ຊອກຫາມາຝາກ

ເມື່ອເອີ່ຍເຖິງຄຳວ່າເງິນເປັນເລື່ອງທີ່ສຳຄັນຫຼາຍສຳຫຼັບທຸກຄົນໂດຍສະເພາະໃນເວລາທີ່ເຮົາເຕີບໃຫຍ່ຂຶ້ນກ້າວຜ່ານໄລຍະໄວໜຸ່ມ ແລະ ມີຄອບຄົວ, ມີລູກເງິນກໍ່ຍິ່ງເປັນສິ່ງທີ່ຈຳເປັນ ທີ່ສຸດ ແລະ ແນ່ນອນວ່າ ເມື່ອມີລູກກໍຕ້ອງມີ ລາຍຈ່າຍເພິ່ມຂຶ້ນໃນຄອບຄົວ, ເຮັດໃຫ້ການວາງແຜນການເງິນ ແລະ ເກັບທ້ອນເງິນກາຍເປັນສິ່ງທີ່ສຳຄັນສຳ ຫຼັບແມ່ເຮືອນໃນ ຍຸກສະໄໝໃໝ່. ສະນັ້ນໜັງສືພິມແມ່ຍິງລາວສະບັບນີ້ມີສາລະຄວາມຮູ້ດີໆໃນການທ້ອນເງິນແບບແມ່ ເຮືອນຂອງປະເທດຍີ່ປຸ່ນມາຝາກທ່ານຜູ້ອ່ານ.

WhatsApp Image 2020 08 06 at 15.20.58

  1. ຕ້ອງຮູ້ວ່າມີເງິນເທົ່າໃດ:ເມື່ອຮອດເວລາທີ່ເງິນເດືອນຂອງຜົວອອກໃນແຕ່ລະເດືອນແມ່ຍິງຍີ່ປຸ່ນຈະຕ້ອງໄດ້ກົດເງິນອອກມາທັງໝົດກ່ອນເພື່ອຈະໄດ້ຮູ້ວ່າໝົດເດືອນນີ້ມີເງິນຫຼາຍປານໃດຈຶ່ງຈະສາມາດບໍລິຫານເງິນສ່ວນດັ່ງກ່າວໄດ້ຖືກວິທີ.
  2. ຕັ້ງເປົ້າໝາຍ ແລະຕ້ອງເຮັດໄດ້:ວິທີນີ້ເປັນຄຳເວົ້າງ່າຍໆແຕ່ເຮັດຍາກທຳອິດແມ່ນເລີ່ມຈາກການເກັບທ້ອນເງິນ ແລະ ຕ້ອງຕັ້ງໃນໃຈໄວ້ກ່ອນເລີຍວ່າເດືອນນີ້ຈະເກັບໃຫ້ໄດ້ ເທົ່າໃດ ແລະກັບຄືນມາເບິ່ງວ່າຕົນເອງເຮັດໄດ້ ຫຼື ບໍ່ແລະ ຢູ່ໃນລະດັບໃດ. ຈາກນັ້ນຈຶ່ງຄ່ອຍໆພັດທະນາຂຶ້ນໄປໃຫ້ເຖິງຕາມເປົ້າໝາຍ ຫຼື ອີກວິທີໜຶ່ງແມ່ນເກັບເງິນສ່ວນໜຶ່ງໃສ່ ໄວ້ໃນບັນຊີໜຶ່ງຕ່າງຫາກເພື່ອຈະບໍ່ໄດ້ນຳໃຊ້ເງິນສ່ວນດັ່ງກ່າວ.
  3. ປຽບທຽບໃຫ້ໝົດທຸກໆສິ່ງ:ເວລາທີ່ເຮົາຈະໄປຊື້ສິ່ງຂອງຕ່າງໆນັ້ນ ໃຫ້ສົມທຽບລາຄາກ່ອນເພາະລາຄາແຕ່ລະຮ້ານຄ້າແມ່ນບໍ່ຄືກັນ ຊຶ່ງບາງບ່ອນອາດຈະມີການຫຼຸດລາຄາທີ່ແຕກ ຕ່າງກັນອອກໄປ. ສິ່ງສຳຄັນອີກຢ່າງໜຶ່ງໃນການ ໄປຕະຫຼາດ ເພື່ອຊື້ເຄື່ອງໃຊ້ແມ່ນຈະຕ້ອງຈົດລາຍການທີ່ຈຳເປັນຕ້ອງຊື້ຢ່າງລະອຽດ ແລະ ຊື້ແຕ່ສິ່ງທີ່ຈົດໄປ ເທົ່ານັ້ນກໍພໍແລ້ວ.
  1. ຊື້ສິນຄ້າທີ່ຊ່ວຍປະຢັດຄ່າໄຟຟ້າ: ອຸປະກອນທີ່ຊ່ວຍປະຢັດນໍ້າ, ປະຢັດໄຟຟ້າ, ປະຢັດຄ່າໂທລະສັບຄ່າ ອິນເຕີເນັດ ມີຫຼາຍຢ່າງ. ສະນັ້ນ ຈະຕ້ອງຫາເວລາສຶກສາຂໍ້ມູນໃຫ້ຫຼາຍຂຶ້ນ ເພາະຄ່າໄຟຟ້າປັດ ຈຸບັນລາຄາສູງຫຼາຍ ຊຶ່ງຈຳເປັນທີ່ສຸດຈະຕ້ອງໄດ້ຊອກຫາອຸປະກອນເສີມຕ່າງໆທີ່ຊ່ວຍທົດແທນ ຫຼື ຊ່ວຍປະຢັດການໃຊ້ໄຟຟ້າຕື່ມອີກ. ສຳ ຫຼັບຄ່າອິນເຕີເນັດ ແລະ ຄ່າໂທລະສັບ ກໍຄວນໝັ່ນຕິດຕໍ່ຫາສູນບໍລິການຢູ່ຕະຫຼອດ ເພາະວ່າເຂົາເຈົ້າມີໂປຣໂມຊັ່ນ ເປັນແຕ່ລະໄລຍະຊຶ່ງຈະເຮັດໃຫ້ເຮົາປະຢັດເງິນຄ່າອິນເຕີເນັດ ແລະ ຄ່າໂທລະ ສັບໄປຫຼາຍພໍສົມຄວນ.

          ດັ່ງທີ່ທ່ານຮູ້ແລ້ວວ່າ ປັດຈຸບັນຄ່າຄອງຊີບຢູ່ໃນປະເທດເຮົາແມ່ນສູງຂຶ້ນຫຼາຍຖ້າທຽບໃສ່ໃນເມື່ອກ່ອນ ດັ່ງນັ້ນ ການປະຢັດເງິນເພື່ອເກັບທ້ອນໄວ້ນຳໃຊ້ໃນອະນາຄົດຈຶ່ງສຳຄັນ ແລະ ຈໍາເປັນສໍາຫຼັບທຸກຄົນ. ບັນດາທ່ານ ລອງນຳວິທີໃນການເກັບທ້ອນເງິນທີ່ນຳສະເໜີມານີ້ໄປນຳໃຊ້ເຂົ້າໃນຊີວິດປະຈຳວັນຈະເຮັດໃຫ້ຊີວິດຄອບຄົວຂອງທ່ານມີເສດຖະກິດທີ່ດີຂຶ້ນ ແນ່ນອນ.

ໂດຍ: ນາລີ

a1

ປະຈຸບັນຄົນເຮົາໄດ້ຫັນມາໃຫ້ຄວາມສຳຄັນໃນການຮັກສາສຸຂະພາບກັນຫຼາຍຂຶ້ນໂດຍການເລືອກກິນອາຫານທີ່ມີປະໂຫຍດ ແລະ ດີຕໍ່ສຸຂະພາບເປັນຕົ້ນການກິນອາຫານໃຫ້ຄົບ 6 ໝວດໄດ້ແກ່:ທາດແປ້ງ, ແຄລຊ້ຽມ, ຊີ້ນ, ປາ, ໄຂ່ ແລະຜັກ-ໝາກໄມ້. ສະນັ້ນ ໜັງສືພິມສະບັບ

ນີ້ຂໍນຳສະເໜີບັນທ່ານໄດ້ຮູ້ເຖິງຜົນປະໂຫຍດຂອງຜັກ ແລະ ໝາກໄມ້ບາງຊະນິດທີ່ມີຫຼາຍ ແລະ ຊອກຫາໄດ້ງ່າຍຢູ່ບ້ານເຮົາ ດັ່ງນີ້: 

      - ສາລີ: ສາລີເປັນທັນຍາພືດທີ່ມີຫຼາຍຢູ່ລາວ, ສາມາດນຳໄປປຸງແຕ່ງໄດ້ຫຼາຍປະເພດເຊັ່ນ: ໜຶ້ງ, ຕົ້ມ, ປີ້ງ, ເຮັດນ້ຳຫວານ, ນ້ຳສາລີ... ແຕ່ທ່ານຮູ້ບໍ່ວ່າໃນສາລີ 1 ມານ ໃຫ້ພະລັງງານປະມານ 70ແຄລໍລີ້ ຊຶ່ງອຸດົມໄປດ້ວຍວິຕາມິນເອ ແລະເສັ້ນໃຍອາຫານທີ່ຊ່ວຍປ້ອງກັນພະຍາດມະເຮັງ, ພະຍາດຫົວໃຈ , ພະຍາດຕຸ້ຍ ແລະ  ຊ່ວຍໃນການບຳລຸງກະເພາະອາຫານອີກດ້ວຍ.

      - ໝາກໂມ: ເປັນໝາກໄມ້ທີ່ອຸດົມໄປດ້ວຍເສັ້ນໃຍອາຫານ, ມີວິຕາມິນເອ ແລະ ບີ 6 ທີ່ຊ່ວຍໃນການເຮັດວຽກຂອງໄຕ ເພື່ອເຮັດໃຫ້ຂັບຖ່າຍສິ່ງ ເສດເຫຼືອອອກຈາກຮ່າງກາຍ ແລະ ຍັງເປັນຢາລະບາຍອ່ອນໆ. ການດື່ມນໍ້າໝາກໂມຍັງຊ່ວຍແກ້ຮ້ອນໃນໄດ້ເປັນຢ່າງດີ, ຂັບນ້ຳປັດສະວະ, ແກ້ວິນຫົວ ແລະ ແກ້ອາການອ່ອນເພຍ. ນອກຈາກນີ້ ໝາກໂມຍັງຊ່ວຍບຳລຸງຜິວໜ້າໃຫ້ສົດຊື່ນ ພຽງແຕ່ຝານໝາກໂມບາງໆແລ້ວເອົາມາວາງໄວ້ເທິງຜິວໜ້າ ປະມານ 20 ນາທີກໍຈະຊ່ວຍໃຫ້ຜິວນຸ້ມ, ຊຸ່ມຊື່ນຂຶ້ນໄດ້. 

      - ໝາກສີດາ: ເປັນໝາກໄມ້ທີ່ມີວິຕາມິນຊີສູງກວ່າໝາກໄມ້ຊະນິດອື່ນ, ໂດຍສະເພາະໝາກສີດາທີ່ແກ່ເຕັມທີ່ຈະມີວິຕາມິນຊີສູງກວ່າໝາກສີດາສຸກ. ສຳລັບທ່ານ ໃດທີ່ມີອາການເຄັ່ງຄຽດ, ເຈັບຫົວເປັນປະຈຳໃຫ້ເອົາໝາກສີດາອ່ອນໆມາຝານບາງໆ,  ແຊ່ນ້ຳເຢັນ ແລ້ວວາງໃສ່ເທິງຂະໝັບ ຈະເຮັດໃຫ້ຜ່ອນຄາຍ. ນອກຈາກນີ້ ວິຕາມິນຊີເຫຼົ່ານີ້ຍັງຊ່ວຍສ້າງຄໍລາເຈນໃຫ້ກັບຜິວຈະເຮັດໃຫ້ຜິວພັນເຕັ່ງຕຶງ ແລະ ມີນ້ຳມີນວນ.

      - ໝາກຂາມປ້ອມ:ມີສັບພະຄຸນຊ່ວຍບັນເທົາໂລກກະເພາະ, ແກ້ໄອ ແລະຂັບຂີ້ກະເທີ່ໄດ້ເປັນຢ່າງດີ. ການກິນໝາກຂາມປ້ອມເພື່ອເປັນຢາບຳລຸງຮ່າງກາຍພຽງແຕ່ເອົາໝາກຂາມປ້ອມມາທຸບພໍແຕກ,ແກະແກ່ນອອກຈາກນັ້ນເອົາເນື້ອໝາກຂາມປ້ອມມາແຊ່ລົງໃນນ້ຳເຜິ້ງ ປະມານ3-5 ມື້ ແລ້ວກິນມື້ລະ 1-2 ໝ່ວຍ ເມື່ອກິນເປັນປະຈຳຈະຊ່ວຍແກ້ອາການອ່ອນເພຍໄດ້.

      - ໝາກພ້າວ: ມີປະລິມານໄຂມັນແລະ ທາດແປ້ງສູງ, ມີປະລິມານນ້ຳມັນ 65 ເປີເຊັນ. ຕ່ອນໝາກພ້າວເປັນຢາບຳລຸງແກ່ຮ່າງກາຍ, ຊ່ວຍຂັບນ້ຳປັດສະວະແລະ ແກ້ໄຂ້ໄດ້.  ນອກຈາກນີ້ ນ້ຳມັນໝາກພ້າວຍັງໃຊ້ທາແກ້ເຈັບປວດເສັ້ນເອັນ,ທາບາດແຜບໍລິເວນໄຟໄໝ້ນ້ຳຮ້ອນລວກ, ຖ້າເອົາມານວດໃສ່ເສັ້ນຜົມຈະຊ່ວຍໃຫ້ຜົມນຸ້ມ ແລະ ຫຼຸດຜ່ອນບັນຫາຜົມແຕກປາຍໄດ້ນຳອີກ.

                                                                                                                                                 ຂໍ້ມູນຈາກ: ປື້ມໝາກໄມ້ບຳລຸງສຸຂະພາບ

                                                                                                                                                                  ໂດຍ: ເກດມະນີ

77 26

77 25