິດຈາກ ແມ່ຍິງໂດຍກົງ ເຊັ່ນ: ການຕໍ່າ ຫູກທໍໄໝ, ປູກມອນລ້ຽງມ້ອນ, ການຜະ ລິດຊາຂີງດຳ, ປູກໝາກກ້ຽງ, ການຈັກ ສານ. ນອກຈາກນີ້ ຍັງມີການວາງສະແດງ ຊຸດປະຈຳເຜົ່າທີ່ເປັນເອກະລັກ ເຊັ່ນ: ຊຸດ ເຜົ່າມົ້ງ, ເຜົ່າກຶມມຸ, ເຜົ່າອີວມ້ຽນ, ເຜົ່າລາວ.

                                                                                                                                                                                                                               ໂດຍ: ສຍ ແຂວງ ຜົ້ງສາລີ, ບໍ່ແກ້ວ ແລະ ໄຊສົມບູນ