101

ການເບິ່ງແຍງສຸຂະພາບ ແລະຜິວພັນ ເປັນສິ່ງສຳຄັນ ແລະ ຈຳເປັນທີ່ສຸດ ໂດຍສະເພາະເມື່ອກ້າວເຂົ້າສູ່ລະ ດູໜາວ ສິ່ງທີ່ ສາວໆຄວນໃສ່ໃຈເປັນພິເສດ ນັ້ນຄື ການຮັກສາຜິວພັນໃຫ້ຊຸ່ມຊື່ນ, ມີ ນໍ້າມີນວນ ປາສະຈາກຜິວແຫ້ງ, ແຕກແລະ ລອກ ດ້ວຍວັດ ຖຸດິບຈາກທຳມະຊາດເຊັ່ນ: ນຳ້ເຜິ້ງ

          - ບຳລຸງໃບໜ້າດ້ວຍນຳ້ເຜິ້ງ:ພຽງແຕ່ເອົານ້ຳເຜິ້ງແທ້ຈາກທຳ ມະຊາດມາທາ ແລະ ນວດໃຫ້ທົ່ວໃບໜ້າ ຈາກນັ້ນ ປະໄວ້ປະມານ 30 ນາທີ ແລ້ວລ້າງອອກດ້ວຍນ້ຳສະອາດ ເມື່ອເຮັດເປັນປະຈຳໃບໜ້າຈະຊຸ່ມຊື່ນ. ສຳລັບທ່ານ ໃດທີ່ເປັນສິວ ນ້ຳເຜິ້ງຍັງຊ່ວຍໃຫ້ສິວແຫ້ງໄວຂຶ້ນ.

          - ໝາກແອັບເປິ້ນປະສົມນ້ຳເຜິ້ງ:ກ່ອນອື່ນໃຫ້ເອົາໝາກແອບເປິ້ນ1 ໜ່ວຍ ລ້າງໃຫ້ສະອາດ, ປອກເປືອກ ແລະ ຜ່າເອົາເມັດ ອອກ, ຊອຍເປັນຕ່ອນ ພໍດີ ສຳລັບນຳໄປໃສ່ເຄື່ອງປັ່ນ ພ້ອມທັງ ໃສ່ນ້ຳເຜິ້ງ 1-2 ບ່ວງແກງປັ່ນໃຫ້ແຫຼກ ດີ ຫຼັງຈາກນັ້ນ ນຳມາທາ ໃຫ້ທົ່ວໃບໜ້າ ປະໄວ້ປະມານ 15 ນາທີ ແລ້ວລ້າງອອກດ້ວຍນ້ຳສະອາດ.

          - ກ້ວຍຫອມປະສົມນ້ຳເຜິ້ງ: ເອົາກ້ວຍຫອມສຸກເຄິ່ງໜ່ວຍບົດລະອຽດ ແລະ ນ້ຳເຜິ້ງ 2-3 ບ່ວງແກງ ຄົນເຂົ້າກັນຈາກ ນັ້ນ ນຳມາທາໃຫ້ທົ່ວໃບໜ້າປະໄວ້ປະມານ 20 ນາທີ ແລ້ວລ້າງອອກດ້ວຍນ້ຳສະອາດ ພຽງເທົ່ານີ້ໃບໜ້າຂອງທ່ານກໍຈະສົດໃສ, ຊຸ່ມ ຊື່ນແລະ ຍັງຊ່ວຍແກ້ບັນຫາຜິວໜ້າແຫ້ງ,ລອກ ໄດ້ເປັນຢ່າງດີ.

          ນອກຈາກເອົາໃຈໃສ່ໃນການ ຮັກສາຜິວໜ້າແລ້ວ ສິ່ງທີ່ແມ່ຍິງບໍ່ຄວນເບິ່ງຂ້າມ ນັ້ນກໍຄືການເບິ່ງແຍງດູແລ ຜິວພັນໃຫ້ສົດ ໃສເຊັ່ນ:

          - ຫຼີກເວັ້ນຈາກການອາບນ້ຳອຸ່ນ: ໃນລະດູໜາວອາກາດທີ່ເຢັນ ລົງຈະເຮັດໃຫ້ຜິວແຫ້ງ, ຂາດນ້ຳ ສະນັ້ນເມື່ອອາບນ້ຳອຸ່ນ ຫຼື ນ້ຳຮ້ອນເກີນໄປ ກໍຍິ່ງເຮັດໃຫ້ຜິວຂາດຄວາມຊຸ່ມຊື່ນເປັນສາເຫດເຮັດໃຫ້ຜິວແຫ້ງ, ລອກ. ເພື່ອຫຼີກເວັ້ນຜິວພັນທີ່ແຫ້ງ, ລອກຄວນ ອາບ ນຳ້ເຢັນເປັນປະຈຳ ຊຶ່ງການອາບນຳ້ເຢັນ ນອກຈາກຈະຊ່ວຍເພີ່ມຄວາມຊຸ່ມຊື່ນ ໃຫ້ຜິວແລ້ວ ຍັງຊ່ວຍຫຼຸດຜ່ອນບັນຫາຮູຂຸນຂົນ ກວ້າງ ແລະ ຊ່ວຍປັບອຸນນະພູມ ໃນຮ່າງກາຍເຮັດໃຫ້ຫ່າງໄກຈາກການ ເປັນຫວັດອີກດ້ວຍ.

          - ນ້ຳມັນເບບີ້ອອຍ (baby oil ນ້ຳມັນທາຜິວສຳລັບເດັກນ້ອຍ): ຫຼັງຈາກອາບນ້ຳທຸກຄັ້ງ ຄວນໃຊ້ນ້ຳມັນເບບີ້ອອຍ 2-3 ຢອດ ທາໃຫ້ທົ່ວຮ່າງກາຍ (ໃນຂະນະທີ່ຜິວປຽກ) ວິທີນີ້ນອກ ຈາກຈະຊ່ວຍໃຫ້ຜິວໄດ້ຮັບຄວາມ ຊຸ່ມຊື່ນແລ້ວ ຍັງຊ່ວຍເກັບຄວາມ ຊຸ່ມຊື່ນ ໃຫ້ຜິວພັນໄດ້ດົນອີກດ້ວຍ.

          - ທາຄຼີມກັນແດດ: ເຖິງວ່າອາກາດຈະໜາວ ແຕ່ແສງແດດກໍຍັງເປັນອັນຕະລາຍຕໍ່ຜິວໜັງໄດ້ເຊັ່ນກັນ ສະນັ້ນເມື່ອທ່ານຈະຕ້ອງ ອອກໄປປະເຊີນກັບແສງແດດ ກໍຄວນໃຊ້ຄຼີມກັນແດດທີ່ມີຄ່າ SPF 30 ຂຶ້ນໄປ ເພື່ອປ້ອງກັນຜິວຂາດຄວາມຊຸ່ມຊື່ນ, ຜິວດຳຄ້ຳ, ມີ ຈຸດ ດ່າງດຳ ແລະ ເປັນຝ້າເທິງໃບໜ້າທີ່ເປັນບັນຫາກວນໃຈສາວໆໃນປັດຈຸບັນ.

                                                                                                                                                                                                                                                                         ໂດຍ: ເກດມະນີ