142143145

ແຈັກໝ່າ (Jack Ma) ເປັນຄົນເຊື້ອຊາດຈີນ ເກີດຢູ່ເມືອງຫາງໂຈ ລາວເປັນຄົນທີ່ມັກຮຽນພາສາອັງກິດຫຼາຍກວ່າວິຊາອື່ນ ຕັ້ງແຕ່ຄາວຍັງເປັນເດັກນ້ອຍ ຈົນເຮັດໃຫ້ລາວໄດ້ກ້າວຂຶ້ນເປັນຄູສອນພາສາອັງກິດ ໄດ້ຮັບເງິນເດືອນເລີ່ມຕົ້ນຈາກ 120.000 ກີບ ແຕ່ລາວກໍສືບຕໍ່ຮຽນພາສາອັງກິດ ຈົນກາຍເປັນຄົນຈີນທີ່ເກັ່ງພາສາອັງກິດໃນຍຸກນັ້ນ.

       ຈຸດເລີ່ມຕົ້ນການດໍາເນີນທຸລະກິດຂອງລາວ ແມ່ນການໄປຢາມໝູ່ຢູ່ສະຫະລັດອາເມລິກາ ແລ້ວໄດ້ບອກໃຫ້ໝູ່ຄົ້ນເບິ່ງສິນຄ້າທີ່ເປັນພາສາຈີນແຕ່ກໍບໍ່ມີ ລາວເລີຍຖືໂອກາດນີ້ເພື່ອເຮັດທຸລະກິດ. ໃນປີ 1995 ລາວໄດ້ໄປຕັ້ງບໍລິສັດໜຶ່ງ ຊຶ່ງເປັນບໍລິສັດອິນເຕີເນັດຊຸດທໍາອິດໃນປະເທດຈີນ. ມາເຖິງ ປີ 1999 ລາວໄດ້ຕັ້ງບໍລິສັດອາລິບາບາ (Alibaba) ຂຶ້ນ ດ້ວຍວິໄສທັດດ້ານອີຄອມເມິຮ໌ຊ (E-com

merce) ຈາກນັ້ນ, ໄດ້ຂະຫຍາຍທຸລະກິດທີ່ກ່ຽວຂ້ອງເພີ່ມຂຶ້ນເລື້ອຍໆ ໂດຍສະເພາະແມ່ນການສ້າງເວບໄຊ໌ (Website) ໃນລັກສະນະທີ່ເຮັດໃຫ້ຄົນຫັນມາຂາຍສິນຄ້າໄດ້ ເປັນຕົ້ນ: Taobao.com; Aliexpress; Aplipay; Juhuasuan; 1688.com; etao, Alibaba Cloud Computing. ມາເຖິງປີ 2012 ໄດ້ສ້າງອຸດສາຫະກໍາຊື້ຂາຍຜ່ານ Alibaba ສະເລ່ຍລາຍຮັບທັງໝົດ 1 ລ້ານຢວນ (ປະ

ມານ 1.250.000.000 ກີບ) ຈາກນັ້ນ ແຈັກໝ່າ ໄດ້ນໍາເອົາບໍລິສັດ Alibaba ເຂົ້າໄປຈົດທະບຽນໃນຕະຫຼາດຫຼັກຊັບທີ່ນິວຢອກ ເຮັດໃຫ້ສະຖິຕິທີ່ລະດົມເງິນໄດ້ສູງສຸດໃນຕະຫຼາດຮຸ້ນຂອງສະຫະລັດ. ມື້ທໍາອິດທີ່ຊື້ຂາຍມູນຄ່າບໍລິສັດ Alibaba ພຸ່ງສູງຂຶ້ນ 200 ລ້ານຫຼຽນສະຫະລັດ ກ້າວກະໂດດຂຶ້ນແຊງໜ້າບັນດາບໍລິສັດໃຫຍ່ ແລະ ເຄີຍມີຊື່ສຽງມາກ່ອນ ເຮັດໃຫ້ລາວໄດ້ກາຍເປັນເສດຖີອັນດັບໜຶ່ງ

ຄົນໃໝ່ໃນປະເທດຈີນ.

       ຄຽງຄູ່ກັບຜົນສໍາເລັດທາງດ້ານດໍາເນີນທຸລະກິດທີ່ໂດດເດັ່ນໃນວົງການການຄ້າຂອງສາກົນແລ້ວ ແຈັກໝ່າ ຍັງເປັນຜູ້ໜຶ່ງທີ່ມີຂໍ້ຄິດໃນການໃຊ້ຊີວິດຄູ່ ແລະ ແນວຄິດດີໆ ເພື່ອສອນລູກຫຼານ ດັ່ງນີ້:

  1. ຈົ່ງໃສ່ໃຈຮຽນພາສາຈີນ ຊຶ່ງຈໍາເປັນທີ່ສຸດ ສ່ວນວິຊາອື່ນໆເອົາແຕ່ພໍຫາວຽກດີໆໄດ້ ເພາະໂລກແຫ່ງຄວາມຈິງວັດແທກກັນທີ່ລະດັບຄວາມຮູ້ ສ່ວນພາສາອັງກິດ ແລະ ພາສາຈີນ ຈະຊ່ວຍສ້າງຜົນງານໄດ້.
  1. ເລືອກວຽກທີ່ມັກ ແຕ່ຢ່າລືມວ່າ ອາຊີບນັ້ນສາມາດລ້ຽງດູຕົນເອງ ແລະ ຄອບຄົວໄດ້ຫຼືບໍ່? ຖ້າບໍ່‚ກໍ່ບໍ່ຄວນຕົວະຕົນເອງ.
  2. ເມື່ອເຖິງເວລາເຮັດວຽກ ໃຜທ້ອນເງິນໄດ້ກ່ອນ ຜູ້ນັ້ນກໍຈະຮັ່ງມີໄວກວ່າ.
  3. ຊີິວິດທີ່ບໍ່ມີໜີ້ ຄືຊີວິດທີ່ປະເສີດທີ່ສຸດ.
  4. ຫາເປົ້າໝາຍຊີວິດໃຫ້ພົບໄວໆ ເພາະເປັນເຄື່ອງມືນໍາທາງເຮົາໃນຊາດນີ້ຕະຫຼອດໄປ.
  5. ການເກັບທ້ອນເງິນເປັນພຽງການເລີ່ມຕົ້ນ ຫຼື ເປັນຂັ້ນໄດສູ່ຄວາມຮັ່ງມີ ແຕ່ຂັ້ນຕໍ່ໄປຄືການໝູນໃຊ້ເງິນດ້ວຍການລົງທຶນແລະ ຫາທີ່ປຶກສາການເງິນໄວ້ເປັນໝູ່ເພື່ອນ.
  1. ຢ່າພະຍາຍາມເປັນສັດຕູກັບໃຜ ບໍ່ວ່າຈະເປັນເພື່ອນຮ່ວມງານ ຫຼື ໝູ່ເພື່ອນຮ່ວມໂລກດຽວກັນ ເພາະເຮົາບໍ່ຮູ້ວ່າ ອະນາຄົດພາຍໜ້າຈະເປັນແນວໃດ? ບາງຄັ້ງ ເຂົາອາດຈະຍິ່ງໃຫຍ່ກວ່າເຮົາ ແລະກັບມາທໍາຮ້າຍເຮົາໄດ້.

       8.ການຕິດຕໍ່ປະສານງານເປັນສິ່ງທີ່ສໍາຄັນທີ່ສຸດ ຕໍ່ໃຫ້ເກັ່ງສໍ່າໃດກໍບໍ່ເທົ່າກັບການຮູ້ຈັກຫຼາຍໆຄົນໃນການພົວພັນຕິດຕໍ່ສື່ສານ.

  1. ບໍ່ຄວນຄິດວ່າຕົນເອງເຮັດໄດ້ພຽງຢ່າງດຽວ ເພາະຄວາມສາມາດຂອງຄົນເຮົາມີຫຼາຍກວ່າໜຶ່ງຢ່າງສະເໝີ.

       10.ເມື່ອມີໂອກາດເຂົ້າມາໃນຊີວິດ ຢ່າຄິດຈະປະຕິເສດ ຮີບໄຂວ່ຄວ້າເອົາມັນໄວ້ ເຖິງແມ່ນຈະລົ້ມເຫຼວນັ້ນເປັນບົດຮຽນປະສົບການໃຫ້ເຮົາ ເພື່ອປັບຕົວໃນຄັ້ງຕໍ່ໄປ.

  1. ພະຍາຍາມສ້າງເນື້ອສ້າງຕົວໃຫ້ໄວທີ່ສຸດໃນຂະນະທີ່ຍັງມີກໍາລັງ ເພາະການຜ່ານຜ່າອຸປະສັກຕອນອາຍຸແກ່ມັນບໍ່ແມ່ນເລື່ອງທີ່ງ່າຍດາຍ.
  1. ເລືອກຄູ່ຊີວິດຢ່າເບິ່ງແຕ່ຂໍ້ດີຂອງເຂົາ ແຕ່ຄວນຈະເບິ່ງວ່າເຮົາສາມາດຮັບຂໍ້ເສຍຂອງເຂົາໄດ້ໜ້ອຍຫຼາຍພຽງໃດ.
  2. ການມີແຟນ ຫຼື ເປັນສາມີພັນລະຍາກັນ ອາດມີໂອກາດເລີກລາກັນໄດ້ ແຕ່ຄວາມຜູກພັນ ຄວາມເປັນພໍ່ແມ່ລູກນັ້ນ ບໍ່ສາມາດເລີກ ແລະ ຕັດຂາດກັນໄດ້ ສະນັ້ນ, ຄວນເບິ່ງແຍງດູແລຄອບຄົວໃຫ້ດີ.

                                                                                   

                                                                                                                                                                                                                                                                                ໂດຍ: ຈິນດາ

                                                                                                                                                                                                                                                                   ຂໍ້ມູນຈາກ Facebook.com