ຂ່າວຕ່າງແຂວງ

ຮາກຖານ ສຍ ໂຮງໝໍແຂວງສໍາເລັດກອງປະຊຸມໃຫຍ່ຄັ້ງທີ I

      ຮາກຖານ ສຍ ໂຮງໝໍແຂວງໄດ້ດໍາເນີນກອງປະຊຸມໃຫຍ່ຄັ້ງທີ I ໂດຍການເຂົ້າຮ່ວມຂອງທ່ານນາງ ຕຸລາ ພອນ ອະລິຍະ ປະທານ ສຍ ແຂວງ. ທ່ານ ນາງ ເພັງສະຫວັນ ສຸລິໃຈ ຫົວໜ້າຮາກຖານ ສຍ ແຂວງ ຜ່ານບົດລາຍງານການເມືອງທັງສອງພາກ ຊຶ່ງໄດ້ສະແດງໃຫ້ເຫັນຜົນງານທີ່ພົ້ນເດັ່ນ ໃນການຈັດຕັ້ງ ປະຕິບັດວຽກງານໂດຍສະເພາະການປະຕິບັດເນື້ອໃນຂໍ້ແຂ່ງຂັນ 3 ດີ. ກອງປະຊຸມໄດ້ປ່ອນບັດຄັດເລືອກເອົາຄະນະໜ່ວຍຊຸດໃໝ່ ເລືອກໄດ້ທ່ານນາງ ຈັນສຸກ ສີກາປັນຍາ ເປັນຫົວໜ້າໜ່ວຍ, ທ່ານນາງ ສອນສະຫວັນ ສຸລິ ເປັນ ຮອງ ທັງເປັນປະທານກວດກາ ແລະ ທ່ານນາງ ບົວແສງ ພິມມະຈັນ ເປັນຄະນະ.

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສຍ ນະຄອນຫຼວງວຽງຈັນ ເຜີຍແຜ່ເອກະສານສຳຄັນ

      ເມື່ອບໍ່ດົນມານີ້ ທ່ານນາງ ຄໍາໄພ ລັດສະໝີ ປະ ທານ ສຍ ນະຄອນຫຼວງວຽງຈັນ ໄດ້ເຜີຍແຜ່ເອກະສານກ່ຽວກັບມະຕິກອງປະຊຸມຄົບຄະນະ ບໍລິຫານ ງານ ສສຍລ ຄັ້ງທີ 3 ສະໄໝ ທີ VII ແລະ ວຽກງານຈຸດສຸມຂອງ ສຍນວ ນອກຈາກນີ້ ຜູ້ເຂົ້າຮ່ວມຍັງໄດ້ຮັບຟັງການຜັນຂະຫຍາຍວຽກງານ 3 ສ້າງຕິດພັນກັບ 3 ດີ, ຄູ່ມືເບື້ອງຕົ້ນ ແລະ ແບບຟອມເກັບກໍາຂໍ້ມູນການສ້າງຄອບຄົວ ແລະ ບ້ານ 3 ດີ ຕິດພັນກັບການສ້າງບ້ານພັດທະນາຕາມທິດ 3 ສ້າງ, ເຜີຍແຜ່ວຽກງານ ສົ່ງເສີມບົດບາດຍິງ-ຊາຍ ແລະ ການ ວາງແຜນພັດທະນາແມ່ຍິງ.

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ຮາກຖານ ສຍ ພະແນກກະສິກຳ ແລະ ປ່າໄມ້ ແຂວງ ຢ້ຽມຢາມການຜະລິດ

      ເມື່ອບໍ່ດົນມານີ້ ຄະນະນໍາ ແລະ ຄະນະປະທານ ຮາກຖານ ສຍ ພະແນກກະສິກຳ ແລະ ປ່າໄມ້ແຂວງ ຮ່ວມກັບອົງການ ປົກຄອງ ເມືອງ ໜອງບົກ ໄດ້ລົງເຄື່ອນໄຫວຢ້ຽມຢາມການຜະລິດຂອງປະຊາຊົນ ບ້ານດອນປາ ແດກ, ເມືອງ ໜອງບົກ.

      ນຳພາເຄື່ອນໄຫວໂດຍທ່ານ ດຣ ສະເຫຼີມສັກ ແກ້ວຈັນທະລາ ຮອງເຈົ້າເມືອງໆ ໜອງບົກ, ທ່ານນາງ ດາລຸນນີ ໄຊຍະບຸດ ຮອງຫົວໜ້າພະແນກ, ປະທານຮາກ ຖານ ສຍ ພະແນກກະສິກຳ ແລະ ປ່າໄມ້ແຂວງ.

      ເພື່ອສ້າງຄວາມເຂັ້ມແຂງໃຫ້ບັນດາແມ່ຍິງໃນຂົງເຂດກະສິກຳ ແລະ ປ່າໄມ້ຕິດພັນກັບການຜະລິດກະສິ ກຳຕົວຈິງໄດ້ຮຽນຮູ້ ແລະ ແລກປ່ຽນບົດຮຽນນຳ ກະສິກອນທີ່ປະຕິບັດຕົວຈິງ, ໃນການປູກຝັງ, ລ້ຽງສັດ. ຜ່ານການ ລົງຢ້ຽມຢາມເຫັນວ່າ ຜູ້ເຂົ້າຮ່ວມໄດ້ມີຄວາມຮັບຮູ້ເຂົ້າໃຈບົດຮຽນ ເພື່ອນຳໄປໝູນໃຊ້ເຂົ້າໃນ ຊີວິດປະຈຳວັນ ເພາະເປັນອາຊີບທີ່ສາມາດສ້າງລາຍຮັບໃຫ້ຄອບຄົວ ຊ່ວຍໃຫ້ປະຊາຊົນຫຼຸດພົ້ນຈາກຄວາມທຸກຍາກ.

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

2 ເມືອງ ຂອງແຂວງ ສະຫວັນນະເຂດປະກາດເປັນ ເມືອງ ສຍ 3 ດີ

      ສຍ ເມືອງ ຈຳພອນ ໄດ້ຈັດພິທີ ປະກາດເປັນເມືອງ ສຍ 3 ດີ ໄລຍະ I (2015-2017) ເຂົ້າຮ່ວມເປັນປະທານມີ ທ່ານນາງ ສີສະຫວັດ ໂຄດທະວົງສາ ປະທານ ສຍ ແຂວງ, ທ່ານນາງ ເຮືອງ ເພັດຊົມພູ ຮອງເລຂາພັກເມືອງ ຮອງ ເຈົ້າເມືອງ ຈຳພອນ.

      ໃນພິທີ ທ່ານນາງ ແກ້ວກ່ອງ ສຸລິຍະວົງສາ ປະ ທານ ສຍ ເມືອງ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ໄລຍະ I (2015-2017) ແລະ ທິດທາງ ແຜນການ ໄລຍະ II ປີ 2018-2019, ສຍ ເມືອງເອົາ ໃຈໃສ່ຈັດຕັ້ງປະຕິບັດຂໍ້ແຂ່ງຂັນ 3 ດີ ໄປຄຽງຄູ່ກັບຂະບວນ ການແຂ່ງຂັນຮັກຊາດ ແລະ ພັດ ທະນາ, ຂະບວນການ ຂອງພັກ-ລັດ, ອົງການຈັດຕັ້ງມະຫາຊົນຢ່າງເປັນຂະບວນ ຟົດຟື້ນ ແລະ ກວ້າງຂວາງ, ຄະນະ ສຍ ແຕ່ລະຂັ້ນໄດ້ນໍາ ເອົາເນື້ອໃນຂໍ້ແຂ່ງ ຂັນ 3 ດີ ລົງໄປເຜີຍແຜ່ໃຫ້ສະມາຊິກ ສຍ, ຍິງ-ຊາຍ ໃນສັງຄົມກໍຄືພາຍໃນເມືອງ ໄດ້ 102 ບ້ານ 25 ຮາກຖານ ແລະ 48 ໜ່ວຍ, ມີຜູ້ເຂົ້າຮ່ວມ 10.821 ຄົນ, ຊາຍ 1.936 ຄົນ, ຍິງ 8.885 ຄົນ. ຜ່ານການ ຈັດຕັ້ງປະຕິບັດ ສາມາດປະເມີນພົນລະເມືອງດີ ໄດ້ 8.814 ຄົນ ກວມ 99,76% ຂອງຜູ້ເຂົ້າຮ່ວມແຂ່ງຂັນທັງໝົດ 8.835 ຄົນ, ພັດທະນາດີ ໄດ້ 8.717 ຄົນ ກວມ 98,66%, ສ້າງຄອບຄົວດີ ໄດ້ 8.496 ຄອບຄົວ ກວມ 96,16 % ປະເພດ 1 ມີ 8.496 ຄົນ ກວມ 96,16% ປະເພດ 2 ມີ 416 ຄົນ ກວມ 4,70%, ໄດ້ຮັບໃບຢັ້ງຢືນເປັນບ້ານ 3 ດີ ໄດ້ 101 ບ້ານ ກວມເອົາ 99,01% , ຮາກຖານ 3 ດີ 25 ຮາກຖານ, ໜ່ວຍ 3 ດີ ໄດ້ 48 ໜ່ວຍ.ໂອກາດນີ້ ເມືອງທ່າປາງທອງ ກໍໄດ້ຈັດພິທີປະ ກາດເປັນເມືອງ ສຍ 3 ດີ ໄລຍະ I (2015-2017) ເຊັ່ນ ດຽວກັນ.

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ໜ່ວຍ ສຍ ຄະນະຈັດຕັ້ງແຂວງເຊກອງ ສຳເລັດກອງປະຊຸມໃຫຍ່ ຄັ້ງທີ III

      ກອງປະຊຸມໃຫຍ່ໜ່ວຍ ສຍ ຄະນະຈັດຕັ້ງແຂວງ ໄດ້ດໍາເນີນໃນທ້າຍເດືອນ ກຸມພາ ໂດຍການເຂົ້າຮ່ວມ ເປັນປະທານຂອງ ທ່ານນາງ ມະນີວອນ ສາຍນໍ້າລິນ ຮອງ ປະທານ ສຍ ແຂວງ ແລະ ທ່ານ ອ້ວນຄຳ ທຸງໄຊ ກຳມະ ການພັກແຂວງ, ຫົວໜ້າຄະນະຈັດຕັ້ງແຂວງ.

      ກອງປະຊຸມໄດ້ຮັບຟັງບົດສະຫຼຸບການເຄື່ອນໄຫວວຽກງານໄລຍະ 3 ປີ ຜ່ານມາ ແລະ ທິດທາງແຜນການໃນຕໍ່ໜ້າ ຈາກທ່ານນາງ ໝອນສະໃໝ ບຸນຄ່ອງ ເຊິ່ງມີຜົນສຳ ເລັດຫຼາຍດ້ານ ໂດຍຖືເອົາວຽກງານສຶກສາອົບຮົມການ ເມືອງ-ແນວຄິດ ນຳພາສະມາຊິກພາຍໃນໜ່ວຍເຄື່ອນ ໄຫວຕາມພາລະບົດບາດ ສິດ ແລະ ໜ້າທີ່ຂອງຕົນ ພ້ອມທັງເອົາໃຈໃສ່ຈັດຕັ້ັງປະຕິບັດຂໍ້ແຂ່ງຂັນ 3 ດີ ຂອງ ສຍລ ໂດຍຖືເອົາເນື້ອໃນດັ່ງກ່າວເປັນເນື້ອໃນດຳເນີນຊີວິດ ກໍ່ ສ້າງຊ່ວຍເຫຼືອເຊິ່ງກັນ ແລະ ກັນ. ກອງປະຊຸມໄດ້ປ່ອນ ບັດຄັດເລືອກເອົາຄະນະໜ່ວຍຊຸດໃໝ່ ເລືອກໄດ້ທ່ານນາງ ເພັດດາວອນ ວາດສະຫງ່າ ເປັນປະທານ, ທ່ານນາງ ປະ ທານພອນ ສຸວັນນະເມທີ ເປັນຮອງ ແລະ ທ່ານນາງ ເພັດ ມະນີ ທຳມະສອນ ເປັນຮອງ ທັງເປັນປະທານກວດກາ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສຍ ບ້ານດົງເກາະໂລງ ມີເງິນທ້ອນ 500 ລ້ານກວ່າກີບ

      ກອງປະຊຸມປັນຜົນເງິນທ້ອນຂອງ ສຍ ບ້ານ ດົງເກາະໂລງ ເມືອງປາກເຊ ຈັດຂຶ້ນໃນເດືອນ ກຸມພາ ໂດຍການເຂົ້າຮ່ວມຂອງ ທ່ານນາງ ອານົງສັກ ພູນສະ ຫວັດ ປະທານ ສຍ ເມືອງ.

      ທ່ານນາງ ດວງທີ ໃຜ່ຍະສານ ປະທານກອງທຶນ ໄດ້ຜ່ານບົດສະຫຼຸບ ແລະ ທິດທາງແຜນການຕໍ່ໜ້າ, ໄດ້ຍົກ ໃຫ້ເຫັນຜົນງານທີ່ພົ້ນເດັ່ນຫຼາຍດ້ານ. ບ້ານ ເກາະໂລງ ແມ່ນບ້ານໜຶ່ງໃນບັນດາບ້ານທີ່ຢູ່ໃນກຸ່ມ II ຂຶ້ນກັບເມືອງ ປາກເຊ ມີພົນລະເມືອງ 1.971 ຄົນ, ຍິງ 998 ຄົນ ມີ 318 ຄອບຄົວມີ 323 ຫຼັງຄາເຮືອນ, ໄດ້ສ້າງຕັ້ງກຸ່ມທ້ອນ ເງິນແມ່ຍິງ ແລະ ສິນເຊື່ອເງິນທ້ອນຂອງບ້ານ ມາແຕ່ເດືອນ ສິງຫາ 2005.

      ປັດຈຸບັນມີສະມາຊິກກອງທຶນ 173 ຄົນ.ຍິງ 140 ຄົນ ມີຈໍານວນ 120 ຄອບຄົວ, ມີເງິນທ້ອນທັງໝົດ 5 ຕື້ກວ່າກີບ. ໃນນັ້ນ ໄດ້ປ່ອຍກູ້ໃຫ້ສະມາຊິກ ກອງທຶນຢືມ ໄປເຮັດການຜະລິດໃນອັດຕາດອກເບ້ຍຕໍ່າ.ເມື່ອຮອດ ກຳນົດ 1 ປີ ກໍ່ສົ່ງຄືນທັງຕົ້ນທຶນ ແລະ ດອກເບ້ຍ ເພື່ອ ປັນຜົນໃຫ້ສະມາຊິກໃນທ້າຍປີ ປັດຈຸບັນມີດອກເບ້ຍເງິນ ທ້ອນທັງໝົດ 91 ລ້ານກວ່າກີບ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ປະທານ ສຍ ແຂວງ ຊຸກຍູ້ຕິດຕາມການຈັດຕັ້ງປະຕິບັດຂໍ້ແຂ່ງຂັນ 3 ດີ

      ປະທານ ສຍ ແຂວງ ໄດ້ລົງຊຸກຍູ້ຕິດຕາມການຈັດຕັ້ງປະຕິບັດຂໍ້ແຂ່ງຂັນ 3 ດີ ແລະ ພົບປະໂອ້ລົມສະມາ ຊິກສະຫະພັນແມ່ຍິງບ້ານ ວັງຫຼວງ ເມືອງ ລ້ອງຊານ ໃນ ຕົ້ນເດືອນ ກຸມພາ ມີຜູ້ເຂົ້າຮ່ວມທັງໝົດ 81 ຄົນ, ຊາຍ 3 ຄົນ, ຊຶ່ງທ່ານປະທານ ສຍ ແຂວງໄດ້ຮັບຟັງການສະຫຼຸບ ລາຍງານຈາກ ສຍ ບ້ານ ກ່ຽວກັບການຈັດຕັ້ງປະຕິບັດ ຂໍ້ແຂ່ງຂັນ 3 ດີ ໃນໄລຍະຜ່ານມາ ຊຶ່ງມີຜົນສຳເລັດໃນ ຫຼາຍດ້ານ ແລະ ຂໍ້ຄົງຄ້າງທີ່ຈະຕ້ອງໄດ້ຫາວິທີແກ້ໄຂ. ທ່ານປະທານ ສຍ ແຂວງ ໄດ້ປຸກລະດົມສະມາຊິກ ສຍ ສ້າງເສດຖະກິດຄອບຄົວ ແລະ ຫັນເປັນສິນຄ້າ ເພື່ອເຮັດໃຫ້ຊີວິດການເປັນຢູ່ຂອງຄອບຄົວ ແລະ ເອື້ອຍນ້ອງແມ່ ຍິງຫຼຸດພົ້ນອອກຈາກຄວາມທຸກຍາກເທື່ອລະກ້າວ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ຍີ່ປຸ່ນຊ່ວຍເຫຼືອເຄື່ອງນຸ່ງຫົ່ມຕ້ານໄພໜາວໃຫ້ແຂວງຊຽງຂວາງ

      ປະຊາຊົນແຂວງຊຽງຂວາງໄດ້ຮັບເຄື່ອງນຸ່ງຫົ່ມ ໂດຍການຊ່ວຍເຫຼືອລ້າຈາກບໍລິສັດ ກຸໂລ ກາວະ ຈຳກັດ (KUROKAWA LTD) ປະເທດຍີ່ປຸ່ນ ລວມມູນຄ່າ 20.000 ໂດລາສະຫະລັດ ຫຼື ປະມານ 100 ກວ່າລ້ານ ກີບ ໂດຍການປະສານງານຂອງບໍລິສັດພັດທະນາກະ ສິກຳລາວ-ຍີ່ປຸ່ນຈຳກັດ ແຂວງ ຊຽງຂວາງ. ພິທີມອບ- ຮັບ ຈັດຂຶ້ນ ກາງເດືອນ ກຸມພາ ຕາງໜ້າກ່າວມອບໂດຍ ທ່ານ ອີໂມຣິ ດາຍອີຈິ (IMORI DAIJI) ປະທານບໍລິສັດ ພັດທະນາກະ ສິກຳລາວ-ຍີ່ປຸ່ນຈຳກັດ ແຂວງຊຽງຂວາງ ພ້ອມຄະນະ ກ່າວຮັບໂດຍ ທ່ານ ບຸນຕົ້ນ ຈັນທະພອນ ຮັກສາການເລຂາຄະນະບໍລິຫານງານພັກແຂວງ ເຈົ້າ ແຂວງຊຽງຂວາງ.

      ເຄື່ອງນຸ່ງຫົ່ມດັ່ງກ່າວຈະນຳໄປມອບໃຫ້ປະຊາຊົນຜູ້ທຸກຍາກ ໂດຍສະເພາະແມ່ຍິງ ແລະ ເດັກ ນ້ອຍທີ່ຢູ່ເຂດຫ່າງໄກສອກຫຼີກໃນບັນດາເມືອງຕ່າງໆ ຂອງແຂວງ ເພື່ອບັນເທົາຄວາມໜາວ, ປະກອບສ່ວນໃນການຮັກ ສາສຸຂະພາບ.

ສຍ ເມືອງຊຽງຮ່ອນ ຫວນຄືນມູນເຊື້ອວັນແມ່ຍິງສາກົນ

      ເມືອງຊຽງຮ່ອນ ໄດ້ຈັດພິທີປາຖະກະຖາວັນແມ່ ຍິງສາກົນ 8 ມີນາ ຄົບຮອບ 108 ປີ ໂດຍການປາຖະ ກະຖາຂອງທ່ານ ອິນຕາ ນີ້ມນວນ ຮອງເລ ຂາພັກເມືອງ ປະທານແນວລາວສ້າງຊາດເມືອງ, ມີສະມາຊິກ ສຍ ເຂົ້າຮ່ວມ 200 ກວ່າທ່ານ.

      ໃນພິທີ ທ່ານ ອິນຕາ ນີ້ມນວນ ໄດ້ຫວນຄືນມູນເຊື້ອວັນສໍາຄັນດັ່ງກ່າວຊຶ່ງບາງຕອນທ່ານໄດ້ຍົກໃຫ້ເຫັນການກໍາເນີດວັນແມ່ຍິງສາກົນ ໃນທ່າມກາງ ສະພາບເສດຖະກິດຂອງພວກສັກດີນາ ແລະ ນາຍທຶນຂະຫຍາຍຕົວ. ເມື່ອໂຮງຈັກ,ໂຮງງານອຸດສາຫະກໍາຂອງນາຍທຶນຂະ ຫຍາຍຕົວ ມັນໄດ້ສ້າງຄວາມ ຮັ່ງມີໃຫ້ແກ່ພວກນາຍທຶນ, ແຕ່ຊໍ້າພັດຍິ່ງເພີ່ມທະວີຄວາມທຸກຍາກລໍາບາກໃຫ້ແກ່ຊາວຜູ້ອອກແຮງງານ ໂດຍສະເພາະກໍາມະກອນເພດຍິງດ້ວຍເຫດນີ້ ຈຶ່ງເຮັດໃຫ້ແມ່ຍິງລຸກຮື້ຂຶ້ນທວງເອົາສິດ ສະເໝີພາບມາໃຫ້ຕົນເອງ. ນອກຈາກນັ້ນ ທ່ານຍັງໄດ້ ເວົ້າເຖິງນະໂຍບາຍ ແລະ ກົນໄກສົ່ງເສີມຄວາມກ້າວ ໜ້າຂອງແມ່ຍິງໃນສາທາລະນະລັດ ປະຊາທິປະໄຕປະ ຊາຊົນລາວ, ກົນໄກສົ່ງເສີມຄວາມສະເໝີພາບຍິງ-ຊາຍ, ຄວາມກ້າວໜ້າຂອງແມ່ຍິງລາວ, ບັນດາ ອົງການຈັດຕັ້ງ, ສົນທິສັນຍາ, ຖະແຫຼງການ ແລະ ກອງປະຊຸມກ່ຽວກັບ ແມ່ຍິງໃນລະດັບສາກົນ, ພາກພື້ນ ແລະ ອາຊຽນ, ວຽກ ງານພົວພັນຮ່ວມມືຕ່າງປະ ເທດປີ 2017 ຕື່ມອີກ.ພິທີຍັງໄດ້ຮັບຊົມການສະແດງສິລະປະວັນນະ ຄະດີຂອງນ້ອງນ້ອຍນັກຮຽນ ແລະ ມອບໃບຍ້ອງຍໍໃຫ້ໜ່ວຍແມ່ຍິງທີ່ມີຜົນງານດີເດັ່ນອີກດ້ວຍ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສະຫຼຸບຈັດຕັ້ງປະຕິບັດຂໍ້ແຂ່ງຂັນ 3 ດີ

      ສຍ ຮາກຖານພະແນກກະສິກຳ ແລະ ປ່າໄມ້ ແຂວງ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ເມື່ອບໍ່ດົນມານີ້ ໂດຍການ ເຂົ້າຮ່ວມຂອງ ທ່ານນາງ ສຸກວິໄລ ວຽງໄຊ ຮອງປະທານ ສຍ ແຂວງ.

      ກອງປະຊຸມໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ປະຈໍາປີ 2017 ແລະ ຜ່ານທິດທາງ ປີ 2018. ຜ່ານ ການຈັດຕັ້ງປະ ຕິບັດຂໍ້ແຂ່ງຂັນ 3 ດີ ໄລຍະຜ່ານມາ ສາມາດຄັດເລືອກ ບຸກຄົນ 3 ດີ ປະເພດ 1 ໄດ້ 48 ຄົນ ແລະ ຄອບຄົວ 3 ດີ 48 ຄອບຄົວ, ໜ່ວຍ ສະຫະພັນແມ່ຍິງ 3 ດີ ໄດ້ 4 ໜ່ວຍ. ຫຼັງຈາກນັ້ນກອງປະຊຸມໄດ້ມີມະຕິຮັບຮອງເອົາແຜນສ້າງໜ່ວຍ ສະຫະພັນແມ່ຍິງ 3 ດີ ຮອບທີ I ໄລຍະ ທີ 2 ພ້ອມ ທັງມອບໃບຢັ້ງ ຢືນໃຫ້ໜ່ວຍສະຫະພັນແມ່ຍິງ 3 ດີ ແລະ ສືບຕໍ່ຈັບມືແຂ່ງຂັນສ້າງໜ່ວຍສະຫະພັນແມ່ຍິງ 3 ດີ ຮອບທີ II. ໜ່ວຍຊາວໜຸ່ມ ສຍ ແຂວງ ປະກາດເປັນໜ່ວຍ 4 ບຸກ

      ພິທີປະກາດໜ່ວຍຊາວໜຸ່ມ ສຍ ແຂວງ ເປັນ ໜ່ວຍ 4 ບຸກ ຈັດຂຶ້ນ ກາງເດືອນ ກຸມພາ ໂດຍການເຂົ້າ ຮ່ວມ ຂອງທ່ານນາງ ທຸມມາ ປັນຍາສິດ ຮອງເລຂາ ຊາວໜຸ່ມແຂວງ.

      ໃນພິທີທ່ານ ລ່ອງຊ້າງ ຊູວັນແພງ ເລຂາຊາວ ໜຸ່ມໜ່ວຍ ສຍ ແຂວງ ໄດ້ຜ່ານບົດສະຫຼຸບການເຄື່ອນ ໄຫວວຽກງານຊາວໜຸ່ມໃນໄລຍະຜ່ານມາ ແລະ ຜ່ານ ທິດທາງແຜນການປະຈໍາປີ 2018. ສະມາຊິກພາຍໃນ ໜ່ວຍ ໄດ້ເອົາໃຈໃສ່ຄົ້ນຄວ້າເຊື່ອມຊຶມບັນດາແນວທາງ ແຜນນະໂຍບາຍຂອງພັກ, ກົດໝາຍຂອງລັດ, ມະຕິຄຳ ສັ່ງ ແລະ ລະບຽບການຕ່າງໆຂອງຂັ້ນເທິງວາງອອກເຮັດ ໃຫ້ສະມາຊິກຮັບຮູ້ ເຂົ້າໃຈ ແລະ ສາມາດນຳໄປຈັດຕັ້ງປະຕິບັດວຽກງານທີ່ໄດ້ຮັບມອບໝາຍ ດ້ວຍຄວາມຮັບ ຜິດຊອບສູງ ແລະ ມີຜົນສໍາເລັດ ນອກນັ້ນ ສະມາຊິກ

ທຸກຄົນຍັງໄດ້ປະກອບສ່ວນເຂົ້າໃນຂະບວນການລວມ ທີ່ທາງຂັ້ນເທິງມອບໝາຍໃຫ້ເປັນຢ່າງດີ.

      ໃນພິທີໄດ້ຜ່ານຂໍ້ຕົກລົງວ່າດ້ວຍການຮັບຮອງ ໜ່ວຍຊາວໜຸ່ມ ສຍ ແຂວງເປັນໜ່ວຍ 4 ບຸກ ພ້ອມທັງ ມອບໃບຢັ້ງຢືນ 4 ບຸກ, ຈາກນັ້ນ ສະມາຊິກຊາວໜຸ່ມ ໄດ້ຂຶ້ນຈັບມືແຂ່ງຂັນກັນສ້າງໜ່ວຍ ຊາວໜຸ່ມ ສຍ ແຂວງ ໃຫ້ໄດ້ຮັບນາມມະຍົດໃນປີຕໍ່ໄປ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ພິທີມອບ-ຮັບໃບຢັ້ງຢືນ ສຍ 3 ດີ ໜ່ວຍ ສຍ ອົງການກາແດງແຂວງ

      ເມື່ອບໍ່ດົນມານີ້ ໜ່ວຍ ສຍ ອົງການກາແດງ ແຂວງ ໄດ້ຈັດພິທີມອບ-ຮັບໃບຢັ້ງຢືນ 3 ດີ ໂດຍການ ເຂົ້າຮ່ວມຂອງ ທ່ານນາງ ໂສພາ ຈັນທະວົງ ເລຂາໜ່ວຍ ພັກອົງການກາແດງແຂວງ, ທ່ານນາງ ຄຳປີວ ສີສົມບັດ ຮອງປະທານ ສຍ ແຂວງ.

      ໃນພິທີໄດ້ຮັບຟັງບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈຳປີ 2017 ແລະ ທິດທາງແຜນ ການປີ 2018 ຈາກທ່ານນາງ ໜູການ ຊາພາ ຫົວໜ້າໜ່ວຍ ສຍ ອົງການກາແດງແຂວງ. ຜ່ານມາຄະນະໜ່ວຍ ສຍ ໄດ້ເປັນເຈົ້າການສຶກສາອົບຮົມການເມືອງ-ແນວຄິດ ໃຫ້ ສະມາຊິກ ເອົາໃຈໃສ່ປະຕິ ບັດ ກົດລະບຽບຂອງ ສຍ ລາວ, ເນື້ອໃນຄຳຂວັນ ແລະ ຂໍ້ແຂ່ງຂັນ 3 ດີ ພ້ອມທັງເຂົ້າຮ່ວມຂະບວນການລວມຕ່າງໆຂອງ ສຍ ແຂວງຈັດ ຂຶ້ນ. ພິທີໄດ້ ຜ່ານຂໍ້ຕົກລົງມອບໃບຢັ້ງຢືນ 3 ດີ ຂອງປະ ທານ ສຍ ແຂວງ ແລະ ມອບໂດຍຮອງປະທານ ສຍ ແຂວງ ເພື່ອເປັນການຢັ້ງຢືນຜົນງານຍາດມາໄດ້ຂອງ ໜ່ວຍ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສອງອົງການຈັດຕັ້ງມະຫາຊົນເຊື່ອມຊຶມເອກະສານສໍາຄັນ

   ສອງອົງການຈັດຕັ້ງມະຫາຊົນ (ຊາວໜຸ່ມ-ສຍ) ທະຫານແຂວງ ໄດ້ຈັດຕັ້ງເຊື່ອມຊຶມ ມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ ຍິງລາວ ຄັ້ງທີ 3 ສະໄໝທີ VII, ມະຕິກອງປະຊຸມຄົບຄະນະບໍ ລິຫານງານ ສຍ ແຂວງ ຄັ້ງທີ 4 ສະໄໝທີ VIII, ມະຕິ ກອງປະຊຸມຄົບຄະນະບໍລິຫານງານ ຊາວໜຸ່ມແຂວງ ຄັ້ງທີ 4 ສະໄໝທີ VII ແລະ ກົດໜາຍຊາວໜຸ່ມປະຊາຊົນປະ ຕິວັດລາວ ບາງມາດຕາສະບັບປັບປຸງໃໝ່ ໃນກາງເດືອນ ກຸມພາ. ເຜີຍແຜ່ ເອກະສານໃນຄັ້ງນີ້ໂດຍ ທ່ານ ພັນໂທ ຫຸມພັນ ແກ້ວວັງລາດ ຄະນະພັກກອງບັນຊາການ ຫົວ ໜ້າຫ້ອງການເມືອງ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສຍ ຮາກຖານພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ສະຫຼຸບຂະບວນການແຂ່ງຂັນ 3 ດີ

      ກອງປະຊຸມສະຫຼຸບຂະບວນການຈັດຕັ້ງປະຕິບັດຂໍ້ແຂ່ງຂັນ 3 ດີຂອງ ສຍ ຮາກຖານພະແນກຊັບພະ ຍາກອນທຳມະຊາດ ແລະ ສິ່ງແວດລ້ອມ ແຂວງ ຈັດ ຂຶ້ນໃນເດືອນ ກຸມພາ ເຂົ້າຮ່ວມມີທ່ານນາງ ດວງມາລາ ສີສະໝຸດ ຮອງປະທານ ສຍ ແຂວງ, ທ່ານ ອຸ່ນເຮືອນ ລືສີສະໝຸດ ເລຂາຄະນະ ພັກຮາກຖານ ຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງ.

      ທ່ານນາງ ໂອກີ ດວງພະຈັນ ຄະນະ ສຍ ຮາກຖານພະແນກດັ່ງກ່າວຜ່ານບົດສະຫຼຸບຕີລາຄາການຈັດຕັ້ງປະຕິບັດຂະບວນການແຂ່ງຂັນ 3 ດີຕະ ຫຼອດໄລຍະ 1 ປີຜ່ານມາ ເຊິ່ງໄດ້ຍົກໃຫ້ເຫັນຜົນສຳເລັດຫຼາຍດ້ານທີ່ສະມາຊິກ ສຍ ຍາດມາໄດ້ໃນການປະຕິບັດໜ້າທີ່ວິຊາສະເພາະສາມາດບັນລຸຕາມ ຄາດ ໝາຍທີ່ວາງໄວ້,ເປັນ ເຈົ້າການຊຸກຍູ້, ຕິດຕາມ, ກວດກາ, ປະເມີນຜົນ ໃນແຕ່ລະໄລຍະເຮັດໃຫ້ສະມາຊິກ ສຍ ມີຄຸນທາດການ ເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ເຊື່ອ ໝັ້ນຕໍ່ແນວທາງນະໂຍບາຍຂອງພັກ-ລັດ ພ້ອມກັນຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້ຄວາມສາມາດປະຕິ ບັດວຽກ ງານຢ່າງມີຜົນສຳເລັດ ແລະ ມີປະສິດທິພາບ.

      ຜ່ານຂະບວນການແຂ່ງຂັນ 3 ດີ ສາມາດຄັດ ເລືອກບຸກຄົນ 3 ດີ ປະເພດ 1 ໄດ້ 33 ຄົນ ກວມ 97,05%, ພົນລະເມືອງດີ 34 ຄົນ ກວມ 100%, ພັດທະນາດີ 33 ຄົນ ກວມ 97,05%, ສ້າງຄອບຄົວດີ 34 ຄົນ ກວມ 100% ຂອງຜູ້ເຂົ້າຮ່ວມແຂ່ງຂັນ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສະຫຼຸບວຽກງານສົ່ງເສີມການຕໍ່າຫູກທໍໄໝປະຈໍາປີ 2017

      ສຍ ເມືອງສົບເບົາ ສົມທົບກັບຄະນະຮັບຜິດ ຊອບກຸ່ມຕໍ່າຫູກຂັ້ນເມືອງ ຈັດກອງປະຊຸມສະຫຼຸບວຽກງານສົ່ງເສີມການຕໍ່າຫູກທໍໄໝ ປະຈໍາປີ 2017 ເຂົ້າຮ່ວມມີ ທ່ານ ຄໍາລ້ຽນ ເພັດສີທອນ ຮອງເຈົ້າເມືອງສົບເບົາ ຜູ້ຊີ້ ນໍາຂົງເຂດເສດຖະກິດ, ຄະນະຮັບຜິດຊອບກຸ່ມຕໍ່າຫູກຂັ້ນເມືອງ, ຄະນະຮັບຜິດຊອບ ແລະ ຫົວໜ້າກຸ່ມຕໍ່າຫູກ ຂັ້ນບ້ານ ຈໍານວນ 12 ບ້ານ ທີ່ໄດ້ຮັບທຶນ.

      ກອງປະຊຸມໄດ້ຮັບຟັງບົດສະຫຼຸບການຈັດຕັ້ງປະຕິບັດວຽກງານສົ່ງເສີມການຕໍ່າຫູກທໍໄໝ ປະຈໍາປີ 2017 ແລະ ທິດທາງແຜນການປະຈໍາປີ 2018. ສະມາຊິກກຸ່ມ ຕໍ່າຫູກມີທັງໝົດ 116 ຄົນ, ທຸກຄົນໄດ້ເອົາໃຈໃສ່ໃນ ການຕໍ່າຫູກເປັນສິນຄ້າ ຢ່າງເປັນຂະບວນຟົດຟື້ນ ເປັນ ຕົ້ນ: ຕໍ່າສິ້ນໄໝຕີນນ້ອຍ-ຕີນໃຫຍ່ ໄດ້ 2.028 ຜືນ, ສິ້ນຝ້າຍຕີນນ້ອຍ-ຕີນໃຫຍ່ໄດ້ 2.301 ຜືນ, ສິ້ນມຸກ ໄດ້ 40 ຜືນ, ຜ້າບ່ຽງໄດ້ 31 ຜືນ, ຕີນສິ້ນນ້ອຍ ໄດ້ 20 ຕີນ. ລວມເປັນ ເງິນທັງໝົດ ໄດ້ 1.839.100.000 ກີບ ໃນນີ້ຫັກ ຕົ້ນທຶນອອກ ເຫຼືອກໍາໄລປະມານ 1.055.810.000 ກີບ ສະເລ່ຍໃສ່ສະມາຊິກຜູ້ໜຶ່ງໄດ້ 9.101.810 ກີບ/ປີ. ຈາກ ຜົນງານດັ່ງກ່າວ ສາມາດຄັດເລືອກໄດ້ບຸກຄົນທີ່ດີເດັ່ນຈໍານວນ 47 ຄົນ ແລະ ຄອບຄົວຕົວແບບ 1 ຄອບຄົວ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສຍ ແຂວງ ບໍ່ແກ້ວສະເຫຼີມສະຫຼອງວັນແມ່ຍິງສາກົນ ຄົບຮອບ 108 ປີ

      ສຍ ແຂວງ ຈັດຕັ້ງພິທີສະເຫຼີມສະຫຼອງວັນແມ່ຍິງສາກົນ ຄົບຮອບ 108 ປີ ຂຶ້ນວັນທີ 7 ມີນາ 2018. ເຂົ້າຮ່ວມມີທ່ານນາງ ສົມແປງ ໄຈຍະສັກ ກໍາມະການ ພັກແຂວງ, ປະທານ ສຍ ແຂວງ, ທ່ານ ປອ. ຄໍາພັນ ເຜີຍຍະວົງ ເລຂາພັກແຂວງ, ເຈົ້າແຂວງໆບໍ່ແກ້ວ, ບັນ ດາທ່ານ ຄະນະປະຈໍາພັກ ແຂວງ, ກໍາມະການພັກແຂວງ, ຄະນະພະແນກ, ພະນັກງານປະຕິວັດອາວຸໂສບໍານານ, ຄອບຄົວການນໍາຂັ້ນແຂວງ, ການນໍາເມືອງຫ້ວຍຊາຍ, ພ້ອມສະມາ ຊິກ ສຍ ພະແນກການອ້ອມຂ້າງແຂວງ ລວມ ທັງໝົດ 649 ຄົນ, ຍິງ 544 ຄົນ.

      ເພື່ອຫວນຄືນປະຫວັດການເຄື່ອນໄຫວຂອງ ຂະບວນການແມ່ຍິງທົ່ວໂລກ, ພາກພື້ນ, ສາກົນແລະ ການເຄື່ອນໄຫວໃນຂະບວນການດັ່ງກ່າວຂອງ ສຍ ລາວ ແລະ ລະນຶກເຖິງວັນແຫ່ງການຕໍ່ສູ້, ທວງເອົາ ສິດ, ຜົນ ປະໂຫຍດອັນຊອບທໍາຂອງແມ່ຍິງ ແລະ ປະຫວັດການ ກໍາເນີດວັນແມ່ຍິງສາກົນ ທັ້ງ ເປັນການປຸກລະດົມສະມາ ຊິກ ສຍ, ແມ່ຍິງບັນດາເຜົ່າໃນທົ່ວແຂວງເຂົ້າຮ່ວມຈັດຕັ້ງປະຕິບັດວຽກງານ 3 ສ້າງ, ຕິດພັນກັບຂະບວນການ ແຂ່ງຂັນຮັກ ຊາດ ແລະ ພັດທະນາ, ຂະບວນການແຂ່ງ ຂັນ 3 ດີຂອງ ສຍ ແລະ ການສ້າງບ້ານພັດທະນາ ໃຫ້ບັນລຸຜົນ ຕາມລະດັບຄາດໝາຍ.

      ໃນພິທີຍັງມີກິດຈະກໍາປະກວດອາຫານພື້ນບ້ານຜູ້ເຂົ້າຮ່ວມແມ່ນຄັດເລືອກມາຈາກ ສຍ ພະແນກການ ແລະ ສຍ ບ້ານໃນເທດສະບານແຂວງ ລວມມີ 13 ພາກ ສ່ວນ. ອາຫານທີ່ເຂົ້າແຂ່ງຂັ້ນລວມ ມີ 13 ປະເພດ.

      ຜ່ານການຄັດເລືອກເຫັນວ່າອັນດັບທີ 1 ໄດ້ ແກ່: ລາບຊີ້ນຄວາຍສາມລົດ ຈາກ ພະແນກ ສຍ ກອງ ບັນຊາການທະຫານແຂວງ, ອັນດັບທີີ 2 ໄດ້ແກ່ ອົບ ເປັດລາດສະໝູນໄພໃບເຕີຍ ຈາກ ສຍ ບ້ານ ຂອນແກ້ວ ແລະ ອັນດັບທີ 3 ໄດ້ແກ່ ກ້ອຍປານໍ້າຂອງ ຈາກ ສຍ ບ້ານ ໃຫຍ່ຫ້ວຍຊາຍເໜືອ.

 

/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////

ສ້າງກິດຈະກໍາສະເຫຼີມສະຫຼອງວັນທີ 8 ມີນາ

      ເພື່ອເປັນການສະເຫຼີມສະຫຼອງວັນແມ່ຍິງສາກົນ ທີ 8 ມີນາ 1910 - ທີ 8 ມີນາ ຄົບຮອບ 108 ປີ ໃຫ້ເປັນ ຂະບວນຟົດຟື້ນ ສຍ ເມືອງ ແກ້ວອຸດົມ ໄດ້ຈັດກິດຈະກໍາສ້າງຂະບວນການອອກແຮງງານ ອ້ອມສໍານັກເມືອງ ແລະ ຕາມເສັ້ນທາງຫຼວງໃຈກາງຂອງເມືອງ 5 ກິໂລແມັດ, ນໍາໂດຍ ທ່ານນາງ ພອນສະຫວັນ ສອນທະວົງ ປະທານ ສຍ ເມືອງ ພ້ອມດ້ວຍຄະນະ ສຍ 28 ໜ່ວຍ ແລະ 4 ບ້ານ ອ້ອມຂ້າງ ເທດສະບານເມືອງ ຊຶ່ງມີຈໍານວນ ພົນອອກ ແຮງງານທັງໝົດ 215 ຄົນ.

      ການອອກແຮງງານຄັ້ງນີ້, ໄດ້ສະແດງໃຫ້ເຫັນ ວ່າ ແມ່ຍິງລາວມີຄວາມຫ້າວຫັນ, ອົດທົນ ແລະ ມີຄວາມ ສາມັກຄີ ເປັນຈິດໜຶ່ງໃຈດຽວເພື່ອສ້າງຂະ ບວນການອອກແຮງງານຄັ້ງນີ້ໃຫ້ສໍາເລັດ.

                                                                                                                                                                                                                                                                                   ໂດຍ: ສຍ ແຂວງ

125126

ສາຍພົວພັນມູນເຊື້ອທີ່ມີມາແຕ່ດົນນານຂອງສອງພັກ, ສອງລັດ, ປະຊາຊົນສອງຊາດເວົ້າລວມ ເວົ້າສະເພາະສະຫະພັນແມ່

ຍິງ (ສຍ) ລາວ-ຫວຽດນາມ ໄດ້ສືບຕໍ່ເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບແບບພິເສດ ແລະ ການຮ່ວມມື

ຮອບດ້ານຂອງລາວ-ຫວຽດນາມ ທີ່ເດີນຕາມອຸດົມການອັນສູງສົ່ງຂອງປະທານ ໂຮ່ຈີມິນ, ປະທານ ໄກສອນ ພົມວິຫານ ແລະ ປະທານ

ສຸພານຸວົງ ຊຶ່ງເປັນຜູ້ກໍ່ຕັ້ງ ແລະ ຫຼໍ່ລ້ຽງຄວາມຮັກແພງສາມັກຄີຂອງປະຊາຊົນສອງຊາດພວກເຮົາ ແຕ່ອະດີດຈົນເຖິງປັດຈຸບັນ.

       ສຳລັບ ສຍ ແຂວງ ສາລະວັນ ກໍໄດ້ເລີ່ມມີໜໍ່ແໜງການພົວພັນຮ່ວມມືທີ່ດີ ຊຶ່ງສະແດງອອກຜ່ານບາດກ້າວໃໝ່ແຫ່ງການ

ພົວພັນຮ່ວມມືກັບ ສຍ ແຂວງ ດັກລັກ, ກວາງຈີ້ ແລະ ແຂວງ ອື່ນໆຂອງ ສສ ຫວຽດນາມ ທີ່ນັບມື້ນັບກວ້າງຂວາງ ແລະ ເລິກເຊິ່ງ.

       ທ່ານນາງ ບຸນທະວີ ດວງລາສີ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານ ສຍ ແຂວງ ສາລະວັນ ໃຫ້ຮູ້

ວ່າ: ແມ່ຍິງແຂວງ ສາລະວັນ ໄດ້ຮັບການຊ່ວຍເຫຼືອຈາກ ສຍ ແຂວງ ດັກລັກ ເປັນຈຳນວນ 20 ລ້ານດົ້ງ ເພື່ອປະກອບສ່ວນຊື້ອຸປະ

ກອນຮັບໃຊ້ໃຫ້ຫ້ອງການ ສຍ ເມືອງທີ່ຍັງຂາດເຂີນ. ນັບແຕ່ປີ 2013 ເປັນຕົ້ນມາ ໄດ້ຮ່ວມມືກັບ ສຍ ແຂວງກວາງຈີ້ ໄດ້ພົບປະ

ແລກປ່ຽນບົດຮຽນເຊິ່ງກັນ ແລະ ກັນໃນວຽກງານປຸກລະດົມ ໂຄສະນາຕ້ານ ແລະ ສະກັດກັ້ນການຄ້າມະນຸດຕາມບໍລິເວນຊາຍແດນ

ໃນ 4 ແຂວງ ຂອງ 3 ປະເທດ ລາວ-ຫວຽດນາມ-ໄທ. ພ້ອມນີ້ ຍັງໄດ້ມີການພົບປະແລກປ່ຽນຄະນະນຳ ສຍ ທັງສອງແຂວງ ເພື່ອ

ເພີ່ມທະວີການພົວພັນໃຫ້ແໜ້ນແຟ້ນ ຕິດພັນກັບການແລກປ່ຽນຄວາມຮູ້, ຄວາມສາມາດ, ບົດຮຽນ, ປະສົບການໃນການຊີ້ນຳ-ນຳພາ,

ການຄຸ້ມຄອງບໍລິຫານວຽກ, ສ້າງຄອບຄົວ ແລະ ບ້ານພັດທະນາຕິດພັນກັບການສ້າງບ້ານ ສຍ 3 ດີ, ການປະຕິບັດສິດສະເໝີພາບລະຫວ່າງ

ຍິງ-ຊາຍ ແລະ ປາສະຈາກການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ. ພິເສດແມ່ນການແລກປ່ຽນທາງວັດທະນະທຳ, ຮີດຄອງປະ

ເພນີ ແລະ ວິຖີການດຳລົງຊີວິດຂອງແມ່ຍິງບັນດາເຜົ່າ ສາລະວັນ-ດັກລັກ, ສາລະວັນ-ກວາງຈີ້ ແລະ ຊຸກຍູ້ສົ່ງເສີມການສ້າງວຽກເຮັດງານ

ທຳ ຍົກລະດັບຊີວິດການເປັນຢູ່ຂອງແມ່ຍິງບັນດາເຜົ່າໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

       ເພື່ອເພີ່ມທະວີສາຍພົວພັນມິດຕະພາບອັນເປັນມູນເຊື້ອ ແລະ ຄວາມສາມັກຄີແບບພິເສດ ລາວ-ຫວຽດນາມ ໂດຍສະເພາະ

ລະຫວ່າງ ສຍ ສາລະວັນ ແລະ ສຍ ບັນດາແຂວງ ຂອງ ສສ ຫວຽດນາມທີ່ມີການພົວພັນ, ຊ່ວຍເຫຼືອເຊິ່ງກັນ ແລະ ກັນ ໃຫ້ນັບມື້ມີຄວາມ

ໜັກແໜ້ນເຂັ້ມແຂງ ແລະ ເພີ່ມພູນຄູນສ້າງໃຫ້ເຕີບໃຫຍ່ຂະຫຍາຍຕົວຍິ່ງໆຂຶ້ນນັ້ນ, ທັງສອງຝ່າຍຈະພ້ອມກັນສືບຕໍ່ພົວພັນ ຮ່ວມມື

ໂດຍສະເພາະແມ່ນການຈັດຕັ້ງປະຕິບັດຕາມບົດບັນທຶກຊ່ວຍຈຳໃນແຕ່ລະດ້ານໃຫ້ເປັນຮູບປະທຳ, ມີຜົນສຳເລັດສູງຂຶ້ນກວ່າເກົ່າ ແລະ

ໝັ້ນຄົງທະນົງແກ່ນຍືນຍາວຢູ່ກັບ ສຍ ສອງຊາດ ລາວ-ຫວຽດນາມຕະຫຼອດໄປ.

                                                                                                                                                                                                                                         ໂດຍ: ສຍ ແຂວງສາລະວັນ

123

1 ປີ ຜ່ານມາ, ສະຫະພັນແມ່ຍິງ (ສຍ) ບັນດາກະຊວງ-ອົງການ ແລະ ທ້ອງຖິ່ນໄດ້ນຳເອົາມະຕິກອງປະຊຸມຄົບຄະນະບໍລິຫານງານ

ສູນກາງສະຫະພັນແມ່ຍິງລາວ (ສສຍລ) ຄັ້ງທີ 2 ສະໄໝ VII ໄປຜັນຂະຫຍາຍເຂົ້າສູ່ແຜນການເຄື່ອນໄຫວວຽກງານຕົວຈິງໃນແຕ່ລະຂັ້ນ

ຕາມພາລະບົດບາດໜ້າທີ່ຄວາມຮັບຜິດຊອບຂອງຕົນຢ່າງມີຈຸດສຸມສະແດງອອກຜ່ານຜົນງານທີ່ພົ້ນເດັ່ນຫຼາຍດ້ານ.

       ທ່ານນາງ ຕຸລາພອນ ອະລິຍະ ປະທານ ສຍ ແຂວງຜົ້ງສາລີ ໃຫ້ສຳພາດວ່າ: ສຍ ພວກເຮົາໄດ້ສຸມໃສ່ 71 ບ້ານທີ່ໄດ້

ກຳນົດໄວ້ໃນແຜນພັດທະນາ 5 ປີ ແຕ່ປີ 2015-2020, ເລັ່ງໃສ່ການປັບປຸງການຈັດຕັ້ງ ແລະ ສ້າງຄວາມເຂັ້ມແຂງໃຫ້ແກ່ສະມາ

ຊິກ ສຍ, ແມ່ຍິງບັນດາເຜົ່າ, ເພື່ອໃຫ້ເຂົາເຈົ້າໄດ້ເຄື່ອນໄຫວຕາມພາລະບົດບາດ, ສິດໜ້າທີ່ ແລະ ເສີມຂະຫຍາຍສິດເປັນເຈົ້າຂອງ

ປະຊາຊົນ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງ ເພື່ອຫຼຸດພົ້ນຈາກຄວາມທຸກຍາກເທື່ອລະກ້າວ, ອັນທີ່

ພົ້ນເດັ່ນແມ່ນການຫັນເອົາພະນັກງານລົງສູ່ຮາກຖານ, ເພື່ອກະກຽມໃຫ້ແກ່ກອງປະຊຸມ 3 ຂັ້ນທີ່ຈະມາເຖິງນີ້, ໄປພ້ອມກັບການ

ສ້າງພະນັກງານ, ເຮັດໜ້າທີ່ໂຄສະນາປຸກລະດົມ, ເຂົ້າຮ່ວມໃນການຈັດສັນພູມລຳເນົາຕິດພັນກັບການຈັດສັນອາຊີບຄົງທີ່ໃຫ້ປະຊາຊົນ

ໂດຍອີງໃສ່ 6 ທາງອອກຂອງແຂວງກຳນົດໄວ້, ສຳລັບ ສຍ ພວກເຮົາກໍໄດ້ເລືອກເອົາທາງອອກທີໜຶ່ງ: ເຮັດການກະສິກຳເນີນສູງ

(ປູກຝັງ-ລ້ຽງສັດ) ແລະ ທາງອອກທີຫົກ: ເຮັດການຄ້າຊາຍແດນ (ທຸລະກິດຂະໜາດນ້ອຍ) ເປັນບູລິມະສິດຕົ້ນຕໍແກ່ແມ່ຍິງ ເພື່ອຫຼຸດພົ້ນ

ຈາກຄວາມທຸກຍາກເທື່ອລະກ້າວ.

124

ທ່ານນາງ ບູນທະວີ ສິງວິໄລ ຮອງປະທານ ສຍ ແຂວງ ໄຊສົມບູນ ໃຫ້ຮູ້ວ່າ: ຄະນະບໍລິຫານງານ ສຍ ແຂວງ, ກໍຄືຄະ

ນະນຳ ສຍ ແຕ່ລະຂັ້ນ ໄດ້ຫັນເອົາມະຕິກອງປະຊຸມຄົບຄະນະບໍລິຫານງານ ສສຍລ ຄັ້ງທີ 2 ສະໄໝ VII ມາເປັນແຜນວຽກລະອຽດ

ໂດຍສະເພາະມະຕິກອງປະຊຸມຄົບຄະນະບໍລິຫານງານ ສຍ ແຂວງ ພ້ອມທັງນຳພາສະມາຊິກ ສຍ, ແມ່ຍິງລາວບັນດາເຜົ່າໃນແຂວງ

ຈັດຕັ້ງຜັນຂະຫຍາຍມະຕິດັ່ງກ່າວ, ເອົາໃຈໃສ່ປະຕິບັດໜ້າທີ່ວຽກງານຕາມພາລະບົດບາດ, ສິດ ແລະ ໜ້າທີ່ດ້ວຍຄວາມຮັບຜິດ

ຊອບສູງ ແລະ ມີຜົນສຳເລັດ, ສະມາຊິກ ສຍ ເອົາໃຈໃສ່ປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດ ກໍຄືກົດລະ

ບຽບຂອງ ສຍ ລາວວາງອອກໄດ້ເປັນຢ່າງດີ. ພ້ອມນີ້ ສຍ ແຂວງ ຍັງຖືສຳຄັນໃນການສ້າງຄອບຄົວຕົວແບບໃນດ້ານຕ່າງໆ ໂດຍປຸກລະ

ດົມຊຸກຍູ້ໃຫ້ ສຍ ບັນດາເມືອງລົງຕິດຕາມຊຸກຍູ້ ແລະ ປະສານສົມທົບກັບພາກສ່ວນທີ່ກ່ຽວຂ້ອງ, ອົງການປົກຄອງແຕ່ລະຂັ້ນ ສ້າງ

ເງື່ອນໄຂອຳນວຍຄວາມສະດວກໃຫ້ແມ່ຍິງສ້າງເສດຖະກິດຕາມເງື່ອນໄຂ ແລະ ທ່າແຮງຂອງແຕ່ລະຄອບຄົວ ເພື່ອແກ້ໄຂຄວາມທຸກ

ຍາກ ເຮັດໃຫ້ແມ່ຍິງກາຍເປັນຄອບຄົວຕົວແບບດ້ານຕ່າງໆເຊັ່ນ: ຫັດຖະກຳຕ່ຳຫູກ, ປູກຝັງ-ລ້ຽງສັດ ແລະ ອື່ນໆ.

      

      

                                                                                                                                                                                                                                                      ໂດຍ: ສຍ ແຂວງຜົ້ງສາລີ

                                                                                                                                                                                                                                                                 ແລະ ໄຊສົມບູນ

ເມື່ອບໍ່ດົນມານີ້ ທ່ານ ພັນໂທ ນາງ ອຸ່ນຄໍາ ແສງ ຄໍາຢອງ ຮອງປະທານ ສຍ ກະຊວງປ້ອງກັນປະເທດ ພ້ອມ ຄະນະ ໄດ້ຢ້ຽມຢາມຄອບຄົວຕົວແບບດ້ານ ການປູກຝັງ ຢູ່ໂຮງຮຽນກໍ່ສ້າງນາຍສິບເລກ 2 ວຽງໄຊ ຕ້ອນຮັບ ໂດຍທ່ານ ພັນໂທ ນາງ ຈັນສຸກ ໄຕຍະລາດ ຫົວໜ້າພະ ແນກ ສຍ ໂຮງຮຽນວຽງໄຊ. ທ່ານ ຮ້ອຍໂທ ນາງ ມະນີວອນ ຈັນທະວີສຸກ ອາຈານສອນຢູ່ໂຮງຮຽນວຽງໄຊ ຕາງໜ້າ ໃຫ້ຄອບຄົວຕົວແບບ ລາຍງານສະພາບຈຸດພິເສດໂດຍຫຍໍ້ໃຫ້ຄະນະທີ່ມາຢ້ຽມຢາມຮູ້ກ່ຽວ ກັບ ການປູກຜັກກາດ ຕາມລະດູການ ຊຶ່ງປູກໃນເນື້ອທີ່ດິນ 47X40 ແມັດ.

          ໄລຍະນີ້ແມ່ນປູກຜັກສະຫຼັດ, ຜັກບົ່ວ, ຜັກຊີ, ຜັກຫອມປ້ອມ ແລະ ອື່ນໆທີ່ເໝາະສົມກັບລະດູການ ສ່ວນການປູກ ສ່ວນໃຫຍ່ນໍາໃຊ້ຂີ້ແກບ, ຝຸ່ນຄອກທີ່ເປັນ ອົງຄະທາດໃຫ້ແກ່ດິນ. ສໍາລັບຜົນລະປູກແຕ່ລະຊຸດຈະມີແມ່ຄ້າມາຊື້ເອົາຢູ່ສວນເລີຍ. ຍ້ອນຄວາມດຸໝັ່ນ, ຄວາມ

ສາມັກຄີສິ່ງສໍາຄັນ ແມ່ນຄອບຄົວມີຄວາມເຂົ້າໃຈກັນ ຮູ້ ຈັກແບ່ງເວລາ ສໍາລັບວຽກງານ, ການປູກຝັງ ແລະ ວຽກ ຕ່າງໆພາຍໃນຄອບຄົວຢ່າງເໝາະສົມ ຈຶ່ງເຮັດໃຫ້ກາຍ ເປັນຄອບຄົວຕົວແບບຂອງໂຮງຮຽນວຽງໄຊ.

ສຍ ແຂວງ ໄດ້ມອບເຄື່ອງນຸ່ງຫົ່ມໃຫ້ແມ່ຍິງທີ່ທຸກຍາກຢູ່ເມືອງປາກທາ ເພື່ອເປັນການຊ່ວຍເຫຼືອພໍ່ແມ່ປະຊາຊົນກໍ່ຄືເອື້ອຍນ້ອງແມ່ຍິງ ແລະ ເດັກນ້ອຍທີ່ທຸກຍາກຢູ່ບ້ານທີ່ປະສົບໄພໜາວ, ໃຫ້ເຂົາເຈົ້າໄດ້ມີເຄື່ອງ ນຸ່ງຫົ່ມ ແລະ ມີສຸຂະພາບທີ່ແຂງແຮງ.

          ມອບໂດຍທ່ານນາງ ສົມແປງ ໃຈຍະສັກ ປະ ທານ ສຍ ແຂວງ ແລະ ຕາງໜ້າຮັບໂດຍທ່ານນາງ ຈັນສຸກ ວັນນະວົງ ປະທານ ສຍ ເມືອງ. ເພື່ອມອບໃຫ້ປະຊາຊົນ ບ້ານ ຫ້ວຍແສດ ປະກອບມີຄອບຄົວ ທຸກຍາກຈໍານວນ 79 ຄອບຄົວ, ມີພົນລະເມືອງ 573 ຄົນ, ຍິງ 278 ຄົນ. ເຄື່ອງດັ່ງກ່າວແມ່ນໄດ້ມາຈາກເອື້ອຍນ້ອງສະມາຊິກ ສຍ ຮ່ວມບໍລິຈາກ