10

ໄຂ່ ເປັນອາຫານຍອດຮິດທີ່ຄົນເຮົານິຍົມນຳມາປຸງແຕ່ງເປັນອາຫານ, ເພາະຫາຊື້ໄດ້ງ່າຍ ແລະ ລາຄາກໍບໍ່ແພງ ອີກດ້ວຍ. ໄຂ່ ສາມາດນຳມາປຸງແຕ່ງເປັນເມນູອາຫານໄດ້ຫຼາຍຢ່າງ ເຊັ່ນ: ໄຂ່ຕົ້ມ, ໄຂ່ຈືນ, ໄຂ່ໜຶ້ງ ແລະ ອື່ນໆ ທີ່ໄດ້ຮັບຄວາມ ນິຍົມ ແລະ ດີຕໍ່ ສຸຂະພາບຫຼາຍທີ່ສຸດແມ່ນ ໄຂ່ຕົ້ມ, ແຕ່ວ່າຫຼາຍໆທ່ານອາດບໍ່ມັກ ເພາະເປັນເມນູທີ່ບໍ່ໜ້າແຊບ ແຕ່ຄວາມ ຈິງແລ້ວການກິນໄຂ່ໃຫ້ ໄດ້ຮັບຄຸນປະໂຫຍດ ແລະ ໄດ້ຮັບສານອາຫານຄົບ ຖ້ວນທີ່ສຸດແມ່ນໄຂ່ຕົ້ມ ເມື່ອທ່ານຮັບປະທານເປັນປະຈຳຈະຊ່ວຍໃຫ້ນໍ້າໜັກຫຼຸດ ລົງ ຈົນເຫັນໄດ້ເຖິງຄວາມແຕກຕ່າງຂອງຮ່າງກາຍ, ດັ່ງນັ້ນ ຖ້າຫາກສາວໆທ່ານໃດທີ່ກຳລັງຄິດຈະຫຼຸດນໍ້າໜັກກໍຢ່າລືມຄິດ ເຖິງໄຂ່ຕົ້ມ ເປັນສ່ວນ ປະກອບໃນແຕ່ລະ ຄາບເຂົ້ານຳເດີ້.

          ຈາກຜົນການສຶກສາພົບວ່າ ການ ກິນໄຂ່ຕົ້ມແທນເຂົ້າເຊົ້າ ມື້ລະ 2 ໜ່ວຍ ຈະຊ່ວຍຫຼຸດນໍ້າໜັກ ໄດ້ 400 ແຄລໍຣີຕໍ່ມື້ ເພາະໄຂ່ເປັນອາຫານທີ່ອຸດົມໄປດ້ວຍຄຸນປະໂຫຍດຫຼາຍຢ່າງ ມີສານອາຫານຫຼາຍ ຊະນິດ ເຊັ່ນ: ໂປຣຕີນ, ທາດສັງກະສີ, ວິຕາມິນ A, D, E ແລະ B12. ດັ່ງນັ້ນ ໄຂ່ ຈຶ່ງເປັນອີກເມນູໜຶ່ງ ທີ່ຊ່ວຍຮັກສາສຸຂະພາບກິນແລ້ວອຸ່ນທ້ອງ ແລະ ອີ່ມດົນ ຊຶ່ງສົ່ງຜົນເຮັດໃຫ້ກິນ ອາຫານໃນຄາບຕໍ່ໄປ ໜ້ອຍລົງ, ເປັນສາເຫດທີ່ຫຼາຍຄົນມັກເວົ້າ ວ່າກິນໄຂ່ຕົ້ມໃນຕອນເຊົ້າຊ່ວຍຫຼຸດນໍ້າໜັກໄດ້ດີ.

 ໄຂ່ຕົ້ມມີປະໂຫຍດຢ່າງຫຼວງຫຼາຍນອກຈາກຈະຊ່ວຍຫຼຸດນໍ້າໜັກໄດ້ຢ່າງມີປະສິດທິພາບແລ້ວຍັງຊ່ວຍບຳລຸງຮ່າງກາຍ ໃຫ້ ແຂງ ແຮງໄດ້ອີກດ້ວຍ ເຊັ່ນ:11

  1. ຊ່ວຍບຳລຸງສາຍຕາ ເພາະສານທີ່ມີຢູ່ໃນໄຂ່ ເປັນສານທີ່ພົບຢູ່ບໍລິເວນດວງຕາ ຊຶ່ງໄຂ່ຈະມີສານອາຫານນີ້ຫຼາຍກວ່າອາ ຫານປະເພດອື່ນ ທັງຍັງຊ່ວຍຫຼຸດຄວາມສ່ຽງຕໍ່ການເກີດເປັນຕາຕໍ້ອີກດ້ວຍ.
  2. ເປັນແຫຼ່ງລວມຂອງໂປຣຕີນ ຊຶ່ງໄຂ່ 1 ໜ່ວຍ ຈະມີໂປຣຕີນທີ່ມີຄຸນນະ ພາບດີ 6  ກຼາມ ແລະ ກົດອະມີໂນທີ່ສຳຄັນ ຕໍ່ການບຳລຸງລ້ຽງຮ່າງກາຍ ອີກ 9 ຊະນິດ.
  3. ການກິນໄຂ່ເປັນປະຈຳຈະ ຊ່ວຍປ້ອງກັນເລືອດແຂ້ນ, ເສັ້ນເລືອດອັດ ຕັນໃນສະໝອງ ແລະ ສະພາວະກ້າມຊີ້ນ ຫົວໃຈ ລົ້ມເຫຼວ. ນອກຈາກນີ້ ໄຂ່ ຍັງຊ່ວຍ ໃນການຄວບຄຸມການເຮັດວຽກຂອງສະ ໝອງ, ລະບົບປະສາດ ແລະ ລະບົບການ ໄຫຼວຽນຂອງເລືອດ, ທັງຍັງຊ່ວຍປ້ອງກັນ ມະເຮັງເຕົ້ານົມທີ່ມັກເກີດຂຶ້ນກັບແມ່ຍິງອີກດ້ວຍ.
  4. ມີວິຕາມິນ ດີ (D), ໄຂ່ເປັນອາຫານພຽງຊະນິດດຽວທີ່ເປັນແຫຼ່ງວິຕາມິນ ດີ ຕາມທຳມະຊາດ.

ຍ້ອນຄຸນປະໂຫຍດທີ່ກ່າວມານັ້ນ ເຮັດໃຫ້ໄຂ່ຕົ້ມ ກາຍເປັນເຄັດບໍ່ລັບທີ່ຊ່ວຍໃນການຫຼຸດນໍ້າໜັກຂອງສາວໆ ຫຼາຍທ່ານໄດ້ ຢ່າງດີ ແຕ່ກໍຄວນຮັບປະທານຢ່າງເໝາະສົມຕາມສະພາບຂອງຮ່າງກາຍ ໂດຍໃນແຕ່ລະມື້ຄວນຮັບປະທານ ອາຫານຊະນິດອື່ນໆຄວບ ຄູ່ນຳເພື່ອໃຫ້ໄດ້ສານອາຫານຄົບທັງ 5 ໝວດ, ຄວນເລືອກກິນໄຂ່ໃນອາຫານຄາບເຊົ້າ ຄຽງຄູ່ ກັບການອອກກຳລັງກາຍເປັນປະຈຳ ຈະ ເຮັດໃຫ້ທ່ານສາມາດຫຼຸດນໍ້າໜັກ ແລະ ມີຮູບຮ່າງທີ່ດີໄດ້ແນ່ນອນ.

                                                                                                                                                                                                        ໂດຍ: ມີນາພອນ